ရေဆင်းစိုက်ပျိုးရေးတက္ကသိုလ်က သိုင်းပြောင်းပြန်သင်တန်း

(ရေဆင်းစိုက်ပျိုးရေးတက္ကသိုလ် နှစ်(၈၀)ပြည့် ပတ္တမြားရတုအထိမ်းအမှတ် ဒသမအကြိမ်မြောက် နှစ် လည်မဂ္ဂဇင်း ၂၀၀၄-၂၀၀၅ ခုနှစ်တွင် ဆရာကြီးဦးတင်မြင့်ရေးသားခဲ့သော သိုင်းပြောင်းပြန်နဲ့ ပတ်သက်တဲ့ ဆောင်းပါးလေးတစ်ပုဒ်ဖြစ်ပါတယ်။ ယခုဆောင်းပါးကို Thaing Byaung Byan FB Account မှ ကူးယူဖော်ပြတာဖြစ်ပါတယ်ခင်ဗျာ။)

Yae Sin University Thaing Byaung Byan

ရေဆင်းစိုက်ပျိုးရေးတက္ကသိုလ်က သိုင်းပြောင်းပြန် (ဦးတင်မြင့်)

Download (File Size – 218 KB)

ရေဆင်းစိုက်ပျိုးရေးတက္ကသိုလ်ကြီးဟာ ယခုဆိုလျှင် နှစ်ရှစ်ဆယ် ပြည့်သို့တိုင်ခဲ့ပါပြီ။ ကျူရှင်ယူစရာ မလိုတဲ့ တက္ကသိုလ်၊ ဆရာဆရာမများနဲ့ ကျောင်းသားကျောင်းသူများရဲ့ မိဘနဲ့ သားသမီးလို နွေးထွေးစွာ ဆက်ဆံမှု၊ ဆရာဆရာမများ၊ အရာထမ်း အမှုထမ်းဝန်ထမ်း အပေါင်းတို့ဟာလည်း စိုက်ပျိုးရေး၊ မွေးမြူရေး၊ အရောင်းအ၀ယ် စတာတွေနဲ့ အဂတိလိုက်စားမှု ကင်းရှင်းစွာ ရောင့်ရဲ တင်းတိမ်နေထိုင် ပျော်မွေ့နိုင်ကြပုံ၊ ပညာသင်ကြားမှုမှာလည်း မဟာသိပ္ပံဘွဲ့၊ ပါရဂူဘွဲ့တွေအထိ သင်ကြားပေးနေပုံ၊ ကျောင်းသားကျောင်းသူတွေအတွက် ကာယဥာဏ ဘက်စုံဖွံ့ဖြိုးတိုးတက်စေဖို့ အားကစားပြိုင်ပွဲတွေ၊ ယဉ်ကျေးမှုနဲ့ဆိုင်တဲ့ နံရံကပ်စာစောင်နဲ့ စာပေဟောပြောပွဲတွေ ပန်းချီသင်တန်းတွေစတဲ့ တက္ကသိုလ်ကြီးရဲ့ ဖွံ့ဖြိုးတိုးတက်မှုတွေဟာ ဂုဏ်ယူထိုက်စရာတွေ ပါပဲ။ ကျောင်းသားကျောင်းသူတွေ စာသင်ချိန်အပ ကျောင်းဆင်းချိန်မှာ ကိုယ်ဝါသနာပါရာ အားကစားတစ်ခုခုကို လေ့လာလိုက်စား လေ့ကျင့်သင်ယူလိုပါသလား။ အားလုံးဟာ အဆင်သင့်ပါပဲ။ အားကစားရုံထဲမှာ အလေးတွေမ၊ ခေတ်မီစက်တွေနဲ့ လေ့ကျင့်နေသူတွေ၊ ကြက်တောင်ရိုက်၊ စားပွဲတင်တင်းနစ်၊ ပင်ပေါင်ကစားသူတွေ၊ ပိုက်ကျော်ခြင်း၊ ဘော်လီဘောကစားသူတွေ၊ ဘတ်စကက်ဘော ကစားနေသူတွေ၊ ဘောလုံးလေ့ကျင့်ရေးကွင်းမှာ ဘောလုံးကစားနေသူတွေ၊ အားကစားကွင်းကြီးရဲ့ ပြေးလမ်းပေါ်မှာ အပြေးလေ့ကျင့်နေသူတွေ၊ အားပါးတရ ရှိလှပါတယ်။ အဲ…ဘောလုံးလေ့ကျင့်ရေးကွင်းရဲ့ အရှေ့ဘက်၊ ပြည်သူ့ဆေးရုံရဲ့ တောင်ဘက် စိုက်ပျိုးရေးတက္ကသိုလ် ရဲ့ ဥယျာဉ်ထဲမှာတော့ ၀ါသနာရှင်ကျောင်းသားတွေ ကျွန်တော့်ရဲ့ သိုင်းပြောင်းပြန်ပညာ ကို မြတ်မြတ်နိုးနိုးနဲ့ သင်ကြားလေ့ကျင့်နေတာကို တွေ့နိုင်ပါတယ်။ သိုင်းပြောင်းပြန်ပညာကို ၀ါသနာကြီးခဲ့တဲ့ ကျွန်တော်ဟာ ကျွန်တော်လို ၀ါသနာတူရာ ကျောင်းသား ကျောင်းသူတွေကို သင်ကြားပြသပေးရတော့ ပင်ပန်းမှုတွေကို ပျော်ရွှင်စွာနဲ့ ကျော်ဖြတ်လာခဲ့တာ (၂၁)နှစ် ကျော်လာခဲ့ပါပြီ။ ဒီသက်တမ်းအတွင်းမှာ အားကစားနှင့် ကာယပညာကော်မတီမှ ကြီးမှူးကျင်းပပေးခဲ့တဲ့ သိုင်းပြောင်းပြန် စွမ်းရည်ပြပွဲ သုံးကြိမ်ပြသခဲ့ဖူးပါတယ်။ သင်တန်းသားပေါင်းများစွာကိုလည်း သင်ကြားလေ့ကျင့်ပေးနိုင် ခဲ့ပါတယ်။ ဆရာဖြစ်အထိ သင်ကြားအောင်မြင်ခဲ့ကြတဲ့ သိုင်းပြောင်းပြန်သမား လေးယောက် ကတော့ ရေဆင်းစိုက်ပျိုးရေးတက္ကသိုလ် ကျောင်းသားများဖြစ်ခဲ့ကြတဲ့ ကိုကျော်ဆောင်း၊ ကိုဌေးရှိန်၊ ကိုစိုးမြင့်နဲ့ ကိုဟန်ဖြိုးအောင်တို့ ဖြစ်ပါတယ်။ သူတို့လို အလားအလာကောင်းတဲ့ သင်တန်းသားတွေလည်း အများအပြားရှိပါတယ်။ ဒီသင်တန်းမှာ စိုက်ပျိုးရေး တက္ကသိုလ်၊ မွေးမြူရေးဆိုင်ရာ ဆေးတက္ကသိုလ်၊ သစ်တောတက္ကသိုလ်အပြင် ဆရာဆရာမများ ၀န်ထမ်းမိသားစုများရဲ့ သားသမီးများ၊ ရေဆင်းအခြေခံအထက်တန်းကျောင်း မှ ကျောင်းသားငယ်များလည်း ပါဝင်ပါတယ်။

၁၉၈၃ ခုနှစ်ကစပြီး သင်တန်းဖွင့်ဖြစ်ခဲ့တဲ့အကြောင်းကတော့ ဒီလိုပါ။ ၁၉၈၂ ခုနှစ် နှစ်ကုန်ပိုင်းမှာ ကျွန်တော့်ဇနီး ဒေါ်သောင်းကြည်၊ ကထိက၊ စိုက်ပျိုးရေးရုက္ခဗေဒဌာနရှိရာ ရေဆင်းစိုက်ပျိုးရေး တက္ကသိုလ်သို့ မန္တလေးကနေ အပြီးတိုင် ပြောင်းရွှေ့လာခဲ့ပါတယ်။ ကျွန်တော့်ကို သိုင်းပြောင်းပြန်ဆရာမှန်းသိတဲ့ ပထမနှစ်ကျောင်းသား မောင်ကျော်ဆောင်းကို သိုင်းပြောင်းပြန်ပညာ စတင်သင်ကြားပေးပါတယ်။ တစ်ဦးတည်းသော သင်တန်းသား မောင်ကျော်ဆောင်းအား သင်ကြားပြသလေ့ကျင့်နေပုံတွေကို ကွယ်လွန်သွားရှာပြီးဖြစ်တဲ့ ဆရာဦးဘွန်ချိန်းက လာရောက်ကြည့်ရှုလေ့လာပါတယ်။ သူကိုယ်တိုင်သင်ကြားလိုပေမယ့် ကျန်းမာရေးအခြေအနေအရ သင်ကြားခွင့် မရခဲ့ရှာပါဘူး။ တနေ့မှာတော့ အဲဒီအချိန်က အားကစားနဲ့ ကာယပညာ ကော်မတီဥက္ကဌ ပါမောက္ခဆရာကြီးဒေါက်တာတိုးလှိုင်ကို ခေါ်လာပြီး ကျွန်တော်နဲ့ တွေ့ပေးပါတယ်။ ဆရာကြီးက စိတ်ပါဝင်စားတဲ့ကျောင်းသားကျောင်းသူတွေ သိုင်းပြောင်းပြန်ပညာကို လေ့လာသင်ယူဖို့ စာသင်ချိန်အပ ကျောင်းအားချိန်မှာ ကျောင်းသားကျောင်းသူများ စိတ်လေလွင့်မှုမရှိအောင် အကျင့်စာရိတ္တပျက်စီးစေမည့် အပြုအမှုမျိုးတွေ မပြုလုပ်မိစေရန်အတွက် တစ်ဖက်တစ်လမ်းက တားဆီးကာကွယ်တဲ့အနေနဲ့ သိုင်းသင်တန်းဖွင့်ပေးပါလို့ တောင်းဆိုပါတယ်။ ကျွန်တော် လည်း ခေတ်ပညာတတ် သိုင်းသမားကောင်းတွေ ပေါ်ထွန်းလာစေဖို့ မျှော်လင့်ချက်နဲ့ ဆရာကြီး ရဲ့တောင်းဆိုချက်ကို သဘောတူလက်ခံလိုက်ပါတယ်။ ၁၉၈၃-ခုနှစ် ဇန်န၀ါရီလထဲမှာပဲ သင်တန်းစဖွင့်ခဲ့တာ ယနေ့အချိန်ထိပါပဲ။

သိုင်းပြောင်းပြန်မှာ လက်သိုင်း၊ တုတ်သိုင်း၊ ဓားသိုင်း သုံးဘာသာရှိပါတယ်။ သုံးဘာသာစလုံးကို သင်ရိုးညွန်းတမ်းအတိုင်း သင်ရိုးသင်လက်နဲ့ နည်းစနစ်တကျ အခြေခံကစပြီး သင်ကြားပေးပါတယ်။ အခြေခံပိုင်နိုင်ပြီး တုတ်၊ ဓား လက်နက်တွေကို ကျွမ်းကျွမ်းကျင်ကျင် ကိုင်တွယ်အသုံးပြုလာနိုင်ပြီဆိုမှ ပညာအဆင့်ကို တဖြည်းဖြည်းမြှင့်ပေးတဲ့နည်းနဲ့ သင်ကြားပေးပါတယ်။ သင်တန်းကို ကလပ်ပုံစံနဲ့ အမြဲတမ်းဖွင့်လှစ်ထားတော့ သင်တန်းအချိန်အတွင်းမှာ သင်တန်းသား အသစ်အဟောင်းများ မပြတ်လေ့ကျင့်နေကြပါတယ်။ ကလပ်ပုံစံဖြစ်ပေမယ့် လစဉ်ကြေးတို့ ၀င်ကြေးတို့ ဆိုတာတွေ မရှိပါဘူး။ အဆင့်ကြေးဆိုတာပဲရှိပါတယ်။ အဆင့်တစ်ဆင့်ကို ငွေကျပ်နှစ်ထောင်ပဲ သတ်မှတ်ထားပါတယ်။ မပေးနိုင်လည်း နားလည်ပြီး သင်ပေးတာပါပဲ။ ငွေကြေးအရကတော့ ရှင်းပါတယ်။ ပညာကို လိုချင်စိတ်ရှိပြီး ကြိုးစားသူတွေဆိုရင် ကျွန်တော်ကိုက အခမဲ့အလကား သင်ပေးချင်နေတတ်တာပါ။ အဆင့် တစ်ဆင့်ကို နှစ်နှစ်သုံးနှစ် လေ့ကျင့်ကြသူတွေလည်း ရှိပါတယ်။ သိုင်းပြောင်းပြန်ရဲ့ နည်းစနစ်တွေ မူတွေ၊ ဟန်တွေ၊ မာန်တွေကို ပိုပြီး ကြေညက်တတ်ကျွမ်းတာပေါ့။

ဒီကနေ့ခေတ်မှာ တိုင်းတပါးက တိုက်ခိုက်မှု အတတ်ပညာတွေ ကြီးစိုးနေပါတယ်။ ကျွန်တော်တို့ မြန်မာလူငယ်တွေ တိုင်းတပါးကလာတဲ့ သိုင်းပညာတွေကို မထိတွေ့၊ မလေ့လာ၊ မသင်ကြားသင့်ဘူးလို့ ဆိုလိုတာ မဟုတ်ပါဘူး။ ထိတွေ့လေ့လာ သင်ယူခွင့်ရှိပါတယ်။ သူ့အားနည်းချက် ကိုယ့်အားနည်းချက်၊ သူ့အားသာချက်၊ ကိုယ့်အားသာချက်တွေကို သိရတာပေါ့။ အမြင်ကျယ်ကျယ်နဲ့ဖွင့်ပြီး လေ့လာဖို့ကောင်းပါတယ်။ ဒါပေမယ့် အသိတစ်ခု သတိတစ်ခုတော့ရှိဖို့ လိုအပ်ပါတယ်။ အဲဒါက လွန်ကဲစွာ အထင်မကြီးဖို့နဲ့ သတိရှိမှာက သူတို့နိုင်ငံတွေမှာမှ ဒီအတတ်ပညာတွေ ရှိတာမဟုတ်ပါဘူး။ ငါတို့နိုင်ငံမှာလည်း သိုင်းဆိုတဲ့ အတတ်ပညာရှိတယ်ဆိုတဲ့ သတိပါပဲ။

သိုင်းပညာဆိုတာ မြန်မာတစ်မျိုးသားလုံးပိုင်ဆိုင်တဲ့ မြန်မာ့ရိုးရာယဉ်ကျေးမှု အမွေအနှစ် ဖြစ်ပါတယ်။ ဂုဏ်သိက္ခာနဲ့ အစဉ်အလာကြီးမားပါတယ်။ မြန်မာ့သမိုင်းမှာ လက်စွမ်း၊ တုတ်စွမ်း၊ ဓားစွမ်း၊ လှံစွမ်း ပြခဲ့ကြတဲ့ သူရဲကောင်းတွေ အများကြီးရှိပါတယ်။ ဒီကနေ့ခေတ်မှာလည်း တစ်ကယ်လေ့ကျင့်ရင် တစ်ကယ်တတ် တစ်ကယ်စွမ်းပါတယ်။ အဲ-ခုနှစ်ရက် တစ်ဝိုင်းသိုင်းသင်ပြီး ကိုယ့်ကိုယ်ကို သိုင်းတတ်ပြီလို့ ထင်မှတ်နေရင်တော့ မိုက်မဲရာ ကျမှာပါပဲ။ တကယ် သိုင်းတတ်ချင်ရင် နှစ်နဲ့ချီပြီး အချိန်ပေးလေ့ကျင့်ရမှာပါ။ မတောက်တခေါက်သင်၊ မတောက်တခေါက်ကျင့်ရင်တော့ မတောက်တခေါက်သိုင်းသမားပဲ ဖြစ်မှာပါ။ အဲဒီရလဒ်က သိုင်းပညာအပေါ် အထင်သေးမှု ဖြစ်လာမှာ မလွဲပါဘူး။ ဒါကြောင့် သင်တန်းသားတွေကို မတောက်တခေါက်သိုင်းသမား မဖြစ်အောင်၊ စာရိတ္တမခိုင်မာတဲ့ လူရမ်းကားသိုင်းသမား မဖြစ်အောင် အမြဲသွန်သင်ဆုံးမပါတယ်။ အမြဲတမ်းလေ့ကျင့်နေနိုင်အောင်လည်း ကလပ်ပုံစံနဲ့ သင်တန်းကို အမြဲတမ်းဖွင့်လှစ်ထားပါတယ်။ ဒီနည်းဟာ တိုးတက်မှု အရှိဆုံးပါ။တကယ်တော် တကယ်တတ်တဲ့ သိုင်းသမားကောင်းတွေ အများကြီး မွေးထုတ်ပေးနိုင်ပါတယ်။ သိုင်းဆရာ တစ်ယောက်မှာ တာဝန်တွေအများကြီးရှိပါတယ်။ ငါဟာသိုင်းဆရာဆိုပြီး လှုပ်ရှားမှုမရှိဘဲ ထိုင်နေလို့ မရပါဘူး။ မြန်မာ့ရိုးရာ အမွေအနှစ်ဖြစ်တဲ့ သိုင်းပညာကိုဖြန့်ဖြူးသင်ကြားနေရပါမယ်။ ရှိပြီးသား ပညာတွေကို ကောင်းသ ထက်ကောင်းအောင် လေ့ကျင့်ပွားများနေရမယ်။ သိပ္ပံနည်းကျ ချဉ်းကပ်လေ့လာရမယ်။ အရာရာကို ခွဲခြမ်းစိတ်ဖြာတတ်ရမယ်။ ငွေကြေးနဲ့ပတ်သက်တဲ့ အောင်မြင်မှုကို ရှောင်ရမယ်။ သိက္ခာရှိရမယ်။ လူမှုရေးနဲ့ပတ်သက်တဲ့ မာန်မာန ကင်းရမယ်။ ပညာကို ခုတုံးလုပ်ပြီး နိုင်ထက်စီးနင်း လုပ်မှုမျိုး ကင်းရမယ် စတဲ့တာဝန်တွေ လိုက်နာစရာတွေ ကျင့်ကြံနေထိုင်စရာတွေ အများကြီးရှိပါတယ်။ ကျွန်တော်တို့ရဲ့ သိုင်းပညာဟာ ဂုဏ်သိက္ခာရှိစွာ တိုးတက်ပြန့်ပွားနေအောင် ကြိုးစားနေပါမှ အမျိုးသားရေး တာဝန်ကျေပွန်တဲ့ သိုင်းဆရာတစ်ယောက်ဖြစ်မှာပေါ့။

မြန်မာ့ယဉ်ကျေးမှု အမွေအနှစ်ဖြစ်တဲ့ သိုင်းပညာဟာ ထိန်းသိမ်းလေ့လာလိုက်စားမယ့်သူမရှိရင် တဖြည်းဖြည်း တိမ်မြုပ်ပျောက်ကွယ်သွားမယ်ဆိုရင် မြန်မာတမျိုးသားလုံးအတွက် အလွန်ကြီးမားတဲ့ ဆုံးရှုံးမှုကြီးအဖြစ် သတိပြုသင့်ပါတယ်။ အဲဒီလို မဖြစ်ရအောင် မြန်မာနိုင်ငံသိုင်းအဖွဲ့ချုပ်ကြီးနဲ့ သိုင်းဆရာတိုင်းမှာ တာဝန်ရှိပါတယ်။ ကျွန်တော်ကတော့ ကျွန်တော့်သက်တမ်းအတွင်းမှာ အရည်အချင်းရှိတဲ့ သိုင်းသမားတွေကို အဆက်မပြတ် မွေးထုတ်ပေးရင်း အမျိုးသားရေး တာဝန်ကို ကျေပွန်အောင် ထမ်းဆောင်သွားဖို့ ဆုံးဖြတ်ချက် ချပြီးသားပါ။ ရေဆင်းစိုက်ပျိုးရေး တက္ကသိုလ်မှာ သိုင်းပြောင်းပြန်သင်တန်းကို ဖွင့်လှစ်သင်ကြားပေးနေတာ အနှစ်နှစ်ဆယ်ကျော်ပါပြီ။ သင်တန်းသားအဟောင်းတွေကိုတော့ မမှတ်မိတော့တာ များပါတယ်။ တခါတလေ ပြန်လည်တွေ့ရတတ်ပါတယ်။ နှစ်တွေကြာညောင်းတော့ သူတို့ ရုပ်ရည်တွေဟာလည်း ရင့်ကျက်တည်ငြိမ်ပြီး ရာထူးအဆင့်အသီးသီးနဲ့ တိုင်းပြည်တာဝန် ထမ်းဆောင်နေကြတာကို ဂုဏ်ယူစရာတွေ့ရပါတယ်။ သူတို့ဟာ ကျောင်းသားလူငယ်ဘ၀က ကျွန်တော့်သင်တန်းမှာ တက်ရောက်သင်ကြား လေ့ကျင့်ခဲ့ကြတဲ့ သင်တန်းသားတွေဆိုပြီး ကြည်နူးဝမ်းသာရပါတယ်။ ဒီလိုပါပဲ သိုင်းပညာကို စိတ်ဝင်စားကြတယ်ဆိုရင် ကလေးငယ်လေးတွေကအစ စိတ်ရှည်ရှည်နဲ့ သင်ပေးပါတယ်။ ကျွန်တော့်မှာ ထူးချွန်ထက်မြက်တဲ့ သိုင်းသမားကောင်းလေးတွေ ပေါ်ထွန်းလာဖို့ ဆိုတဲ့ မျှော်လင့်ချက်တစ်ခုပဲ ရှိပါတယ်။

သင်တန်းသားနှစ်ဆယ်သုံးဆယ်ကို အပင်ပန်းခံသင်ပေးရပေမယ့် အဲဒီထဲကတစ်ယောက် သိုင်းပညာကို စွဲစွဲမြဲမြဲနဲ့ လေ့လာလိုက်စားလာပြီဆိုရင် ကျွန်တော့်အတွက် အမြတ်ပါ။ အပင်းပန်းခံရကျိုးနပ်တယ်လို့ တွက်ထားပါတယ်။ ရေဆင်းစိုက်ပျိုးရေးတက္ကသိုလ်က ဘွဲ့ရသွားပြီးဖြစ်တဲ့ မောင်ဟန်ဖြိုးအောင်ဟာ ကလေးဘ၀ကတည်းက ကျွန်တော်လေ့ကျင့် ပျိုးထောင်သင်ကြားပေးခဲ့တဲ့ ထူးချွန်ထက်မြက်တဲ့ သိုင်းသမားတစ်ယောက်ပါပဲ။ အခုဘွဲ့လည်း ရသွားပါပြီ။ သိုင်းဆရာအဖြစ်လည်း အောင်မြင်သွားပါပြီ။ စာပေသင်ကြားရတဲ့ ကျောင်းဆရာတွေ မှာ စေတနာ၊ ၀ါသနာ၊ အနစ်နာအပြင် အသားပါ အနာခံရပါတယ်။ ချုပ်ပုံချုပ်နည်း ချိုးပုံချိုးနည်းတွေကို သင်ရတဲ့အခါ ကျွန်တော်ကိုယ်တိုင် အချုပ်ခံအချိုးခံပြီး သင်ပေးရပါတယ်။ တချို့အတိုင်းအဆမသိ လုပ်လိုက်ရင် ကျွန်တော့်မှာ တစ်ပတ်လောက်အထိ နာတတ်ပါတယ်။ တကယ်နာလာမှ သူတို့ချိုးတဲ့ ချုပ်တဲ့နည်းစနစ် မှန်ပါတယ်။ မနာသေးရင် မမှန်သေးပါဘူး။

အခါအခွင့်သင့်လို့ ရှင်းပြရအုံးမယ်။ သိုင်းပြောင်းပြန်ဆိုတဲ့ အခေါ်အဝေါ်နဲ့ ပတ်သက်လို့ တချို့က ဘယ်လိုနားလည်ရမှန်းမသိ ဖြစ်နေပါတယ်။ တကယ်တော့ သိုင်းပြောင်းပြန်ဆိုတာ ရှမ်းသိုင်းပါ။ ရှမ်းဘာသာနဲ့ ခူးကာချန့် လို့ ခေါ်ပါတယ်။ ခူးကာ ဆိုတာ သိုင်း၊ ချန့် ဆိုတာ ပြောင်းပြန်၊ တိုက်ရိုက်ဘာသာပြန်လိုက်တော့ သိုင်းပြောင်းပြန်ပေါ့။ ရှမ်းပြည်နယ်မှာကို တတ်တဲ့သူ အလွန်ရှားပါတယ်။ တချိန်က စော်ဘွားကြီးများရဲ့ သက်တော်စောင့်တွေ လူယုံတော်တွေမှ တတ်ကြပါတယ်။ အင်္ဂလိပ်အစိုးရလက်ထက်မှာ စော်ဘွားကြီးတစ်ပါးရဲ့ သက်တော်စောင့် ဆရာချယ်ကြီးဟာ လုပ်ငန်းခွင်မှာ မပျော်ပိုက်တော့တာကြောင့် သူ့သခင်မသိအောင် တိတ်တဆိတ်ထွက်ခွာလာခဲ့ပြီး တွံတေးနယ် တောကြီးတန်းမှာရှိတဲ့ ဇောတိကုန်းရွာသားဖြစ်ကြတဲ့ ဦးဘိုးလုံ၊ ဦးသောမ၊ ဦးမောင်လေးတို့ သုံးဦးသားကို သိုင်းပြောင်းပြန်ပညာများ သင်ကြားပေးခဲ့ပါတယ်။  ဆရာကြီးဦးမောင်လေးကမှတစ်ဆင့် တပြည်လုံးကို သိုင်းပြောင်းပြန်ပညာများ ဖြန့်ဝေ သင်ကြားပေးမှုကြောင့် မြန်မာနိုင်ငံမှာ သိုင်းပြောင်းပြန်ပညာဟာ ဂုဏ်သိက္ခာရှိစွာ ထီးထီးမားမား ၀ံ့ဝံ့ထည်ထည် ရပ်တည်နိုင်ခဲ့ပါတယ်။ ဒါဟာ သိုင်းပြောင်းပြန်ရဲ့အကြောင်းအကြမ်းဖျင်း ပြောပြ တာပါ။ နောက်တော့မှ အသေးစိတ်ရေးပါဦးမယ်။

ရေဆင်းစိုက်ပျိုးရေးတက္ကသိုလ်မှာ သိုင်းပြောင်းပြန်သင်တန်း ဖွင့်လှစ်သင်ကြားနေတော့ စိုက်ပျိုးရေး တက္ကသိုလ်ကျောင်းသား၊ မွေးမြူရေးဆိုင်ရာဆေးတက္ကသိုလ်ကျောင်းသား၊ သစ်တော တက္ကသိုလ်ကျောင်းသားတွေ လာရောက်လေ့လာ သင်ကြားကြတော့ ကျွန်တော့်မှာ စိတ်အေးချမ်းသာနဲ့ ပညာကုန် မချွင်းမချန် သင်ကြားပြသပေးလို့ ရပါတယ်။ အကြောင်းကတော့ သူတို့ စာရိတ္တပိုင်းကို ကျွန်တော် ယုံကြည်တယ်။ တက္ကသိုလ်ကျောင်းသား ပညာတတ်လူငယ်တွေဖြစ်တဲ့ အတွက် အမှားအမှန်ကို ကောင်းကောင်းခွဲခြားနိုင်တဲ့ ဥာဏ်ရည်မြင့်သူတွေဖြစ်တယ်။ နောင် အနာဂါတ် မြန်မာနိုင်ငံရဲ့ အင်အားသစ်သားကောင်းရတနာ ပညာတတ်လူငယ်လေးတွေကို ကျွန်တော်တတ်ကျွမ်းတဲ့ သိုင်းပညာအမွေပေးရတဲ့အတွက် အလွန်ပဲ ကြည်နူးပီတိဖြစ်ရပါတယ်။ သူတို့တစ်တွေဟာ နောင်တချိန်မှာ မြန်မာပြည်အနှံ့ မြို့ပြကျေးလက်တောရွာနဲ့ တောကြိုအုံကြား မကျန် နိုင်ငံတော်က ပေးအပ်တဲ့ တာဝန်တွေကို ဖြန့်ကျက်သွားရောက် ထမ်းဆောင်ကြရမှာပါ။ အဲဒီလို တာဝန်ထမ်းဆောင်ရတဲ့အခါ လူဆိုးသူခိုး မသမာသူတွေနှောင့်ယှက်ဖျက်ဆီး အန္တရာယ်ပြု တိုက်ခိုက်လာခဲ့ရင် ရင်ဆိုင်နိုင်ဖို့အတွက် သိုင်းပြောင်းပြန်ဆိုတဲ့ အဖေါ်ကောင်းဟာ သူတို့နဲ့အတူ ရှိနေပါပြီ။ သိုင်းပြောင်းပြန်သင်တန်းဟာ နိုင်ငံ သားကောင်းရတနာတွေ ဆုံးရှုံးနစ်နာမှုမရှိအောင် တစ်ဖက်တစ်လမ်းက ကာကွယ်ပေးရာလည်း ရောက်ပါတယ်။ မြန်မာရိုးရာယဉ်ကျေးမှု အမွေအနှစ် သိုင်းပညာကို အမွေအဖြစ် ဖြန့်ဝေပေးရင်း အမျိုးသားရေးတာဝန်နဲ့ နိုင်ငံတာဝန်ကိုလည်း ထမ်းဆောင် ရာ ရောက်ပါတယ်။ လူငယ်မောင်မယ်များရဲ့ ကာယဗလ၊ ဥာဏဗလ၊ စာရိတ္တဗလ၊ မိတ္တဗလအင်အားများကို ဖြည့်ဆည်းပေးရာလည်း ရောက်ပါတယ်။ သိုင်းကစားခြင်းဖြင့် ဇာတိသွေး ဇာတိမာန်နဲ့ မျုိုးချစ်စိတ်ဓာတ်ရှင်သန်စေပြီး မြန်မာမှုကို မြတ်နိုးလာစေရန် လေ့ကျင့်ပျိုးထောင်ပေးရာ လည်း ရောက်ပါတယ်။

ဒီနေရာမှာ ကျွန်တော့်အပေါ် အမြင်မကြည်တာ တစ်ခုရှိနိုင်ပါတယ်။ ကျွန်တော်ဟာ သင်တန်းကြေးနဲ့ စီးပွားရေးလုပ်စားနေတယ်လို့ ထင်နိုင်ပါတယ်။ တကယ်တော့ ၁၉၈၃-ခုနှစ်က စဖွင့်ခဲ့တဲ့ သိုင်းပြောင်းပြန် သင်တန်းဟာ ၁၉၉၃ ခုနှစ်အထိ သင်တန်းကြေး လုံးဝ မပေးရပါဘူး။ အခမဲ့ သင်ကြားပေးတဲ့အပြင် သင်တန်းသုံး ကိရိယာတွေဖြစ်တဲ့ တုတ်တို့၊ ဓားတို့ကို ကျွန်တော်ကပဲ စိုက်ထုတ်ဝယ်ယူပေးခဲ့တာပါ။ ၁၉၉၃ ခုနှစ်နောက်ပိုင်းမှာ သင်တန်းသားတွေက သင်တန်းကြေး ၁၅၀ ကျပ် သတ်မှတ် အချင်းချင်းကောက်ခံ စုဆောင်းပြီး ကျွန်တော့်ကို လာရောက် ကန်တော့ကြပါတယ်။ ကျွန်တော်လည်း ခေတ်ကာလ အခြေအနေ စားဝတ်နေရေးအခြေအနေအရ လက်ခံလိုက်ပါတယ်။ အဲဒီလိုနဲ့ တရွေ့ရွေ့ပြောင်းလဲ သတ်မှတ်လာလိုက်ကြတာ ဒီကနေ့ သင်တန်းကြေးဟာ ပထမအဆင့် နှစ်ထောင်၊ ဒုတိယအဆင့် နှစ်ထောင်၊ တတိယအဆင့်နှစ်ထောင်ဆိုတာလည်း သင်တန်းသားတွေက သတ်မှတ်ပေးကြတာပါ။ ကျွန်တော့်ဘက်ကတော့ သင်တန်းကြေးပေးသည်ဖြစ်စေ မပေးသည်ဖြစ်စေ မခွဲခြားဘဲ သင်ပြပေးနေတာပါပဲ။ သင်တန်းကြေး မပေးနိုင်သူတွေလည်း ရှိကြတာပါပဲ။ ရှိလည်း မငြိုငြင်တဲ့အပြင် သူတို့ကို အားမငယ်စေဖို့တောင် အားပေးပါသေးတယ်။ တစ်ခု သတိရရမှာက မြန်မာနိုင်ငံမှာ သိုင်းပညာနဲ့ စီးပွားရှာလို့ မရပါဘူး။ စားဝတ်နေရေးနဲ့ ဘ၀ရပ်တည်မှုကိုတောင် အာမခံချက် မပေးနိုင်ပါဘူး။ အလွန်အင်မတန်နည်းပါးတဲ့ ငွေကြေးတစ်ချို့ကိုတော့ ရနိုင်ပါတယ်။ ကျွန်တော်နဲ့ အတူတူဆရာဖြစ်ရထားကြတဲ့ သိုင်းဆရာတွေ ဒီကနေ့ အဆင့်တစ်ဆင့်ကို ငွေ ၅၀၀၀ နဲ့ သင်ပေးနေကြပေမယ့် သူတို့ စီးပွားရေးဟာ တိုးတက်မလာပါဘူး။ အမြင်ရှင်းစေချင်တာက ကျွန်တော်ဟာ သိုင်းပြောင်းပြန်သင်တန်းနဲ့ ပတ်သက်ပြီး လူမှုရေးမျှော်လင့်ချက် လုံးဝမထားပါဘူး။ စီးပွားရေး မျှော်လင့်ချက် လုံးဝမထားပါဘူးဆိုတာပဲ။ ဒါ ကျွန်တော့် သဘောထားအမှန်ကို အရိုးသားဆုံး တင်ပြတာပါ။ သိုင်းသင်တန်းနဲ့ ပတ်သက်လို့ကတော့ ကိုယ့်တာဝန် ကိုယ်ထမ်းဆောင်နေတယ်လို့ပဲ ခံယူထားပါတယ်။ ရေဆင်းစိုက်ပျိုးရေးတက္ကသိုလ်မှာ ကျွန်တော်ဖွင့်လှစ်သင်ကြားပြသပေးနေတဲ့ သိုင်းပြောင်းပြန်သင်တန်းရဲ့ သက်တမ်းဟာ နှစ်ဆယ့်နှစ်နှစ်ထဲ ရောက်နေပါပြီ။ ဒီသက်တမ်းအတွင်း မှာ ငွေကြေးအရှုပ်အရှင်း၊ လူမှုရေး အရှုပ်အရှင်း ဘာတစ်ခုမှ မရှိခဲ့ပါဘူး။ သင်တန်းသားတွေ ဟာလည်း ပျော်ရွှင်စွာနဲ့ လေ့ကျင့်သင်ကြားနေကြတာပါပဲ။ ဒီအစဉ်အလာကောင်းတွေကို ဆက်လက် ထိန်းသိမ်းသွားရမှာ အမှန်ပါပဲ။

ရေဆင်းစိုက်ပျိုးရေးတက္ကသိုလ်ကြီးဟာ နှစ်(၈၀)ပြည့် ပတ္တမြားရတုသဘင်ကို ဆင်နွှဲခဲ့ပါပြီ။ သက်တမ်း ရင့်ကျက်လာတာနဲ့အမျှ တည်ငြိမ်တဲ့ ဂုဏ်သိက္ခာနဲ့ အမြဲနုပျို လန်းဆန်းတိုးတက်နေမယ့် တက္ကသိုလ်ကြီးပါ။ အလေ့အကျင့်ကောင်းတွေ အစဉ်အလာကောင်းတွေနဲ့ နိုင်ငံတော်အတွက် ခေတ်မီ တိုးတက်တဲ့ အရည်အချင်းပြည့် စိုက်ပျိုးရေးပညာရှင်ပေါင်းများစွာကို မွေးထုတ်ပေးနေတဲ့ တက္ကသိုလ်ကြီးပါ။ မြန်မာနိုင်ငံအတွက် မရှိမဖြစ် အလွန်လိုအပ်တဲ့ အားထားဂုဏ်ယူစရာ ဖြစ်တဲ့ တက္ကသိုလ်ကြီးပါ။ ဒီလို ဂုဏ်အင်္ဂါတွေနဲ့ ပြည့်စုံထုံမွှန်းနေတဲ့ ရေဆင်းစိုက်ပျိုးရေးတက္ကသိုလ်မှာ ကျွန်တော့်အနေဖြင့် ကျောင်းသားကျောင်းသူများရဲ့ ငြိမ်းချမ်းစွာ ပညာသင်ကြားရေးအတွက် တစ်စိတ်တစ်ပိုင်းက အထောက်အကူပြုနိုင်မယ့် သိုင်းပြောင်းပြန် သင်တန်းဖွင့်လှစ်ခွင့်ရတဲ့ အတွက်လည်း များစွာဂုဏ်ယူဝမ်းမြောက်မိပါကြောင်း ရေးသားတင်ပြအပ်ပါတယ်။

ဦးတင်မြင့် (သိုင်းပြောင်းပြန်)

ဆရာကြီးဦးတင်မြင့်နဲ့ ဆက်သွယ်ချင်တယ်ဆိုရင်တော့
လက်ရှိမှာ ဆရာကြီးဟာ နေပြည်တော် ဘူတာကြီးရှေ့နားမှာ နေပါတယ်။
ဦးတင်မြင့် + Dr. သောင်းကြည် (စိုက်ပျိုးတက္ကသိုလ်) လို့ မေးရင်ရပါတယ်။

ယခုဖော်ပြပါ ဆောင်းပါကို ebook အနေနဲ့ download ရယူချင်တယ်ဆိုရင်တော့ ဒီမှာယူပါ ခင်ဗျာ။

အားလုံးပဲ ရွှင်လန်းချမ်းမြေ့ကြပါစေခင်ဗျာ။

သိုင်းပညာရပ်ဆိုင်ရာ ဆောင်းပါးများစုစည်းမှု (၃)

ဒီတစ်ပတ်တော့ စာအုပ်မတင်ဖြစ်တော့ပါဘူး။ အဲ့ဒီအစား ဆောင်းပါးအသစ်တွေပဲ ထပ်တင်ပါတယ်။ စုစုပေါင်း သုံးပုဒ်ပါ။ ကိုစိုးကြီးဆီက scan ဖတ်ပြီးသားပုံတွေ ရထားတာ ကြာပါပြီ။ မအားတာနဲ့ အခုမှပဲ ebook ပြန်ုလုပ်ဖြစ်တာပါ။ အောက်မှာ download ရယူနိုင်ပါပြီ။

ကိုယ်ခံပညာနှင့် အကြောကိုင်ပညာ (ဆရာရန်နိုင်-Dragon King)

Martial Arts And Gripping

ကိုယ်ခံပညာနှင့် အကြောကိုင်ပညာ (ဆရာရန်နိုင်-Dragon King)

Download (File Size – 2.2 MB)


စိတ်စွမ်းအင် သမာဓိဝင် ကျင့်စဉ်များ (သူ့ကျော်ရှင်း)

Mind Power Concentration

စိတ်စွမ်းအင် သမာဓိဝင် ကျင့်စဉ်များ (သူ့ကျော်ရှင်း)

Download (File Size – 4.1 MB)


ရှောင်လင်လက်သီး(၁၆)ချက် (ကြည်ဝင်း)

16 Fists Of Shaolin

ရှောင်လင်လက်သီး(၁၆)ချက် (ကြည်ဝင်း)

Download (File Size – 4.3 MB)


သိုင်းပညာရပ်ဆိုင်ရာ ဆောင်းပါးများစုစည်းမှု (၂)

ဒီတင်ခါတော့ သိုင်းချစ်သူ မိတ်ဆွေများအတွက် အဌာရဿမဂ္ဂဇင်းမှာ ပါဝင်ခဲ့တဲ့ သိုင်းပညာရပ်ဆိုင်ရာ ဆောင်းပါးများကို ထပ်မံစုစည်းတင်ပြပေးလိုက်ပါတယ်။ ရှေးဦးစွာ ပဏာမအနေနဲ့ ၎င်းဆောင်းပါးများကို အပင်ပန်းခံ scan ဖတ်ပေးခဲ့သော ကိုစိုးကြီး နှင့် ကိုလူငယ် တို့အား အထူးကျေးဇူးတင်ရှိပါတယ်။ ဒီကနေ့ တင်ပေးဖြစ်တဲ့ e-book စာရင်းကို ဖော်ပြရမယ် ဆိုရင်ဖြင့်…

၁။ မြတ်သောအတတ် မချုပ်ပြတ်ရာ (ကိုနိုင်း-ချင်းတောင်)
၂။ တုတ်တို စံလှ (မျိုးသစ်)
၃။ ထိုက်ကျိသိုင်းဆရာကြီး ကျန်းဆန်းဖုန်း (ကြည်ဝင်း)
၎။ လီရှောင်လုံ (နဂါးလေး) (ကြည်ဝင်း)
၅။ ရှောင်လင်ကွန်ဖူးသိုင်းဆရာကြီး စင်လီချိုင် (ကြည်ဝင်း)
၆။ ဓားကိုက်နတ်ကြီး ဥရုရှီးဘား (ကြည်ဝင်း)
၇။ တစ်ကိုယ်တော်ရိုနင် (အောင်ကျော်) (ယခင်တင်ခဲ့သော ရိုနင်ဆောင်းပါးနှင့်မတူပါ)
၈။ ကြိုးဝိုင်းနည်းဗျူဟာ (ဘာမထီခင်အောင်-ရွှေဘို)
၉။ ပရိုဘောက်ဆင်ပွဲများ ပေါ်ထွန်းလာရေး (ဘာမထီခင်အောင်-ရွှေဘို)

ဖော်ပြပါ ဆောင်းပါးများမှာ တစ်ကိုယ်တော်ရိုနင်ဆောင်းပါးကို ကိုလူငယ် scan ဖတ်ပေးခဲ့တာဖြစ်ပြီး ကျန်တဲ့ဆောင်းပါးတွေကိုတော့ ကိုစိုးကြီးက scan ဖတ်ပေးခဲ့တာဖြစ်ပါတယ်။ တစ်ကိုယ်တော်ရိုနင်ဆောင်းပါးက အသစ်ဖြစ်ပါတယ်။ အရင်တစ်ပတ်က တင်ခဲ့တဲ့ တစ်ကိုယ်တော် ရိုနင်ဆောင်းပါးနဲ့ မတူကြောင်းပါ။ အရင်တင်ခဲ့တဲ့ သိုင်းပညာရပ်ဆိုင်ရာ ဆောင်းပါးများစုစည်းမှု(၁) ကိုတော့ ဒီနေရာ မှာ သွားရောက်ဖတ်ရှု ကူးယူနိုင်ပါတယ်။ ဟုတ်ကဲ့… ဒီကနေ့ တင်တဲ့ ဆောင်းပါးအသစ်တွေကိုလည်း အောက်မှာ download ရပါပြီ…

Myanmar Traditional Alchemy

မြတ်သောအတတ် မချုပ်ပြတ်ရာ (ကိုနိုင်း-ချင်းတောင်)

Download (File Size – 3 MB)


San Hla

တုတ်တို စံလှ (မျိုးသစ်)

Download (File Size – 6.2 MB)


Tai Chi Master Zhang Sanfeng

ထိုက်ချိသိုင်းဆရာကြီး ကျန်းဆန်းဖုန်း (ကြည်ဝင်း)

Download (File Size – 2.3 MB)


Li Xiaolong (Little Dragon)

လီရှောင်လုံ – နဂါးလေး (ကြည်ဝင်း)

Download (File Size – 1.5 MB)


Sholin Kung Fu Master Sin Li Chai

ရှောင်လင်ကွန်ဖူးသိုင်းဆရာကြီး စင်လီချိုင် (ကြည်ဝင်း)

Download (File Size – 3.5 MB)


Morihei Ueshiba

ဓားကိုက်နတ်ကြီး ဥရုရှီးဘား (ကြည်ဝင်း)

Download (File Size – 2.5 MB)


Go Rin

တစ်ကိုယ်တော်ရိုနင် (အောင်ကျော်)

Download (File Size – 2.6 MB)


Ring Craft

ကြိုးဝိုင်းနည်းဗျူဟာ (ဘာမထီခင်အောင်-ရွှေဘို)

Download (File Size – 1.3 MB)


Pro Boxing Tournament

ပရိုဘောက်ဆင်ပွဲများ ပေါ်ထွန်းလာရေး (ဘာမထီခင်အောင်-ရွှေဘို)

Download (File Size – 2.5 MB)

လိုအပ်ချက်များ အဆင်မပြေတာများ ရှိပါက comment ကနေတစ်ဆင့် အကြံပြုနိုင်ပါတယ်ခင်ဗျာ။

သိုင်းပညာရပ်ဆိုင်ရာ ဆောင်းပါးများစုစည်းမှု

ဒီတင်ခါတော့ သိုင်းချစ်သူ မိတ်ဆွေများအတွက် နက္ခတ္တရောင်ခြည်မဂ္ဂဇင်း၊ သူရဇ္ဇမဂ္ဂဇင်းနှင့် အဌာရဿမဂ္ဂဇင်းများမှ သိုင်းပညာရပ်ဆိုင်ရာ ဆောင်းပါးများကို စုစည်းတင်ပြပေး လိုက်ပါတယ်။ ရှေးဦးစွာ ပဏာမအနေနဲ့ ၎င်းဆောင်းပါးများကို အပင်ပန်းခံ scan ဖတ်ပေးခဲ့သော ကိုစိုးကြီးအား အထူးကျေးဇူးတင်ရှိပါတယ်။ ကိုစိုးကြီးရဲ့ ကျေးဇူးကြောင့်သာ ဒီကနေ့ ဆောင်းပါးများကို တင်နိုင်ခြင်း ဖြစ်ပါတယ်။ ဒီကနေ့ တင်ပေးဖြစ်တဲ့ စာအုပ်စာရင်းကို ဖော်ပြရမယ် ဆိုရင်ဖြင့်…

၁။ ကမ္ဘာကျော်ခဲ့သည့် မြန်မာ့ကြေးစားလက်ဝှေ့ကျော် မောင်သောင်း (ဥာဏိန္ဒ)
၂။ ဂျူဒို ထွန်းရွှေ (ကြည်ဝင်း)
၃။ လက်နက်ဂမ္ဘီရ (ဖုန်းရွှီအောင်)
၎။ ဓား၏လျှို့ဝှက်ချက်များ (ရှိုင်းအောင်)
၅။ မြန်မာ့နန်းတွင်း မြင်းခင်းပွဲတော် (မြေလတ်မြတ်သူ)
၆။ ကရာတေးဘိုးအေ… ရှောင်လင် သိုင်းပညာ (ကြည်ဝင်း)
၇။ တစ်ကိုယ်တော်ရိုနင် (အောင်ကျော်)
၈။ ဓားဝိဇ္ဇာ မူဆာရှိ၏ ဓာတ်ကြီး(၅)ပါးကျမ်းတော် (ဒီပံလင်း)

ဆိုပြီး ဆောင်းပါး(၈)ပုဒ် ဖြစ်ပါတယ်။ တစ်ပုဒ်ချင်းစီကို ebook တစ်ခုစီ လုပ်ထားပေးပါတယ်။ စာအုပ်များကို အောက်မှာ download ဆွဲယူနိုင်ပါပြီဗျာ။


၁။ ကမ္ဘာကျော်ခဲ့သည့် မြန်မာ့ကြေးစားလက်ဝှေ့ကျော် မောင်သောင်း (ဥာဏိန္ဒ)

Famous Myanmar Boxer Maung Thaung

ကမ္ဘာကျော်ခဲ့သည့် မြန်မာ့ကြေးစားလက်ဝှေ့ကျော် မောင်သောင်း (ဥာဏိန္ဒ)

Download (File Size – 2.3 MB)


၂။ ဂျူဒို ထွန်းရွှေ (ကြည်ဝင်း)

Judo Tun Shwe

ဂျူဒို ထွန်းရွှေ (ကြည်ဝင်း)

Download (File Size – 2 MB)


၃။ လက်နက်ဂမ္ဘီရ (ဖုန်းရွှီအောင်)

Mystic Weapon

လက်နက်ဂမ္ဘီရ (ဖုန်းရွှီအောင်)

Download (File Size – 1.7 MB)


၎။ ဓား၏လျှို့ဝှက်ချက်များ (ရှိုင်းအောင်)

Sword Secret

ဓား၏လျှို့ဝှက်ချက်များ (ရှိုင်းအောင်)

Download (File Size – 1.3 MB)


၅။ မြန်မာ့နန်းတွင်း မြင်းခင်းပွဲတော် (မြေလတ်မြတ်သူ)

Myanmar Traditional Horse Riding Festival

မြန်မာ့နန်းတွင်း မြင်းခင်းပွဲတော် (မြေလတ်မြတ်သူ)

Download (File Size – 4.2 MB)


၆။ ကရာတေးဘိုးအေ… ရှောင်လင် သိုင်းပညာ (ကြည်ဝင်း)

Shaolin Grandfather Of Karate

ကရာတေးဘိုးအေ… ရှောင်လင် သိုင်းပညာ (ကြည်ဝင်း)

Download (File Size – 1.7 MB)


၇။ တစ်ကိုယ်တော်ရိုနင် (အောင်ကျော်)

Go Rin

တစ်ကိုယ်တော်ရိုနင် (အောင်ကျော်)

Download (File Size – 3.6 MB)


၈။ ဓားဝိဇ္ဇာ မူဆာရှိ၏ ဓာတ်ကြီး(၅)ပါးကျမ်းတော် (ဒီပံလင်း)

The Book Of Five Rings By Miyamoto Musashi

ဓားဝိဇ္ဇာ မူဆာရှိ၏ ဓာတ်ကြီး(၅)ပါးကျမ်းတော် (ဒီပံလင်း)

Download (File Size – 4.6 MB)

အရပ်ရှည်လိုသူတိုင်းအတွက်

ဒီတစ်ခါတော့ အရပ်မြင့်နည်းဆိုင်ရာ ဆောင်းပါးနဲ့ စာအုပ်တွေ တင်ဆက်ပေးလိုက်ပါတယ်။ အရင်ကလည်း ဆရာထိပ်တင်ထွဋ်ရဲ့”၁၄-ရက်အတွင်း အရပ်ရှည်နည်း” စာအုပ်နဲ့ အင်္ဂလိပ်စာအုပ် တစ်ချို့ တင်ဖူးပါတယ်။ ဒါပေမယ့် သိုင်းပညာနဲ့ မပတ်သတ်တာကြောင့် post အနေနဲ့ သပ်သပ် မတင်ဖြစ်ပဲ ဒီတိုင်းပဲ upload လုပ်ပြီး link တင်ထားရုံပဲ လုပ်ခဲ့ပါတယ်။ ဒါပေမယ့် ဒီကနေ့တော့ စာအုပ်အသစ်တွေ ထပ်လုပ်ဖြစ်တာကြောင့် အရင်စာအုပ်တွေရော၊ စာအုပ်အသစ်တွေပါ post ပြန်တင်ပေးလိုက်ပါတယ်ဗျာ။ သိုင်းပညာနဲ့ မပတ်သတ်လှပေမယ့် အရပ်မြင့်လိုသူ လူငယ်များအတွက် အသုံးဝင်ပါလိမ့်မယ်။

စာအုပ်အသစ်တွေ ထပ်လုပ်ဖြစ်တာကတော့ ကိုစိုးကြီး ရဲ့ ကျေးဇူးကြောင့်ပါ။ ဒီရက်ပိုင်းအတွင်းမှာ ကျွန်တော့်ဆီကို အရပ်ရှည်လေ့ကျင့်ခန်း စာအုပ်နှစ်အုပ်နဲ့ ဆောင်းပါးနှစ်ပုဒ် scan ဖတ်ပြီး ပို့ပေးခဲ့ပါတယ်။ ဆရာမင်းစံအိမ် ဘာသာပြန်ခဲ့တဲ့ “အရပ်ရှည်ထွက် မြင့်တက်ဖို့” စာအုပ်၊ “အရပ်ရှည်ထွက် ဖြောင့်မတ်တက်ဖို့” စာအုပ်၊ နောက် ဆရာဝဇီရ ရဲ့ “အရပ်မြင့်မားစေဖို့ ယောဂကျင့်စဉ်” ဆောင်းပါး၊ ဆရာမောင်မိုးဆောင်း(ဒိုက်ဦး) ရဲ့ “အရပ်ရှည်လိုသူ လူငယ်များအတွက် လမ်းညွှန်ပေးပါရစေ” ဆောင်းပါး စတာတွေ ပို့ပေးလိုက်တာဖြစ်ပါတယ်။ စာအုပ်တွေကို အောက်မှာ download ရယူနိုင်ပါပြီ ဖြစ်ပါတယ်။

To Increase Height (Min San Eain)

အရပ်ရှည်ထွက် မြင့်တက်ဖို့ (မင်းစံအိမ်)

Download (File Size – 23 MB)

ဆရာမင်းစံအိမ် ဘာသာပြန်တဲ့ “အရပ်ရှည်ထွက် မြင့်တက်ဖို့” စာအုပ်ရဲ့ အကြောင်း ပြောရမယ်ဆိုရင်တော့ မူရင်းရေးသားပြုစုသူ မစ္စတာ ရန်စုဝိန်ဟာ တရုတ်ရိုးရာ အနှိပ်ပညာနဲ့ အရပ်မြင့်နည်းဆိုင်ရာ နာမည်ကျော် ပညာရှင် တစ်ဦးဖြစ်ပါတယ်။ သူရဲ့ ထုတ်ဝေပြီး စာအုပ်တွေထဲမှာ ယခု ဘာသာပြန်ဆို ထုတ်ဝေထားတဲ့ “အရပ်ရှည်ထွက် မြင့်တက်ဖို့” စာအုပ်ဟာ လူကြိုက်များလွန်းလို့ ရောင်းမလောက်အောင် ဖြစ်နေတဲ့ စာအုပ်တစ်အုပ်ဖြစ်ပါ တယ်။ မြန်မာပြည်မှာလည်း ဆရာမင်းစံအိမ်က ဘာသာပြန်ဆို ထုတ်ဝေခဲ့ရာမှာ ၂၀၀၆ ခုနှစ်မှာ ပထမအကြိမ် နဲ့ ၂၀၀၈ ခုနှစ်မှာ ဒုတိယအကြိမ် ထပ်မံ ထုတ်ဝေခဲ့တာတောင် ယခုအချိန်မှာ လိုချင်လို့ ၀ယ်ယူမယ်ဆိုရင် ရှာမတွေ့နိုင်တော့လောက်အောင် ရှားသွားပါပြီ။ ထို့ကြောင့် ယခု ထိုစာအုပ်ကို ebook ပြန်လည် ပြုလုပ်ဖြန့်ဝေပါတယ်။ ဒီမှာ download ရယူပါ။


Look, I am Growing Taller (Min San Eain)

အရပ်ရှည်ထွက် ဖြောင့်မတ်တက်ဖို့ (မင်းစံအိမ်)

Download (File Size – 35 MB)

ဆရာမင်းစံအိမ်ပဲ ဘာသာပြန်ဆို ထုတ်ဝေခဲ့တဲ့ “အရပ်ရှည်ထွက် ဖြောင့်မတ်တက်ဖို့” စာအုပ်ဖြစ်ပါတယ်။ ပထမစာအုပ် “အရပ်ရှည်ထွက် မြင့်တက်ဖို့” ကို ထုတ်ဝေပြီး သိပ်မကြာခင် ၂၀၀၈ မှာ ထပ်မံ ထုတ်ဝေပေးခဲ့တဲ့ စာအုပ်ပါ။ မူရင်းစာအုပ်က ဟောင်ကောင် “သာလျင်စာပေတိုက်”ထုတ် “Look, I Am Growing Taller” ဖြစ်ပါတယ်။ ဒီစာအုပ်ဟာလည်း နိုင်ငံတကာက နာမည်ကြီး ဆရာဝန်တွေ၊ အသင်းအဖွဲ့တွေက အကြံပြုထားတဲ့ အရပ်ရှည်ရေး နည်းလမ်းတွေ၊ လေ့ကျင့်ခန်းတွေ ကို စုစည်းပေးထားတာပဲ ဖြစ်ပါတယ်။ ဒီစာအုပ်ဟာလည်း ဈေးကွက်မှာ မရှိသလောက် ရှားသွားပါပြီ။

အဆိုပါ စာအုပ်ကို ဒီမှာ download ရယူနိုင်ပါပြီ။


Growing Taller within 14 Days (Htik Tin Htut)

၁၄-ရက်အတွင်း အရပ်ရှည်နည်း (ထိပ်တင်ထွဋ်)

Download (File Size – 4.19 MB)

ဆရာထိပ်တင်ထွဋ်ရဲ့ “၁၄-ရက်အတွင်း အရပ်ရှည်နည်း” စာအုပ်ကတော့ ebook လုပ်ထားတာ ကြာပါပြီ။ စာအုပ်အသစ်တွေတင်ရင်းနဲ့ တစ်ခါတည်းပဲ download ယူလို့ရအောင် ပြန်တင်ပေးလိုက်ပါတယ်။ ဒီစာအုပ်နဲ့ ပတ်သတ်ပြီးတော့ အထွေအထူးတော့ ပြောမနေတော့ပါဘူး။ ဟိုတစ်လောကတော့ ဒီစာအုပ်ပါ ကစားနည်းအတိုင်းကစားပြီး အရပ်နှစ်လက်မ တိုးလာတယ်လို့ ကျွန်တော့်ကို တစ်ယောက်က ပြောဖူးပါတယ်။ ဒါကြောင့် ယုံယုံကြည်ကြည်နဲ့ လက်တွေ့ ကစားကြည့်နိုင်ပါတယ်လို့…။.စာအုပ်ကိုတော့ ဒီမှာ download ရယူနိုင်ပါပြီ။


Yoga For Growing Taller (Wa Zi Ya)

အရပ်မြင့်မားစေဖို့ ယောဂကျင့်စဉ် (၀ဇီရ)

Download (File Size – 226 KB)

ယောဂလေ့ကျင့်ခန်းတွေကလည်း ခန္ဓာကိုယ်ကို ကျန်းမာစေရုံမက အရပ်မြင့်မားစေဖို့ပါ အထောက်အကူပေးနိုင်ကြောင်းကို ယခုဖော်ပြပါ “အရပ်မြင့်မာစေဖို့ ယောဂကျင့်စဉ်” ဆောင်းပါးမှာ ဖတ်ရှုနိုင်ပါပြီ။ Download ရယူမယ်ဆိုရင်တော့ ဒီမှာ ပါ။


Advice For Growing Taller (Mg Moe Saung)

အရပ်ရှည်လိုသူ လူငယ်များအတွက် လမ်းညွှန်ပေးပါရစေ (မောင်မိုးဆောင်း-ဒိုက်ဦး)

Download (File Size – 216 KB)

အရပ်ရှည်လိုသူ လူငယ်များအတွက် လမ်းညွှန်ဆောင်းပါး ဖြစ်ပါတယ်။ Download ရယူမယ်ဆိုရင်တော့ ဒီမှာ ပါ။


How You Can Grow Taller

How You Can Grow Taller

ဒါကတော့ အရင်ကတည်းက တင်ဖြစ်ခဲ့တဲ့ အင်္ဂလိပ်လို အရပ်ရှည်နည်းလေ့ကျင့်ခန်း စာအုပ်တွေပါ။ ဒီမှာ တစ်ခါတည်း ပြန်တင်ပေးလိုက်ပါတယ်။

1. Height Gain Exercises
Download (File Size – 1.02 MB)

2. Exercises for Growing Taller – A Mini Guide (Rodney Williams)
Download (File Size – 600 KB)

3. How to Naturally Increase your Height 2-3 Inches within 7 Weeks
Download (File Size – 461 KB)

4. Stretches To Grow Taller
Download (File Size – 111 KB)

အတွင်းအားပညာနှင့် ထူးခြားသော လျှို့ဝှက်ကျင့်စဉ်များ

By Ko Soe Gyi

ဘာလိုလိုနဲ့ post အသစ်တွေ ထပ်မတင်ဖြစ်တာတောင် သုံးလလောက်ရှိသွားပါပြီ။ ဒီကနေ့တော့ ကိုစိုးကြီးဆီက ရထားတဲ့ အတွင်းအားနဲ့ ပတ်သတ်တဲ့ ဆောင်းပါးစုစည်းမှု စာအုပ်ကလေး တင်ပေးလိုက်ပါတယ်။ မတင်ဖြစ်သေးတဲ့ အသစ်တွေရှိပါသေးတယ်။ မအားသေးလို့ ဘာမှမလုပ်ဖြစ်တာပါ။ နောက်ရက်များမှ အဆင်သင့်သလို အသစ်တွေ ထပ်တင်ပေးပါဦးမယ်ဗျာ။ အသစ်တွေ မတင်ဖြစ်တဲ့ကြားက visitor ဦးရေ ကျမသွားတာကို များစွာ ၀မ်းမြောက်မိပါတယ်။ အဲ့ဒါကြောင့်လည်း website ကို ဆက်လည်ပတ်ဖို့ အားအင်တွေရနေတာ ဖြစ်ပါတယ်ဗျာ။ အားလုံးကို ကျေးဇူးပါ။

About Intrinsic Energy And How To

အတွင်းအားပညာနှင့် ထူးခြားသော လျှို့ဝှက် ကျင့်စဉ်များ

အခုတင်ပေးလိုက်တဲ့ ebook ကလေးထဲမှာ ပါဝင်တာတွေကတော့…

၁။ Intrinsic Energy (ချီ<သို့>အတွင်းအား)
၂။ အဆင့်မြင့်ကွန်ဖူးပညာရှင်၏ စွမ်းရည်များ
၃။ ကွန်ဖူးပညာရှင်များ၏ လျှို့ဝှက်ကျင့်စဉ်(၁)
၎။ အင်းဝခေတ် ရှေးမြန်မာကြီးများ၏ အသက်ရှူကျင့်စဉ်
၅။ ကွန်ဖူးပညာရှင်များ၏ လျှို့ဝှက်ကျင့်စဉ်များ(၂)
၆။ ရှေးဟောင်း တရုတ်ကျန်းမာရေး ချိကုန်းကျင့်စဉ်
၇။ ကွန်ဖူးပညာရှင်များ၏ လျှို့ဝှက်ကျင့်စဉ်(၃)
၈။ ကွန်ဖူးပညာရှင်များ၏ လျှို့ဝှက်ကျင့်စဉ်(၄)

ဆိုပြီး ဆောင်းပါး(၈)ပုဒ် ပါဝင်ပါတယ်။ ဒီနေရာမှာ download ရယူနိုင်ပါပြီ။

DownloadFile Size – 3.92 MB

အားလုံးပဲ ရွှင်လန်းချမ်းမြေ့ကြပါစေဗျာ။

သိုင်းပြောင်းပြန် ပညာစဉ်၊ သမားစဉ် ဂါရဝပြု အခမ်းအနား

ကမ္ဘောဇနန်းတွင်း ခူးခါချန့် သိုင်းပြောင်းပြန် ပင်မနာယက ဆရာကြီး ဦးမောင်လေးနှင့် ဆရာကြီး ဦးအေးနိုင် (နန်းတော်ရှေ့) တို့အား ပညာစဉ်၊ သမားစဉ် ဂါရဝပြုခြင်း အခမ်းအနား

မန္တလေးတိုင်းဒေသကြီး အောင်မြေသာဇံမြို့နယ် (၁၉) လမ်း နန်းရှေ့မုန်တိုင် ဓမ္မာရုံ၌ မြန်မာ့ရိုးရာ သိုင်းပြောင်းပြန် ပညာစဉ် တိမ်ကောပပျောက်သွားခြင်း မရှိစေရန်၊ လက်ဆင့်ကမ်း ထိန်းသိမ်းသည့် ပညာရှင်များ ပေါ်ပေါက်လာစေရန်၊ ပညာညီအစ်ကို အချင်းချင်း စည်းလုံး ညီညွတ်စေပြီး မြန်မာ့ရိုးရာ သိုင်းပညာရပ်များ ပြန့်ပွားအောင် ဆောင်ရွက်နိုင်ရန် ရည်ရွယ်၍ ခူးခါချန့် ကမ္ဘောဇ နန်းတွင်းသိုင်းပြောင်းပြန် ပင်မနာယက ဆရာကြီး ဦးမောင်လေးနှင့် ဆရာကြီး ဦးအေးနိုင် (နန်းတော်ရှေ့) တို့အား ပညာစဉ်၊ သမားစဉ် ဂါရဝပြုခြင်း အခမ်းအနားကို ၁၃၇၅ တန်ဆောင်မုန်းလဆန်း ၁ ရက် (နိုဝင်ဘာလ-၃-ရက်၊ ၂၀၁၃) က ကျင်းပသည်။

Thaing Byaung Byan Show-Mandalay-3-Nov-2013

Thaing Byaung Byan Show-Mandalay-3-Nov-2013

မန္တလေးတိုင်း အတွင်းမှ သိုင်းပြောင်းပြန်ဆရာကြီးများနှင့် သိုင်းပြောင်းပြန်သမားများ သာမက ရန်ကုန်၊ မတ္တရာ၊ တံတားဦး၊ ပြင်ဦးလွင်နှင့် အနယ်နယ်အရပ်ရပ်မှ ဆရာကြီးများနှင့် သင်တန်းသားအဖွဲ့ဝင်များ အားလုံး တက်ရောက် ပူဇော်ခဲ့ကြပါသည်။

အခမ်းအနားတွင် သိုင်းပြောင်းပြန် ပညာစဉ် ပူဇော်ပွဲဖြစ်မြောက်ရေး နာယက ဦးသန်းမောင်က အဖွင့်အမှာစကား ပြောကြားပြီး ရန်ကုန်သိုင်းပြောင်းပြန် ပင်မဦးစီးမှ ဆရာဦးသိန်းအေးက ခူးခါချန့် ကမ္ဘောဇနန်းတွင်း သိုင်းပြောင်းပြန် နာယက ဆရာကြီးများ၏ ပညာစဉ်နှင့် ဆောင်ရွက်ချက်များကို ရှင်းလင်း ပြောကြားသည်။ ထို့နောက် ဆရာဦးကျော်ဆောင်းက မန္တလေးတိုင်း ဒေသကြီး ကိုယ်စားပြု သိုင်းပြောင်းပြန်အဖွဲ့၏ လှုပ်ရှား ဆောင်ရွက်မှုများကို ရှင်းလင်းတင်ပြသည်။

ဆက်လက်၍ သိုင်းပြောင်းပြန် ပညာစဉ်များကို သိုင်းပြောင်းပြန် အဖွဲ့အသီးသီး၏ ဆရာများနှင့် တပည့်များက တစ်ဦးချင်း၊ အဖွဲ့လိုက် သိုင်းစွမ်းရည်များ ပြသကာ သိုင်းပြောင်းပြန် ပညာစဉ်ပူဇော်ပွဲ ဖြစ်မြောက်ရေး အဖွဲ့ ဥက္ကဋ္ဌ ဆရာဦးဝင်းဌေးက ကျေးဇူးတင်စကား ပြောကြားသည်။ သိုင်းပြောင်းပြန် ပညာရပ်တွင် ဗန်တိုခေါ် လက်နက်မဲ့ တိုက်ခိုက်နည်းပညာ၊ ဗန်ရှည်ခေါ် လက်နက်ဖြင့် တိုက်ခိုက်နည်းပညာများ ပါဝင်သည်။ လက်နက်ဖြင့် တိုက်ခိုက်နည်းတွင် လက်နက် အတို၊ အရှည်နှစ်မျိုးစလုံးကို ကျွမ်းကျင်စွာ အသုံးချနိုင်ရန် သင်ကြားပေးသော ဘာသာရပ်ဖြစ်ကြောင်း သိရသည်။

အခမ်းအနားအပြီးတွင် ဧည့်သည်တော်များအား ဒံပေါက်ထမင်းနှင့် ကြက်သားဟင်းဖြင့် တည်ခင်းဧည့်ခံကာ အခမ်းအနားအား အောင်မြင်စွာပြီးမြောက်ခဲ့ပါသည်။

Continue reading

ကျန်းမာရေးနှင့် ၀ူရှူးပညာ

By Ko Yan Lin

(ခုတစ်လော ebook အသစ်တွေ မတင်နိုင်သေးတာနဲ့ ဆောင်းပါးလေးတွေပဲ တင်ပေးဖြစ်နေတယ်ဗျာ။ ဒီကနေ့တော့ ကိုရန်လင်း ရေးခဲ့တဲ့ ကျန်းမာရေးနှင့် ၀ူရှူးပညာ ဆိုတဲ့ ဆောင်းပါးလေးကို ပြန်လည်မျှဝေပေးလိုက်ပါတယ်။ ရေးထားတာတော့ ကြာပါပြီ။ ၂၀၁၁ တုန်းက ning website တစ်ခုမှာ ဖတ်ဖူးခဲ့တာပါ။ ကိုရန်လင်းဆီမှာ Thaing Wizard မှာ ပြန်တင်ဦးမယ်လို့ ခွင့်တောင်းထားတာတောင် အတော်ကြာပါပြီ။  တင်မယ်၊ တင်မယ်နဲ့ ခုမှပဲ လုပ်ဖြစ်တော့တယ်ဗျာ။ ဒီဆောင်းပါးလေးကို နှစ်သက်ကြလိမ့်မယ်လို့ မျှော်လင့်ပါတယ်ဗျာ။)

ကျန်းမာရေးနှင့် ၀ူရှူးပညာ
Wushu For Health

Wushu For Health

– ဒီပို့စ်လေးကိုရေးရတာလည်း   သူငယ်ချင်းများ ၀ူရှူးပညာနှင့် ကျန်းမာရေးကို ပျော်ရွှင်စွာ လေ့လာ လိုက်စားပြီး အသက်ရှည်ကာ အနာကင်းစေဖို့ ရည်ရွယ်ချက်နဲ့ပါ။ ၀ူရှူးပညာဟာ လူပျင်းတို့ လေ့ကျင့်လို့မရတဲ့ပညာမျိုးပါ။ အင်အားသည် ကွန်ဖူး၏ရေသောက်မြစ် အင်အားမဲ့သော သိုင်းပညာသည် ဟန်ရေးပြပဲရှိပါမည်။ ၀ူရှူးလေ့ကျင်ခြင်းသည် အင်အားနှင့် လျှင်မြန်ကျွမ်းကျင်မှုကို တိုးမြှင့်ပေးခြင်းဖြစ်သည်ဟု ကွန်ဖူးဘုရင် လီရှောင်လုံ (Bruce Lee) က ပြောခဲ့ပါသည်။

– ၀ူရှူးဆိုတာကတော့ ကိုယ်ခံပညာရပ်အားလုံးကို ပြောတာပါ။ တိုက်ခိုက်ရေး အတတ်ပညာလို့ အဓိပ္ပာယ်ရပါတယ်။ ဒါပေမယ့် တိုက်ခိုက်ရေးအတွက်သက်သက်လည်း မဟုတ်ပါဘူး။ လေ့ကျင့်ခန်းရဲ့ လှုပ်ရှားမှုက ကျန်းမာရေးကို အထောက်အကူပြုစေပါတယ်။

– တရုတ်ကွန်ဖူးကိုမှ ၀ူရှူးပညာလို့ ပြောတာမဟုတ်ပါဘူး အားလုံးသော ကိုယ်ခံပညာရပ်များကိုပြော တာပါ။ ကိုယ်ခံပညာဆိုတာလည်း ကိုယ်ခံရတာသက်သက်တော့ မဟုတ်ပါဘူး။ ခန္ဓာကိုယ်ရဲ့ ခံတပ်ဖြစ်တဲ့ပညာရပ်ပါ။

– ၀ူရှူးမှာ အပျော့နဲ့ အမာဆိုပြီးရှိပါတယ်။ အမာဆိုတာကတော့ ပြင်ပအားသုံး  တိုက်ခိုက်ရေးပညာ များဖြစ်ပြီး အပျော့ဆိုတာကတော့ ချိ (အတွင်းအား) ကိုပြောတာပါ။ ဥပမာ- မြန်မာ့လက်ဝှေ့တို့ ကရာတေးဒိုတို့ဟာ အမာသိုင်းများပါ။   ထိုက်ကျိချွမ်၊ ရှင်းယီ၊ ပါးကွ တို့ကတော့ အပျော့သိုင်းမျိုးများပါ။ အပျော့နဲ့ အမာဟာ အဖို၊ အမဓါတ်ဖြစ်ပြီး တွဲနေမှလည်း သဘာဝကျပါတယ်။ ကွဲနေရင်   မပြီးပြည့်စုံပါဘူး။ အမာသိုင်းသက်သက် လေ့ကျင့်ပြီး အပျော့ဓါတ်နည်းနည်းမှ မပါရင် ကြာလာတဲ့အခါ ကိုယ်လက်နာကျင်ပြီး ဒဏ်ပြန်ထတာမျိုး ခံစားရတတ်ပါတယ်။ ဥပမာ- ကျွန်တော်တို့မြင်တွေ့နေရ တဲ့ မြန်မာလက်ဝှေ့သမားဟောင်းကြီးများ အိုလာတဲ့အခါ ကိုယ်တွေလက်တွေနာတယ်လို့ မကြာခဏပြောတာကြားရသလိုပါ။ တစ်ချို့ တရားထိုင်ပြီး အပျော့ဓါတ် ရရှိသူတွေတော့ ကျန်းမာကြပါတယ်။ ပထမဦးစွာ ချိ (အတွင်းအား) လေ့ကျင့်နည်းကို ကျနော်သိသလောက်ပြန်တင်ပြ ပါ့မယ်။

အဆင့်(၁) ခန္ဓာကိုယ် ပြန်လည်ကျန်းမာခြင်း လေ့ကျင့်စဉ်

– ဒီလေ့ကျင့်ခန်းကို တရုတ်လို ခမ်းဖုကုန်းလို့ခေါ်ပါတယ်။ ငယ်စဉ်ကရှိခဲ့တဲ့ ချိ (အသက်စောင့်ဓါတ်) ဟာ အသက်အရွယ် ကြီးလာတဲ့အခါ တဖြေးဖြေးချင်း လျော့နည်းလာပြီး ကျင်းလုလို့ခေါ်တဲ့ ချိဓါတ်သွားရာလမ်းကြောင်း ပျောက်ကွယ်လာတတ်ပါတယ်။ ဒီလေ့ကျင့်စဉ်က  ချိဓါတ်သွားရာ လမ်းကြောင်းပြန်ဖွင့်ပေးတဲ့ လေ့ကျင့်ခန်းပါ။ မတ်တပ်ရပ်လျက်ဖြစ်စေ ထိုင်ခုံပေါ်မှာ ထိုင်ပြီး ဖြစ်စေ လေ့ကျင့်နိုင်ပါတယ်။

– ရှေးဦးစွာ မျက်လုံးမှိတ်ပြီး အသက်ကို ဖြေးဖြေးမှန်မှန်ရှူပါ။ စိတ်ထဲမှ မိမိခန္ဓာကိုယ်တစ်ခုလုံးရှိ ပိုက်ကွန်ယက်ပုံ အတွင်းအားသွားရာ လမ်းကြောင်းကိုပုံဖေါ်ပါ။ အသက်ရှူသွင်းချိန် မှာ ခြေဖ၀ါးအလယ်ရှိ ယုံချွမ်သွေးပေါက်မှ ငယ်ထိပ်ရှိ ပိုင်ဝှေးသွေးပေါက်သို့  လမ်းကြောင်းအတိုင်း ရွှေဝါရောင်အတွင်းအားအဖြစ် စီးဆင်းပေးပါ။ ရှူထုတ်ချိန်မှာတော့ ငယ်ထိပ်ကနေ ခြေဖ၀ါးကို ပြန်စီးဆင်းပေးပါ။ တစ်ခေါက်လျှင် ၁၀-ကြိမ်မှ အကြိမ်-၁၀၀ အတွင်း တစ်နေ့-၃-ခေါက် မှန်မှန်လေ့ကျင့်ပါက ၁-လခွဲမှ ၃-လအတွင်း ကျန်းမာရေး သိသိသာသာ ကောင်းမွန်တိုးတက်လာပြီး သာမန်ထက် ပိုမိုလန်းဆန်းလာမှာပါ။ (မှတ်ချက်…  ဆေးလိပ်ရှောင်နိုင်လျှင် ပိုကောင်းပါသည်)။

အဆင့်(၂) ချိ (အတွင်းအား) စုစည်းခြင်းကျင့်စဉ်

– ဒီလေ့ကျင့်ခန်းကိုတော့ တရုတ်လို ချိကုန်းလို့ ခေါ်ပါတယ်။ စင်္ကြာဝဠာနဲ့ ပထ၀ီရဲ့အားကို စိတ်နဲ့ညှို့ယူတဲ့လေ့ကျင့်စဉ်ပါ။ စိတ်တည်ငြိမ်ပြီး လေ့ကျင့်မှုအားကောင်းရင် ၁-နှစ်ကျော် ကာလအတွင်း သိသာလာပါလိမ့်မယ်။ သက်တောင့်သက်သာထိုင်ပြီး လေ့ကျင့်နိုင်ပါတယ်။  မျက်လုံးမှိတ်ပြီး စိတ်တည်ငြိမ်စွာ လေ့ကျင့်နိင်လျှင် ပိုကောင်းပါတယ်။ လေ့ကျင့်စဉ်အချိန်မှာ ပူပင်မှုတွေကို အားလုံးမေ့ပျောက်နေစေရပါမယ်။ အသက်ရှူသွင်းနေစဉ် စင်္ကြာဝဠာမှ အတွင်းအားနှင့် ကမ္ဘာမြေမှ ပထ၀ီအတွင်းအားတို့သည် ၀င်လေနှင့်အတူ ခန္ဓာကိုယ်အတွင်း စီးဝင်လာပြီး ချက်အောက်လက်-၂-လုံးခန့်အကွာအဝေးရှိ ထျန်းကျင်သွေးပေါက်မှာ စုစည်းပေးပါ။ ပြန်ပြီးရှူထုတ်စဉ် ခန္ဓာကိုယ်အတွင်းရှိ မကောင်းသော အညစ်အကြေးများ လေနှင့်အတူ ပါသွားစေရပါသည်။ စိတ်တန်ခိုးသုံးလေ့ကျင့်စဉ်ဖြစ်သဖြင့် စိတ်တည်ငြိမ်ပြီး လေ့ကျင့်အား ကောင်းလျှင်ကောင်းသလို အကျိုးရှိပါသည်။ လေ့ကျင့်ရင်း ချက်အောက်နေရာမှ ပူလာမှန်းသိပါက မိမိမှာရှိသောချိဓါတ် သည် သေချာပြီဖြစ်ကြောင်း သိလာရပါမည်။

အဆင့်(၃) ခန္ဓာကိုယ်အနှံ့ အတွင်းအား ဖြန့်လွှတ်ခြင်း လေ့ကျင့်စဉ်

– ချက်အောက်မှအတွင်းအားရှိလာပါက ဆီးခုံနှင့်မူလနေရာ ဖြေးဖြေးချင်း အသွားအပြန်ပို့လွှတ်ပေးပါ။ ရက်အနည်းငယ်ကြာလို့ အောင်မြင်လာပါက မြီးညှောင့်ရိုးအထက်ရှိ ဝေလွီသွေးပေါက် သို့ ရောက်အောင်ထပ်ပြီး ကျင့်ရပါမည်။ တစ်နေရာကို သေသေချာချာရောက်မှ အဆင့်တက်ရပါမည်။ ရပါက ဆက်လက်ပြီး အခြားသွေးပေါက်များဖြစ်သည့် ကျော၊ လည်ကုတ်၊ နောက်စေ့အောက်၊ ငယ်ထိပ်၊ မျက်ခုံးကြား၊ မေးစေ့၊ လည်ပင်း၊ ရင်ဘတ်အထက်၊ ရင်ဘတ်အလယ်၊ အရှိုက် တို့အထိ ပို့ဆောင်ပေးရပါမည်။ နောက်ဆုံး မူလနေရာအထိ ရောက်ပါက လေ့ကျင့်မှု ပထမအဆင့်အောင်မြင်ပါပြီ။ ဒီအတိုင်း အသွားအပြန်ရအောင် လနဲ့ချီကျင့်နေရပါမည်။ မည်သည့်အချိန်မဆို အတွင်းအားထုတ်ပြီး ရွေ့လျားနိုင်မှ လေ့ကျင့်ခန်းနောက်တစ်ခုကို ဆက်ရပါမည်။ ပုခုံးရှိ(ကျင်ကျန်)သွေးပေါက်၊ လက်မောင်း(ချွီးချီ)၊ လက်ဖျံ(လေ့ကွမ်း) နှင့် လက်ဖ၀ါးရှိ(လောက်ကုန်း)သွေးပေါက်တို့အထိ ပို့ဆောင်ပေးရပါမည်။ လက်ဖ၀ါးအထိပို့နိုင်ပြီဆိုပါက အပေါ်ပိုင်းခန္ဓာကိုယ်အတွက် အောင်မြင်ပါပြီ။ ၀ဋ်နာကံနာမှလွဲ၍ တော်ရုံတန်ရုံရောဂါသည်များအား အတွင်းအားပြောင်းအားလွှဲနည်းဖြင့် ကုသပေးနိုင်ပါလိမ့်မည်။

– ကုသပေးနည်းမှာ လက်ဖ၀ါးမှ အတွင်းအားကို ဝေနာရှင်အား ၀မ်းဗိုက်မှ ပို့လွှတ်ရပါသည်။ မိမိစိတ်နှင့်လည်း ခန္ဓာကိုယ်အနှံ့ ပို့လွှတ်ပေးပါ။ သို့ပေမယ့် အသားချင်းမထိပါစေနှင့်။ ထိမိက ဝေဒနာရှင်မှာ သာမန်လူဖြစ်၍ အတွင်းအားကို တစ်နေရာတည်းမှာ ချက်ချင်း အလုံးအရင်းလိုက် လက်ခံရသောအခါ ရောဂါမပျောက်ဘဲ ဆရာဝန်တို့ ၆-နှစ်လောက် ကုလို့မပျောက်တဲ့ အတွင်းဒဏ်ရာ ရတတ်ပါသည်။ ဒါကတော့ ကျွန်တော်ကြားဖူးတာပါ။

– ကျွန်တော်အားတဲ့အခါ တိုက်ခိုက်ရေးသုံးအတွင်းအားလေ့ကျင့်နည်းကိုလည်း မျှဝေဖို့ဆန္ဒရှိပါသည်။
စာရိုက်မကျွမ်းသောကြောင့် ဒီဘလော့ကိုတောင် ၂-ရက် ရေးခဲ့ရပါသည်။ စာအုပ်ကြည့်ခိုးချခြင်း မဟုတ်သည့်အတွက် စာလုံးပေါင်းသတ်ပုံနှင့် စာစီမကျခြင်းများကိုတော့ နားလည်ပေးပါ။ မှားနေတဲ့နေရာရှိပါကလည်း အားမနာစတမ်းထောက်ပြခဲ့ကြဖို့ တောင်းဆိုပါတယ်။ ကျွန်တော်တို့မှာ အမေဘက်ကပါတဲ့ မျိုးရိုးလိုက်ဆရာဝန်ကုလို့ မပျောက်တဲ့ရောဂါရှိပါတယ်။ ကျွန်တော်ခံရမခံရ ဆိုတာတော့ မသေချာပါဘူး။

– အဲဒီရောဂါဖြစ်လာခဲ့ရင်တောင် သာမန်လူတစ်ယောက်လောက် ရပ်တည်နိုင်အောင် ဒီပညာကို ကျွန်တော်ငယ်ငယ်တည်းက အသည်းစွဲခဲ့တာပါ။

– ဒါပေမယ့် ခက်ခက်ခဲခဲ ဆရာရှာခဲ့ရပါတယ်။ ကျွန်တော့်လို ၀ါသနာပါသူများ ကျွန်တော့်လို ဆရာရှာမခက်ကြဖို့မျှော်လင့်ပါတယ်။ မိမိပညာ ကြောင်လက်သည်ဖွက် လျှို့ဝှက်တစ်ကိုယ်ကောင်း ဆန်ပြီး ပညာကို သေရွာယူမသွားချင်လို့ကတစ်ကြောင်း၊  ပြီးတော့ ဆရာတော်ဦးသုမင်္ဂလရဲ့ ဆုံးမစကားလို ပညာကိုရောင်းစားတဲ့ ပညာသည် မဖြစ်စေဘဲ မိမိပညာကို ရှင်သန်နေစေတဲ့ ပညာရှင်တစ်ယောက် ဖြစ်ဖို့ကြိုးစားနေခြင်းကတစ်ကြောင်းတို့ကြောင့် စာရိုက်မကျွမ်းသည့်ကြားက လက်ညောင်းခံ အချိန်ကုန်ခံ မျှဝေပေးတဲ့ ကျွန်တော့်စေတနာကို ၀ါသနာရှင်များ နားလည်လက်ခံရင် ကျွန်တော်ရေးရကျိုးနပ်ပါပြီ။

ရွှင်လန်းချမ်းမြေ့ကြပါစေ။
ရန်လင်း


Downloadအထက်ဖော်ပြပါ ကျန်းမာရေးနှင့် ၀ူရှူးပညာ ဆောင်းပါကို ebook အနေဖြင့် သိမ်းဆည်းဖတ်ရှုလိုပါက ဒီနေရာ မှာ Download ဆွဲပြီး ကူယူနိုင်ပါကြောင်း…

နှစ်ဆင့်ထိုးနည်းနှင့် လက်လှည့်ထိုးနည်း

By Ko Soe Gyi

နှစ်ဆင့်ထိုးနည်း

– လက်သီးကို ပျော့ပျော့လေးထိုးဟန်ပြပြီး ရန်သူရဲ့ ကိုယ်လုံး (သို့) မျက်နှာနှင့် လက်သီးထိတွေ့ချိန်မှာ ပခုံးအားရယ်၊ ခါးအားရယ် တစ်ပြိုင်တည်း စုစည်းအသုံးပြုပြီး ဆင့်တွတ် ထိုးလိုက်ရတဲ့ ထိုးနည်းဖြစ်ပါတယ်။ ဒီထိုးနည်းက အတွင်းဒဏ်ဖြစ်အောင် အားထည့်ထိုးလို့ရသလို ညင်ညင်သာသာနှင့် အထိုးခံရသူ လွင့်စဉ်သွားအောင် ဟန်ပြထိုး လို့လဲရပါတယ်။

လက်လှည့်ထိုးနည်း

– လက်လှည့်ထိုးနည်းကို ၀က်အူရစ်လက်သီးထိုးနည်းလို့လဲ ခေါ်ကြပါတယ်။ ဒီထိုးနည်းဟာလဲ နှစ်ဆင့်ထိုးနည်းလို ရိုးရိုးလေးပါပဲ။ လက်သီးနဲ့ မိမိထိုးမယ့် ဆုံချက်ထိတွေ့ချိန် လက်သီးကို မှောက်လျက်ကနေ ပက်လက်အဖြစ် ပြောင်းလဲပြီး မွှေ့ထိုးရတဲ့နည်းပါ။ ဒီထိုးနည်းဟာ လူ့ခန္ဓာကိုယ်ရဲ့ အဆီလွှာနှင့် ပြင်ပအသားလွှာကို ခွဲခြမ်းလိုက်တဲ့နည်းဖြစ်တာကြောင့် တစ်ဖက်ရန်သူကို မိမိသုံးတဲ့ အားပေါ်မူတည်ပြီး အတွင်းဒဏ်ရစေ၊ သေစေနိုင်သော ထိုးနည်းတစ်ခုပါ။ လက်လှည့်ထိုးနည်းနဲ့ တိုက်ခိုက်တဲ့အခါမှာ အရှိုက်နဲ့ ဆီးအိမ်တို့ကို အဓိကတိုက်ခိုက်ရပါတယ်။

The Conton Corkscrew

ဝက်အူလက်သီး ထိုးပုံထိုးနည်း

– အခု ကျွန်တော်တင်ပြထားတဲ့ နှစ်ဆင့်ထိုးနည်းနှင့် လက်လှည့်ထိုးနည်းနှစ်မျိုးဟာ အပြင်ပန်းကြည့်ရုံနဲ့တင် မှတ်သားရလွယ်သော ရိုးရှင်းသော လက်သီးထိုးနည်းစနစ်များဖြစ်ပါတယ်။ သို့သော် ရိုးရှင်းလွန်းလို့ ဒီနည်းစနစ်နှစ်မျိုးကို တတ်မြောက်ရန် လွယ်ကူမည်ဟု မထင်ပါနဲ့ မိတ်ဆွေ။ မှားသွားပါလိမ့်မည်။ အကြိမ်ကြိမ်အထပ်ထပ် လေ့ကျင့်မှသာ ကျင်လည်စွာ အသုံးချနိုင်မယ့် နည်းများပါ။ အကျိုးထိရောက်မှုကလဲ အလွန်တာသွားလှပါတယ်။

– ဒီထိုးနည်းစနစ်နှစ်မျိုးကို လေ့ကျင့်မည်ဆိုလျှင် အရင်ကကျွန်တော်တင်ထားတဲ့ လျှပ်စစ်လက်သီး လေ့ကျင့်နည်း မှာကဲ့သို့ပင် အ၀တ်စ (သို့) မျက်နှာသုတ်ပ၀ါ အသေးတစ်ခုနှင့် စတင်လေ့ကျင့်ပါ။ တစ်လလောက် လေ့ကျင့်ပြီးမှ သဲအိတ် (သို့) အမာစားများနှင့် လေ့ကျင့်ပါ။ ဒီနေရာမှာ လက်လှည့်ထိုးနည်း အကြောင်း မှတ်သားမိသလောက် ပြောပြပါရစေ။

လက်လှည့်ထိုးနည်း ကို ၀က်အူရစ်လက်သီးထိုးနည်း လို့လဲခေါ်ပါတယ်၊ ဒီထိုးနည်းစနစ်ကို မိတ်ဆွေတို့အတော်များများ အမြင်မစိမ်းကြပါဘူး။ လွန်ခဲ့သောနှစ်တွေက နာမည်ကျော် ကွန်ဖူးမင်းသား Jet Li ရဲ့ Fearless ဆိုတဲ့ ဇာတ်လမ်းမှာ ဒီလက်သီးထိုးနည်း ပါဝင်ပါတယ်။ အောက်ပါ link များမှာသွားရောက်ကြည့်ရှုနိုင်ပါတယ်…

http://www.youtube.com/watch?v=EiJwGhTxzqI
http://www.youtube.com/watch?v=ALk7qG3VqjQ

– ဒီနည်းကို ကျွန်တော်တို့ မြန်မာအခေါ် လက်လှည့်ထိုးနည်း တရုတ်တွေက ကောင်းတုံ ၀က်အူရစ် လက်သီးထိုးနည်း၊ နောက်… ငယ်စဉ်က ဖတ်မှတ်ဖူးခဲ့တဲ့ ဆရာရာဇဂဏီ ရဲ့ လူသူတော်သျှောင်တစ်စောင်း ၀တ္ထုတွေမှာ အိန္ဒိယအခေါ် ဗာရာဏသီလက်သီးထိုးနည်း စသည်ဖြင့် အမျိုးမျိုးမှတ်သားမိပါတယ်။ လူမျိုးနဲ့အရပ်ဒေသကိုလိုက်ပြီး ကွဲပြားမှုတွေတော့ အနည်းငယ်ရှိကြတာပါပဲ။ သို့ပေမယ့် အကျိုးသက်ရောက်မှုကတော့ အတူတူလောက်ပါပဲ။ ဒီနည်းစနစ်ကို ကျွန်တော်မှတ်သားဖူးတဲ့ ဆရာရာဇဂဏီ ရေးသားခဲ့တဲ့ ဗာရာဏသီလက်သီးထိုးနည်း ဆိုတဲ့ လက်လှည့်ထိုးနည်းကျင့်ပုံလေးကို သုတအဖြစ် တင်ပြပေးလိုက်ပါတယ်။ အခုဖော်ပြမယ့် ဆရာရာဇဂဏီ ရေးသားခဲ့တဲ့ နည်းစနစ်နဲ့ ကျွန်တော်လေ့ကျင့်စဉ်ကကျင့်နည်းနဲ့ ကွဲလွဲမှုရှိပါတယ်။

– ကျွန်တော်သင်ကြားရစဉ်က မျက်နှာသုတ်ပုဝါအသေးတစ်ခုနှင့် တစ်လတိတိ လေ့ကျင့်ခဲ့ရပြီး တစ်လပြည့်တဲ့အခါ သဲအိတ်ရယ်၊ နောက်… ထောင်ထားတဲ့ပျဉ်ပြားမှာ ဖီးဆင့်စက်ဘီးနောက်ကယ်ရီယာခုံကို တပ်ထားပြီး အထိုးကျင့်ခဲ့ရတာပါ။ ဒီနည်းစနစ်က ကျွန်တော့်အတွေ့အကြုံအရပြောရရင် သဲအိတ်ထိုးတာထက်၊ ပျဉ်ပြားမှာ စက်ဘီးနောက်ခုံတပ်ပြီး ထိုးတာက ပိုအဆင်ပြေပါတယ်။ အောက်မှာ ဆရာရာဇဂဏီ ရေးသားခဲ့တဲ့ နည်းစနစ်ကို ရေးသားထားပါတယ်။

ဗာရာဏသီလက်သီးထိုးကျင့်နည်း

– နေ့စဉ်  နံနက်စောစောထပြီး လက်သီးထိုးမကျင့်မီ  မြင်းထိုင်ပုံစံထိုင်ပြီး  အသက်ရှူခြင်းကို ဖြေးဖြေးနဲ့ပြင်းပြင်း အကြိမ်ကိုးဆယ် ပြုလုပ်ရပါမယ်။

– ပိတ်ပါး (သို့) မျက်နှာသုတ်ပုဝါ အသေးတစ်ခုကို ထောင့်များတွင် အပေါ်အောက်ကြိုးနှင့်ဆွဲပြီး လက်သီးထိုးကျင့်ရန်အတွက် ပြုလုပ်ထားရပါမယ်။

– မြင်းထိုင်ပုံစံဖြင့် အသက်ရှူရှိုက်ခြင်းပြုလုပ်ပြီးတာနဲ့ လက်သီးထိုးနည်း ကျင့်ရပါမယ်။ ချိတ်ဆွဲထားတဲ့ ပိတ်ပါးနဲ့မိမိ လက်နှစ်တောင်လောက်အကွာမှာရပ်ပြီး လက်လှည့်ထိုးနည်းနဲ့ ထိုးရပါမယ်။ ဗာရာဏသီအခေါ် “စောင်းဘရူး” လို့ ခေါ်ပါတယ်။

– လက်တစ်ဖက်ကို အကြိမ်ငါးဆယ်စီ ထိုးကျင့်ရပါမယ်။ အကြိမ်ငါးဆယ်ထက် ပို၍ မထိုးပါနှင့်ဟု မှတ်သားရပါတယ်။ ဤကဲ့သို့ လက်သီးထိုးကျင့်ပြီးလျှင်ပြီးချင်း ရေအေးအေးတစ်ခွက်ကို အမြဲသောက်ရမည်။ ညအိပ်ရာဝင်ခါနီးတိုင်း လက်သီးနှစ်လုံးကို နနွင်းစစ်စစ်နဲ့ လိမ်းကျံပြီးအိပ်ရမည်။ ညတိုင်းနို့တစ်မျိုးမျိုး သောက်နိုင်လျှင် ပိုကောင်းသည်ဟု မှတ်သားရပါတယ်။ ပိတ်ပါးစနှင့် ထိုးကျင့်ခြင်းကို တစ်ပတ်တိတိ လုပ်ဆောင်ရပါမည်။

– ပိတ်ပါးစနှင့် တစ်ပတ်ထိုးကျင့်ပြီးလျှင်၊ ဒုတိယအပတ်မှာ အဆင့်တက်ရပါမည်။ သံပြား (သို့) သွပ်ပြားပါး ခြောက်လက်မပတ်လည်လောက်ကို လေးလက်မပတ်လည် (သို့) ခြောက်မပတ်လည်ရှိတဲ့ တိုင်မှာ ကိုယ့်ရဲ့ရင်ခေါင်းတည့်တည့်မှာထားပြီး ညာတစ်လှည့်၊ ဘယ်တစ်လှည့်စီ ထိုးရပါတယ်။ ပထမငါးချက်မှာ ခပ်ဖြည်းဖြည်းထိုး၊ ဒုတိယငါးချက်မှာ ချင့်ချိန်ပြီး အားထည့်၍ ခပ်ပြင်းပြင်းထိုး၊ တစ်ခါထိုးရင် ဆယ်ကြိမ်ထက် မပိုစေပဲ၊ ဆယ်ကြိမ်ထိုးပြီးရင် ခဏနား၊ ထပ်ထိုးနဲ့ တစ်နေ့ကို အကြိမ်ငါးဆယ်စီ ထိုးရပါမယ်။ အကြိမ်ငါးဆယ်မှာ နောက်ဆုံး လေးဆယ့်ကိုးချက်မြောက်နဲ့ ငါးဆယ်မြောက်တွင်တော့ အားကုန်နှစ်ပြီး ထိုးရမည်။ ဒီထိုးနည်းကို အနည်းဆုံးခြောက်လတိတိ လေ့ကျင့်ရမည်ဟု ရေးသားထားတာကို မှတ်သားရပါတယ်။

– ယခုဖော်ပြခဲ့တဲ့နည်းကို မိတ်ဆွေတို့အတွက် လေ့လာမှတ်သားမိသမျှ တင်ပြလိုက် ပါတယ်။ လေ့ကျင့်မည်ဆိုလျှင် မိမိနဲ့အဆင်ပြေသလို လေ့ကျင့်နိုင်ပါတယ်။ ကျွန်တော်က လက်သီးထိုးနည်းများနှင့် ခြေကန်နည်းစနစ်များကို အထူးဝါသနာထုံတာကြောင့် လက်လှမ်းမီသမျှ လေ့လာမှတ်သား လေ့ကျင့်ဖြစ်ခဲ့ပါတယ်။ ယခုတင်ပြတဲ့ လက်သီးထိုးနည်းစနစ်နှစ်ခုဟာ နှစ်သက်မိတဲ့ လက်သီးထိုးနည်းစနစ်များမှာ အပါအ၀င်ဖြစ်ပါတယ်။ ဒီထဲက လက်လှည့်ထိုးနည်းကို ဆရာဦးစင်ချိုင် ရဲ့ မိုးကြိုးလက်သီးဆယ့်ခြောက်ချက် မှာလည်းပါဝင်တာကို လွန်ခဲ့တဲ့နှစ်တွေက မှတ်သားခဲ့ရပါတယ်။ နောက်များမှ အလျဉ်းသင့်သလို တင်ပြပါဦးမယ်ခင်ဗျာ။

Download– အထက်ပါ နှစ်ဆင့်ထိုးနည်းနှင့် လက်လှည့်ထိုးနည်းများကို သိမ်းထားလိုသူများအတွက် ဒီနေရာ မှာ Download ဆွဲနိုင်ပါတယ်။

– ရွှင်လန်းချမ်းမြေ့ကြပါစေ။

မှတ်ချက်။ ။ ယခုဆောင်းပါးတွင် အသုံးပြုထားသောပုံသည် ဆရာကြီး ဦးပြည်သိမ်း ဘာသာပြန်ခဲ့သော လျှို့ဝှက်သော ကမ္ဘာ့သတ်ပုတ်နည်းများ စာအုပ်မှ ဖြစ်ပါသည်။

ဆရာကြီးဗန်းမော်သိန်းအောင် ၏ လျှပ်စစ်လက်သီးထိုးနည်း

By Ko Soe Gyi

ဗန်းမော်လက်သီးထိုးနည်း မှာ မြန်မာ့ဂုဏ်ရောင်သိုင်းအဖွဲ့ဦးစီးဆရာကြီး ဗန်းမော်သိန်းအောင် ၏ လက်သီးထိုးနည်းစနစ် (သို့) လက်သီးသိုင်းကွက် (သို့) လက်သီးပညာကို ပြောလိုရင်းဖြစ်ပါသည်။ ဆရာကြီးဗန်းမော်သိန်းအောင်၏ လက်သိုင်းပညာ (သို့) လက်သီးထိုးနည်းစနစ်တွင် လက်သီးမာ နှင့် လက်သီးပျော့ ဟူ၍ နည်းစနစ်နှစ်မျိုးရှိပါသည်။ လက်သီးပျော့ကို လျှပ်စစ်လက်သီး (သို့) စပရိန်လက်သီး ဟုလည်းခေါ်ပါသည်။ စပရိန်လိုတွန်းကန်ထွက်သွားပြီး လျှပ်စစ်လက် သလိုမြန်သောကြောင့် ဤသို့အမည်ပေးဟန်ရှိပါသည်။ လက်သီးပျော့ထိုးနည်း တွင် လက်ဝါး ကို ဖြန့်လျက်ထောင်ထားပြီး ရန်သူ့မျက်နှာ (သို့) ထိုးရန်ပစ်မှတ်နေရာနှင့် နှစ်ပေခန့်အကွာအဝေးတွင် ချိန်ဆထားပြီး လက်သီးကို ထိုးထုတ်လိုက်သည်နှင့် (ပစ်မှတ်ကိုထိခါနီးတွင်) လက်သီးကို ဆုပ်လိုက်ရပြီး ဖျတ်ခနဲထိုး၍ ဖျတ်ခနဲပြန်ုဆုတ်ရသောနည်းဖြစ်သည်။ လက်သီးမာထိုးနည်း မှာ လက်သီးကိုမထိုးမီ အသင့်ပြင်ချိန်ဆကတည်းက လက်သီးကို ဆုပ်၍ထားရသည်။ လက်သီးကို ခါးနေရာ (သို့) ရင်ဘတ်ရှေ့နေရာမှ ထိုးထုတ်သောနည်းဖြစ်သည်။ လက်သီးကို ထိုးပြီး ပြန်ဆုတ်ရန် မလိုပဲ အားကုန်ဆန့်ထိုးထုတ်လိုက်ခြင်းဖြစ်သည်။ ပြီးမှ ရင်ဘတ်ရှေ့တွင် ပြန်၍အသင်ပြင့်ရန်လိုသည်။ လက်သီးမာကို လက်သီးပျော့ကဲ့သို့ထိုးလိုလျှင် လက်သီးကို ဆုပ်လျက်မှ မိမိ၏ မေးစေ့ရှေ့ခန့် တွင်ထောင်ထားပြီး ဖျတ်ခနဲထိုးထုတ်၍ ဖျတ်ခနဲပြန်၍ အသင့်ပြင်ခြင်းဖြစ်ပါသည်။ ၀င်ချွန်းကွန်ဖူး ပညာမှ လက်မကွာလက်သီး စနစ်နှင့် ဆင်သည်။ သို့သော် လက်မကွာလက်သီး ထိုးနည်းစနစ်က လက်သီးဆုပ်၍ ဒေါင်လိုက်ထောင်ထားရာမှ ဆတ်ခနဲထိုးထုတ်လိုက်သောနည်း စနစ်ဖြစ်သည်။ စပရိန်လက် (သို့) လျှပ်စစ်လက်သီး ကတော့ လက်ဝါးကိုဖြန့်ထောင်ထားရာမှ ဆတ်ခနဲလက်ကို ရှေ့သို့ထုတ်လိုက်ချိန်တွင် လက်သီးကိုဆုပ်လိုက်ရသောနည်းစနစ်ဖြစ်ပါသည်။

လျှပ်စစ်လက်သီးအသုံးချလေ့ကျင့်စဉ်

လက်သီးထိုးလေ့ကျင့်မည့်သူသည် ရှစ်လက်မပတ်လည်ခန့်ရှိ ပလတ်စတစ်ပြားတစ်ချပ် (သို့မဟုတ်) [S.P အိတ်ခေါ်သောပလတ်စတစ်အိတ် အကြည်တစ်လုံးရလျှင်လည်းဖြစ်ပါသည်။] ကို မိမိ မျက်နှာခန့်အမြင့်တွင် ကြိုးသေးသေးဖြင့် ချိတ်ဆွဲထားပါ။ ပလတ်စတစ်ပြား (သို့) ပလတ်စတစ် အပေါ်ထောင့်တစ်ဖက်တစ်ချက်စီတွင် ကြိုးဖြင့် ချိတ်ဆွဲခြင်းဖြင့် လက်သီးဖြင့်ထိုးလိုက်၍ ပလတ်စတစ်ပြားကိုထိလျှင် ရှေ့ဘက်သို့သာရွေ့သွား၊ လွင့်သွားပြီး လည်မသွားပေ။ လည်နေလျှင် လက်သီးထိုးရခက်ပါသည်။ ပလတ်စတစ်ပြားသည် မိမိ၏ မျက်နှာတည့်တည့် (၁၈-လက်မခန့်) အကွာတွင် ရှိရမည်။ မိမိ လက်တံရှည်လျှင် (၂၄-လက်မခန့်) အကွာတွင်ရှိရမည်။ မိမိ လက်သီးကိုဆုပ်ပြီး လက်ဆန့်ထိုးလိုက်လျှင် ပလတ်စတစ်ပြားကိုထိသည့် အကွာအဝေးအနေအထား သည် အကောင်းဆုံးဖြစ်သည်။ ပလတ်စတစ်ပြားမရလျှင် ချွေးသုတ်မျက်နှာသုတ်ပုဝါ အသေးနှင့်လည်း ချိတ်ဆွဲ၍ ကျင့်လျှင်လည်းရသည်။

၁။ မိမိရှေ့တွင် ပလတ်စတစ်ပြား (သို့) မျက်နှာသုတ်ပုဝါအသေးကို ချိတ်ဆွဲထားပါ။

၂။ လက်သီးထိုးမည့်သူသည် ပလတ်စတစ်ပြားကိုမျက်နှာမူ၍ ဘယ်ခြေရှေ့ညာခြေနောက်တွင် ထားလျက် (၂)ကွက် ဒေါင်လိုက်အနေအထားဖြင့်နေပါ။ လက်နှစ်ဖက်ကို တံတောင်ကွေး လျက် ထောင်ထားပါ။ လက်ဝါးနှစ်ဖက်ကို ဖြန့်ထားပါ၊ ဘယ်လက်ကို ရှေ့တွင်ထား၍ ညာလက်ကို နောက်တွင်ထားပါ။ (ဥပမာ- အင်္ဂလိပ်လက်ဝှေ့ (boxing) တွင် အသင့်ပြင်ထားသည့် ပုံမျိုးဖြစ်သည်) လက်ချောင်းလေးချောင်းကို စိထား၍ လက်မကို (၉၀)ဒီဂရီ အနေအထားဖြင့် ကားထောင်ထားပါ။ တစ်ကိုယ်လုံးရှိ အကြောများကို ဖြေလျှော့ထားပါ။ စိတ်ကိုလည်း ပေါ့ပါး လွတ်လပ်နေပါစေ။

၃။ ညာလက်သီး (ထောင်ထားသောလက်ချောင်း) များကို ပလတ်စတစ်ပြားရှိရာသို့ ဖျတ်ခနဲဆန့်ထုတ် လိုက်ပါ။ ပလတ်စတစ်ပြားနှင့်ထိခါနီးတွင် လက်သီးကိုဆုပ်လိုက်ပါ။ (လက်ချောင်းလေးများကို လက်ဝါးဖြင့်ထိခတ်ပြီး ဆုပ်လိုက်ရမည်။) လက်သီးထိုးထုတ်လိုက်သည့်အခါတွင် ခါးကိုပါလိမ်ပေးပါ။

၎။ ပလတ်စတစ်ပြားကို လက်သီးက ဖျတ်ခနဲထိလိုက်သည်နှင့် ထိုးထားသော ညာလက်သီးကို အမြန်ဆုံးပြန်ရုပ်လိုက်ပါ။ လက်သီးထိုးချက်မြန်လျှင် လက်သီးကိုပြန်ဖြေရန် (သို့) လက်ဝါးဖြန့်ရန် အချိန်ပင်မရလိုက်ပဲ လက်သီးဆုပ်လျက်ဖြင့် ပြန်ရုပ်ပြီးရှိနေလိမ့်မည်။ နောက်တစ်ကြိမ် ထိုးရန်အတွက် ညာလက်ဝါးကို ပြန်ဖြန့်လိုက်ရမည်။ (ပလတ်စတစ်ပြားကို ထိအောင်ထိုးရမည်။ မထိပဲ လက်ပြန်မရုပ်ရ ပါ။ အကျင့်ဖြစ်ပြီး ပစ်မှတ်ကို မထိပဲ နေလိမ့်မည်) ထိုသို့အသင့်ဖြစ်သည်နှင့် ဆက်လေ့ကျင့်ပါ။

၅။ ထိုသို့ ညာလက်သီးထိုးလေ့ကျင့်ပြီးလျှင် ညာခြေရှေ့၊ ဘယ်ခြေနောက်ထားလျှက် (၂)ကွက် ဒေါင်လိုက်ဖြင့် ညာခြေခင်းပြီး ဘယ်လက်သီးထိုး လေ့ကျင့်ရပေမည်။ ညာလက်ရော၊ ဘယ်လက်ရော နှစ်ဖက်စလုံး ထိုးတတ်ရပေမည်။

၆။ ထိုသို့ ဘယ်ခြေခင်း၍ ညာလက်သီးထိုးလေ့ကျင့်ခြင်း၊ ညာခြေခင်း၍ ဘယ်လက်သီး ထိုးလေ့ကျင့်ခြင်း ကျင့်သားအတော်ရလာလျှင်ခြေနှစ်ဖက်ကို (၂၇)လက်မခန့် ခွဲရပ်ပြီး (၂)ကွက်ကန့်လန့်ခြေအနေအထားမှနေ၍ ညာလက်သီးထိုးလေ့ကျင့်ခြင်းကို အကြိမ်များစွာနေ့စဉ် ရက်ဆက်လေ့ကျင့်ရပေမည်။

၇။ ထိုသို့ (၂)ကွက် ကန့်လန့်အနေအထားမှနေ၍ ညာလက်လေ့ကျင့်၍ ကျင့်သားအတော်ရလာလျှင် ဘယ်လက်သီးထိုးကိုလေ့ကျင့်ရပေမည်။ ထိုသို့အနေအထား အမျိုးမျိုးဖြင့် လေ့ကျင့်ထားလျှင် မည်သည့်အနေအထားမှဖြစ်စေ လျှပ်စစ်လက်သီးကို လျှပ်စစ်လက်သလို အလွန်လျင်မြန်စွာ ထိုးနိုင်လာလိမ့်မည်။ လက်တွေ့ကျင့်ကြည့်လိုက်ပါ။ ရက်ပိုင်းအတွင်း လျှပ်စစ်လက်သီး ပိုင်ရှင်ဖြစ်လာပါလိမ့်မည်။ ထို့ထက်ပိုလျှင်မြန်ရန်အတွက်ကတော့ အနည်းဆုံးလေ့ကျင့် ရက်(၁၀၀)တော့ ရှိရမည်။

မှတ်ချက်-၁။   ။လက်တွေ့အသုံးချ လျှပ်စစ်လက်သီးထိုးနည်းစနစ်သည် အခြေခံဗန်းမော်ကွန်ဖူး လက်သီးပျော့ထိုးနည်းစနစ်နှင့်တော့မတူပါ။ တစ်ချို့က ဆရာကြီးဗန်းမော်သိန်းအောင်၏ အခြေခံ လက်သီးပျော့ကစားကွက်ကိုသာ မြင်ဖူးထားပြီး အမြင်ဖြင့်ဆရာကြီး၏ လျှပ်စစ်လက်သီးကို ထိုးတတ်နေပြီဟု ထင်ကြပါသည်။ အခြေခံထိုးကွက်နှင့်အဆင့်မြင့် လျှပ်စစ်လက်သီးထိုးစနစ်တို့မှာ လုံးဝမတူပါ။ အကယ်၍ ဆရာကြီးဗန်းမော်သိန်းအောင်၏ သိုင်းပညာရပ်များကို သင်ချင်ပါက ရန်ကုန်မြို့၊ အလုံမြိ်ု့နယ်၊ ဆင်မင်းဈေးတစ်ဝိုက်တွင် ဗန်းမော်ဘွဲ့ခံ ဆရာကြီးများ၊ နာမည်ရှေ့တွင် ဗန်းမော် ဟုဘွဲ့တပ်ထားသော ဆရာကြီးများရှိပါသည်။ ထိုဆရာကြီးများထံတွင် သင်ယူနိုင်ပါသည်။

မှတ်ချက်-၂။  ။ဤလျှပ်စစ်လက်သီးထိုးနည်းကို လက်တွေ့သင်လိုလျှင် ၂၀၁၃၊ မတ်လထုတ် နက္ခတ္တရောင်ခြည်မဂ္ဂဇင်း၊ အမှတ်(၃၂၀) ကိုယူဆောင်၍ အမှတ်(၂၅၂)၊ အောင်ရတနာ(၁၇)လမ်း၊ (၁၆)ရပ်ကွက်၊ မြောက်ဒဂုံမြို့နယ်၊ ရန်ကုန်မြို့တွင် အခကြေးငွေပေးစရာမလိုပဲ ဤလျှပ်စစ်လက်သီး ထိုးနည်းကို နက္ခတ္တရောင်ခြည်မဂ္ဂဇင်းတွင် ရေးသားသူ ဆရာကြီးမင်းယက္ခထံတွင် အထက်ဖော်ပြပါ စာအုပ်ကိုယူဆောင်သွား၍ သင်ယူနိုင်ပါသည်ဟု ဆရာကြီးမှ ရေးသားဖော်ပြခဲ့ပါသည်။ ဖုန်းကြိုဆက်ရန်နှင့် ရုံးချိန်အတွင်းသာ လာရောက်ရန်လည်း ဖော်ပြထားပါသည်။ ဖုန်းနံပါတ်မှာ ၀၉၇၃၀၁၄၅၉၂ ဖြစ်ပါသည်။

ယခု လျှပ်စစ်လက်သီးထိုးနည်း မှာ ဆရာမင်းယက္ခ၏ဘ၀အတွေ့အကြုံများ ဆောင်းပါး မှ ကောက်နုတ်၍ ဖော်ပြလိုက်ခြင်း ဖြစ်ပါတယ်ခင်ဗျာ။ လျှပ်တစ်ပြက်အတွင်း တစ်ဖက်ရန်သူကို အငိုက်မိလဲကျသွားစေနိုင်သည့် လက်သီးထိုးနည်းလည်းဖြစ်ပါတယ်။ ဒါကြောင့်မိတ်ဆွေ များ လေ့လာ၊ လေ့ကျင့်နိုင်ရန်အတွက် လေ့လာမှတ်သားထားသည့် လက်သီးထိုးနည်းစနစ်များထဲမှ ထုတ်နှုတ်၍ ဖော်ပြလိုက်ပါတယ်ခင်ဗျာ။

ဆောင်းပါးကို ebook အနေနဲ့ လိုချင်ရင်တော့ ဒီနေရာမှာ Download ယူနိုင်ပါတယ်ခင်ဗျာ။

ရွှင်လန်းချမ်းမြေ့ကြပါစေ။