သိုင်းဝါသနာရှင်များအတွက်သတင်းထူး

သိုင်းချစ်သူဝါသနာရှင်များအတွက် ဝမ်းမြောက်စရာ သတင်းထူးတစ်ခုကို ပြောပြချင်ပါတယ်။ အဲ့ဒါကတော့ မြန်မာနိုင်ငံမှာ သိုင်းစာအုပ်စာပေများ ပြန်လည် ထွန်းကားလာတော့မယ်ဆိုတဲ့ သတင်းပါပဲ။ ဆရာကြီးကွန်ဖူးစိုးမြင့် ရဲ့ တပည့်တွေကနေ ဆရာကြီးရဲ့ စာအုပ်တွေ ကို ပြန်လည်ထုတ်ဝေတော့မယ် ဆိုတဲ့သတင်းကို အရင်ကတည်းက ကြားထားတာပါ။

ဒါပေမယ့် ဘယ်တော့ထွက်မယ် ဘာစာအုပ်တွေ ထွက်မယ်ဆိုတာ မသိခဲ့ပါဘူး။ ကံကောင်းချင်တော့ဗျာ ပြီးခဲ့တဲ့ စနေနေ့က ကျွန်တော် နိုဘယ်-မြန်မာ စာပေပွဲတော် ကို သွားခဲ့ပါတယ်။ အဲ့ဒီမှာ အမှတ်မထင် ဆရာကြီးကွန်ဖူးစိုးမြင့် ရဲ့ အမျိုးသမီးများအတွက် အရေးပေါ်ခုခံတိုက်ခိုက်နည်းများ စာအုပ်ကို တွေ့မိခဲ့ပါတယ်။ ဒုတိယအကြိမ်အဖြစ် ၂၀၁၄ အောက်တိုဘာလကတည်းက ထုတ်ဝေထားတာပါ။ ဒီစာအုပ်ကို ကျွန်တော် အရင်ကတည်းက ebook လုပ်ပြီး တင်ပေးခဲ့တာ ကြာပါပြီ။ ကိုစိုကြီးက scan ဖတ်ပေးထားတာပါ။ ဒီနေရာ မှာ download ယူလို့ရပါတယ်။ ဒါပေမယ့် printed version စာအုပ်ကိုလည်း ဝယ်ယူအားပေးကြစေချင်ပါတယ်။ ဒါမှလည်း နောက်ထပ် စာအုပ်အသစ်အသစ်တွေ ဆက်လက်ထုတ်ဝေသွားနိုင်ဖို့ အဆင်ပြေမှာမို့လို့ပါ။ ebook တွေကြောင့် ထုတ်ဝေသူတွေ အရှုံးပေါ်ပြီး ထပ်မံထုတ်ဝေဖို့ လက်တွန့်သွားမှာတော့ လုံးဝမဖြစ်စေချင်မိပါ။

The Womanly Art Of Self Defense - 2nd edition By Kung Fu Soe Myint

အမျိုးသမီးများအတွက် အရေးပေါ်ခုခံတိုက်ခိုက်နည်းများ (ကွန်ဖူးစိုးမြင့်)

ဖြန့်ချိပေးတာကတော့ ရွှေချိုးဖြူစာပေပါ။ ဆရာကြီးကွန်ဖူးစိုးမြင့် ရဲ့ တပည့်တစ်ဦးဖြစ်ပြီး နောက်နောင် လည်း ဆရာကြီးကွန်ဖူးစိုးမြင့် ရဲ့ စာအုပ်တွေရော၊ အခြားကိုယ်ခံပညာရပ်ဆိုင်ရာ စာအုပ်အသစ်တွေ ကိုပါ ဆက်လက်ထုတ်ေ၀ ဖြန့်ဖြူပေးသွားမယ်လို့ သိရပါတယ်။

အရင်က ကျွန်တော် သိုင်းပညာရပ်ဆိုင်ရာစာအုပ်တွေကို ebook ပြုလုပ်ရတာဟာ ဈေးကွက်မှာ သိုင်းစာအုပ်စာပေ ရှားပါမှုကြောင့် ဖြစ်ပါတယ်။ ဒါပေမယ့် အခုကစပြီး ကျွန်တော် ဆင်ခြင်ရ ပါတော့မယ်။ အဓိကကတော့ ဆရာကြီးကွန်ဖူးစိုးမြင့် ရဲ့ စာအုပ်တွေကို ebook မလုပ်တော့ဖို့ ဆုံးဖြတ်ထားပါတယ်။ တစ်ဆိတ်လောက်သည်းခံပြီး printed version ကိုပဲ စောင့်ဖတ်ပေးကြစေချင် ပါတယ်။ ဒါမှလည်း သိုင်းစာအုပ်စာပေဈေးကွက် ပြန်လည်ထွန်းကာလာနိုင်မှာလို့ ထင်ပါတယ်။

Shwe Joe Phyu Sar Pay

ရွှေချိုးဖြူစာပေ

ရွှေချိုးဖြူစာပေနဲ့ ဆက်သွယ်ပြီး သိုင်းစာအုပ်စာပေတွေ ဝယ်ယူချင်တယ်၊ ထုတ်ဝေချင်တယ် ဆိုရင်တော့ လိပ်စာက ဒီမှာပါ…

ရွှေချိုးဖြူစာပေ
အမှတ်(၄၁၄/ခ)အပေါ်ဆုံးထပ်၊
နီလာ(၂)လမ်း၊ (၈)ရပ်ကွက်၊
မြောက်ဥက္ကလာ၊ ရန်ကုန်မြို့။
ဖုန်း – ၁၉-၂၅၀၁၄၂၈၂၈၊ ၀၉-၅၀၂၉၆၄၁

ဆရာကြီးကွန်ဖူးစိုးမြင့်နဲ့ ဆက်သွယ်ချင်တယ်ဆိုရင်တော့ ဆင်မလိုက်၊ ဘုရင့်နောင်လမ်းမကြီး၊ ကမာရွတ်မြို့နယ်မှာပါ။ ဆရာကြီးကတော့ အခုလက်ရှိ သိုင်းသင်တန်းမဖွင့်တော့ပါဘူး။ အရိုးအကြောရောဂါကုဆေးခန်းပဲ ဖွင့်ပါတော့တယ်။

အားလုံးပဲ ရွှင်လန်းချမ်းမြေ့ကြပါစေခင်ဗျာ။ ကျေးဇူးတင်ပါတယ်။

Page Layout ပြင်ထားသော စာအုပ်များနှင့် ဆောင်းပါးများ

ယခု upload တင်ထားတဲ့ စာအုပ်တွေကတော့ Thaing Wizard မှာ အရင်ထဲက တင်ထားပြီးသားတွေကို update ပြန်လုပ်ထားတာတွေပါ။ အရင်လုပ်ထားတဲ့ စာအုပ်တွေမှာ paper size ကြောင့် စာဖတ်ရ အစဉ်မပြေတာတွေရှိတယ်လို့ သိရပါတယ်။ အဲ့ဒါတွေကို layout အသစ်၊ size အသစ်နဲ့ ဖတ်ရှုရအစဉ်ပြေအောင် ပြန်လည်ပြုလုပ်ထားတာပါ။

Update လုပ်ထားတဲ့စာအုပ်တွေကို အောက်မှာ download ယူနိုင်ပါပြီ။

၁။ မြန်မာ့ထိုးကွင်းမင်ကြောင်ဓလေ့ (ဆင်ဖြူကျွန်းအောင်သိန်း)

Myanmar Traditional Tattoo

မြန်မာ့ထိုးကွင်းမင်ကြောင်ဓလေ့ (ဆင်ဖြူကျွန်းအောင်သိန်း)

Download (File Size – 5.82 MB)


၂။ မြန်မာနိုင်ငံသိုင်း အဖွဲ့ချုပ် မြန်မာ့ကိုယ်ခံပညာ နိသျည်းများ

ျမန္မာႏိုင္ငံသိုင္းအဖြဲ႕ခ်ဳပ္ ျမန္မာ့ကိုယ္ခံပညာနိသ်ည္းမ်ား

မြန်မာနိုင်ငံသိုင်းအဖွဲ့ချုပ် မြန်မာ့ကိုယ်ခံပညာနိသျည်းများ

Download (File Size – 3.88 MB)


၃။ လျှို့ဝှက်သော ဗန်တို၊ ဗန်ရှည် နည်းများ (သိုင်းဦးချစ်သန်း)

Secret Techniques of Bando and Banshay

လျှို့ဝှက်သော ဗန်တို၊ ဗန်ရှည် နည်းများ (သိုင်းဦးချစ်သန်း)

Download (File Size – 16.4 MB)


၄။ ထိုင်း လက်ဝှေ့ (ကွန်ဖူးစိုးမြင့်)

ထိုင္း လက္ေ၀ွ႔ (ကြန္ဖူးစိုးျမင့္)

ထိုင်း လက်ဝှေ့ (ကွန်ဖူးစိုးမြင့်)

Download (File Size – 3.48 MB)


၅။ လူတိုင်းအတွက် လျှပ်တစ်ပြက် ကိုယ်ခံပညာ (ကွန်ဖူးစိုးမြင့်)

လူတိုင္းအတြက္ လွ်ပ္တစ္ျပက္ ကိုယ္ခံပညာ (ကြန္ဖူးစိုးျမင့္)

လူတိုင်းအတွက် လျှပ်တစ်ပြက် ကိုယ်ခံပညာ (ကွန်ဖူးစိုးမြင့်)

Download (File Size – 4.37 MB)


၆။ ကိုရီးယားအဆင့်မြင့် ခြေကန်တိုက်နည်းပညာ (ဦးပြည်သိမ်း)

ကိုရီးယားအဆင့္ျမင့္ ေျခကန္တိုက္နည္းပညာ (ဦးျပည္သိမ္း)

ကိုရီးယားအဆင့်မြင့် ခြေကန်တိုက်နည်းပညာ (ဦးပြည်သိမ်း)

Download (File Size – 7.74 MB)


၇။ အမေရိကန် ချက်ကောင်း တိုက်ကွက်များ (ကွန်ဖူးစိုးမြင့်)

အေမရိကန္ ခ်က္ေကာင္း တိုက္ကြက္မ်ား (ကြန္ဖူးစိုးျမင့္)

အမေရိကန် ချက်ကောင်း တိုက်ကွက်များ (ကွန်ဖူးစိုးမြင့်)

Download (File Size – 4.19 MB)


နောက်ပြီး အရင်က ဆောင်းပါးပဲ တင်ထားခဲ့ပြီး ebook မလုပ်ရသေးတာ တစ်ချို့ကိုလည်း ebook လုပ်ပြီး တင်ပေးထားပါတယ်။

၁။ သမိုင်းထဲက အမေ့လျော့ခံ အားကစား (သို့မဟုတ်) ဗန်တို

Bando Forbidden Martial Arts

သမိုင်းထဲက အမေ့လျော့ခံ အားကစား (သို့မဟုတ်) ဗန်တို

Download (File Size – 231 KB)

၂။ ဂါမဝါသီပွဲကျောင်း လက်ဝှေ့၊ သိုင်းအတတ်ပညာ အကျဉ်း

Some Brief Pwe Kyaung Notes

ဂါမဝါသီပွဲကျောင်း လက်ဝှေ့၊ သိုင်းအတတ်ပညာ အကျဉ်း

Download (File Size – 643 KB)

၃။ ဆရာကြီး ဗန်မော်သိန်းအောင်၏ လျှပ်စစ်လက်သီးထိုးနည်

Snap Fist Of Banmaw Thein Aung

ဆရာကြီးဗန်မော်သိန်းအောင်၏ လျှပ်စစ်လက်သီးထိုးနည်း

Download (File Size – 399 KB)

အမျိုးသမီးများအတွက် အရေးပေါ်ခုခံတိုက်ခိုက်နည်းပညာ

ဒီကနေ့တော့ ဆရာကြီး ကွန်ဖူးစိုးမြင့် ရဲ့ အမျိုးသမီးများအတွက် အရေးပေါ်ခုခံတိုက်ခိုက်နည်းပညာ စာအုပ်ကို တင်ပေးလိုက်ပါတယ်။ ဒီစာအုပ်ဟာလည်း ကိုစိုးကြီး scan ဖတ်ပေးထားတာပဲ ဖြစ်ပါတယ်။ ဟိုရက်ပိုင်းတည်းက ebook လုပ်ပြီးနေပေမယ့် မအားတာကြောင့် ဒီနေ့မှပဲ တင်ဖြစ်တာပါ။

The Womanly Art Of Self-Defense

အမျိုးသမီးများအတွက် အရေးပေါ်ခုခံတိုက်ခိုက်နည်းပညာ (ကွန်ဖူးစိုးမြင့်)

Download (File Size – 14.5 MB)

ယခုဖော်ပြပါစာအုပ်ထဲမှာ
၁။ ခုခံကာကွယ်ခြင်းနှင့် ပတ်သတ်သော စိတ်ပညာ
၂။ ကြိုးပမ်းမှု အနည်းငယ်ဖြင့် ကြိုတင်ကာကွယ်ခြင်း
၃။ ရရာလက်နက်ဖြင့် ခုခံခြင်း
၄။ နာကျင်စေလွယ်သော ကိုယ်ခန္ဓာ အစိတ်အပိုင်းများ
၅။ ထီးနှင့် ကြိမ်တုတ်ကို လက်နက်သဖွယ် အသုံးပြုခြင်း
၆။ ဘူးဆို့ဖွင့်တန်၊ ကလောင်တန်နှင့် ဦးထုပ်အပ်ကို အသုံးပြုခြင်း
၇။ သတင်းစာလိပ်နှင့် စာအုပ်ကို အသုံးပြုခြင်း
၈။ လက်နက်မဲ့ ကာကွယ်ခြင်း
ဆိုပြီး အခန်း(၈)ခန်းနဲ့ ဖွဲ့စည်းထားပါတယ်။

အဆိုပါစာအုပ်ကို ဒီမှာ download ရယူနိုင်ပါပြီ။

အတွင်းအားပညာနှင့် ထူးခြားသော လျှို့ဝှက်ကျင့်စဉ်များ

By Ko Soe Gyi

ဘာလိုလိုနဲ့ post အသစ်တွေ ထပ်မတင်ဖြစ်တာတောင် သုံးလလောက်ရှိသွားပါပြီ။ ဒီကနေ့တော့ ကိုစိုးကြီးဆီက ရထားတဲ့ အတွင်းအားနဲ့ ပတ်သတ်တဲ့ ဆောင်းပါးစုစည်းမှု စာအုပ်ကလေး တင်ပေးလိုက်ပါတယ်။ မတင်ဖြစ်သေးတဲ့ အသစ်တွေရှိပါသေးတယ်။ မအားသေးလို့ ဘာမှမလုပ်ဖြစ်တာပါ။ နောက်ရက်များမှ အဆင်သင့်သလို အသစ်တွေ ထပ်တင်ပေးပါဦးမယ်ဗျာ။ အသစ်တွေ မတင်ဖြစ်တဲ့ကြားက visitor ဦးရေ ကျမသွားတာကို များစွာ ဝမ်းမြောက်မိပါတယ်။ အဲ့ဒါကြောင့်လည်း website ကို ဆက်လည်ပတ်ဖို့ အားအင်တွေရနေတာ ဖြစ်ပါတယ်ဗျာ။ အားလုံးကို ကျေးဇူးပါ။

About Intrinsic Energy And How To

အတွင်းအားပညာနှင့် ထူးခြားသော လျှို့ဝှက် ကျင့်စဉ်များ

အခုတင်ပေးလိုက်တဲ့ ebook ကလေးထဲမှာ ပါဝင်တာတွေကတော့…

၁။ Intrinsic Energy (ချီ<သို့>အတွင်းအား)
၂။ အဆင့်မြင့်ကွန်ဖူးပညာရှင်၏ စွမ်းရည်များ
၃။ ကွန်ဖူးပညာရှင်များ၏ လျှို့ဝှက်ကျင့်စဉ်(၁)
၄။ အင်းဝခေတ် ရှေးမြန်မာကြီးများ၏ အသက်ရှူကျင့်စဉ်
၅။ ကွန်ဖူးပညာရှင်များ၏ လျှို့ဝှက်ကျင့်စဉ်များ(၂)
၆။ ရှေးဟောင်း တရုတ်ကျန်းမာရေး ချိကုန်းကျင့်စဉ်
၇။ ကွန်ဖူးပညာရှင်များ၏ လျှို့ဝှက်ကျင့်စဉ်(၃)
၈။ ကွန်ဖူးပညာရှင်များ၏ လျှို့ဝှက်ကျင့်စဉ်(၄)

ဆိုပြီး ဆောင်းပါး(၈)ပုဒ် ပါဝင်ပါတယ်။ ဒီနေရာမှာ download ရယူနိုင်ပါပြီ။

DownloadFile Size – 3.92 MB

အားလုံးပဲ ရွှင်လန်းချမ်းမြေ့ကြပါစေဗျာ။

သိုင်းစာအုပ်များ အလွယ်တကူ ဝယ်နိုင်ပြီ…

သိုင်းပညာရပ်ကို ဝါသနာပါသူ မိတ်ဆွေများအတွက် အထူးစပါယ်ရှယ်သတင်း ဖြစ်ပါတယ်ဗျာ… မကြာသေးခင်က အသစ်ထွက်ထားတဲ့ ပွဲကျောင်းဆရာကြီးဦးစိုးမြင့်ရဲ့ ပွဲကျောင်းစာအုပ်နဲ့ ဆရာကြီးကွန်ဖူးစိုးမြင့်ရဲ့ ၁၉၉၀ နှစ်များဆီက ထွက်ထားခဲ့တဲ့ သိုင်းစာအုပ်များကို ဝယ်ယူလို့ရနိုင်ကြောင်းပါ…

မြန်မာနိုင်ငံသိုင်းအဖွဲ့ချုပ် မြန်မာ့သိုင်းပင်မဦးစီးဆရာကြီး တိုက်တိုင်းအောင် ပွဲကျောင်းဆရာကြီး ဦးစိုးမြင့် ရေးသားပြုစုသော…

မူလဂါမဝါသီပုပ္ပား  ပွဲကျောင်း မြန်မာ့သိုင်းလက်ဝှေ့လေ့ကျင့်ကစားနည်း၊ တန်ပြန်ခုခံကာကွယ် တိုက်ခိုက်နည်း စာအုပ်ကို  အမြို့မြို့ အနယ်နယ်ရှိ စာအုပ်ဆိုင်တိုင်းတွင် ရနိုင်ပြီ။

မူလဂါမ၀ါသီပုပၸား ပြဲေက်ာင္း ျမန္မာ့သိုင္းလက္ေ၀ွ႔ေလ့က်င့္ကစားနည္း၊ တန္ျပန္ခုခံကာကြယ္တိုက္ခိုက္နည္း

မူလဂါမဝါသီပုပ္ပား ပွဲကျောင်း မြန်မာ့သိုင်းလက်ဝှေ့လေ့ကျင့်ကစားနည်း၊ တန်ပြန်ခုခံကာကွယ်တိုက်ခိုက်နည်း

အကြိမ် – ပထမအကြိမ်
ထုတ်ဝေချိန် -၂၀၁၃ မတ်လ
တန်ဖိုး – ၁၈၀၀ ကျပ်

နယ်မှ ဝယ်ရခက်နေသူများဖြစ်ပါက http://www.myanmaronlinesales.com/MyanmarBooks/BookDetails/29492/ တွင် မှာပါ။ နိုင်ငံရပ်ခြားရောက်နေသူများ www.myanmarbookshop.com/ တွင်မှာပါ။

ဖော်ပြပါစာအုပ်ကို ကနဦးက ebook ပြန်လုပ်ရန် စဉ်းစားခဲ့ဖူးသော်လည်း ဈေးကွက်တွင် အလွယ်တကူ ဝယ်ယူနိုင်သည်ဖြစ်သောကြောင့် ebook မလုပ်ဖြစ်တော့ပါ။ လုပ်ဖြစ်ပါကလည်း တစ်ချို့စာမျက်နှာများကိုသာ လုပ်ဖြစ်မည်ဖြစ်ပါသည်။ ယခုကာလသည် သိုင်းစာအုပ်ဈေးကွက် မရှိသော ကာလဖြစ်သဖြင့် ebook ပြုလုပ်ခဲ့ပါက ဈေးကွက်ပျက်သွားကာ နောင်အသစ်ထွက်ပေါ် လာလတ္တံ့သော စာအုပ်များတွင်လည်း မည်သူမျှ အရှုံးခံထုတ်ဝေဝံံ့တော့မည်မဟုတ်တော့ပါ။ သို့ဖြစ်သောကြောင့် နားလည်ခွင့်လွှတ်ပေးကြစေလိုပါသည်။


ဆရာကြီး ကွန်ဖူးစိုးမြင့် ဘာသာပြန်သော လူတိုင်းအတွက် လျှပ်တစ်ပြက် ကိုယ်ခံပညာ၊ Self Defence In Every Emergency စာအုပ် ဝယ်ယူနိုင်ပြီ…

လူတိုင္းအတြက္ လွ်ပ္တစ္ျပက္ ကို္ယ္ခံပညာ၊ Self Defence In Every Emergency (ျမန္မာျပန္)

လူတိုင်းအတွက် လျှပ်တစ်ပြက် ကိုယ်ခံပညာ၊ Self Defence In Every Emergency (မြန်မာပြန်)

အကြိမ် – ဒုတိယအကြိမ်
ထုတ်ဝေချိန် – ၁၉၉၀ နိုဝင်ဘာလ
တန်ဖိုး – ၁၅၀၀ ကျပ်

ရန်ကုန်မှ ဝယ်ယူလိုသူများ၊ နယ်မှ ဝယ်ယူလိုသူများ http://www.myanmaronlinesales.com/MyanmarBooks/BookDetails/18354/ တွင် မှာပါ။ နိုင်ငံရပ်ခြားရောက်နေသူများ www.myanmarbookshop.com/ တွင်မှာပါ။

အဆိုပါစာအုပ်ကို download ရယူလိုပါက https://thaingwizard.com/2013/02/27/self-defence-in-every-emergency-book/ မှာ download ရယူပါ။


ဆရာကြီး ကွန်ဖူးစိုးမြင့် ဘာသာပြန်ခဲ့သော ထိုင်း လက်ဝှေ့၊ Thai Boxing စာအုပ် ဝယ်ယူနိုင်ပြီ…

ထိုင္း လက္ေ၀ွ႔၊ Thai Boxing (ျမန္မာျပန္)

ထိုင်း လက်ဝှေ့၊ Thai Boxing (မြန်မာပြန်)

အကြိမ် – တတိယအကြိမ်
ထုတ်ဝေချိန် – ၁၉၉၅ မေလ
တန်ဖိုး – ၁၂၀၀ ကျပ်

ရန္ကုန္မွ ၀ယ္ယူလိုသူမ်ား၊ နယ္မွ ၀ယ္ယူလိုသူမ်ား http://www.myanmaronlinesales.com/MyanmarBooks/BookDetails/13489/ တြင္ မွာပါ။ ႏိုင္ငံရပ္ျခားေရာက္ေနသူမ်ား www.myanmarbookshop.com/ တြင္မွာပါ။

အဆိုပါစာအုပ်ကို download ရယူလိုပါက https://thaingwizard.com/2013/02/21/thai-boxing-book/ မှာ download ရယူပါ။


အဆိုပါ website တွင် အခြားသော ဆရာကြီး ကွန်ဖူးစိုးမြင့်၏ စာအုပ်များ ကြော်ငြာထားသည်ကို တွေ့ခဲ့ရသော်လည်း ဆက်သွယ်ကြည့်သောအခါတွင် ယခုဖော်ပြပါ စာအုပ်များသာ ရနိုင်တော့သည်ဟု သိရပါကြောင်း…

အော်… မေ့လို့ ဆရာကြီးကွန်ဖူးစိုးမြင့်ရဲ့ ဂျီကွန်ဒို စာအုပ်လည်း ရသေးတယ်ဗျ။ ဈေးနှုန်းကတော့ ၁၀၀၀-ကျပ် ပါ။

ဂ်ီကြန္ဒို (ကြန္ဖူးစိုးျမင့္)

ဂျီကွန်ဒို (မြန်မာပြန်)

အကြိမ် – ပထမအကြိမ်
တန်ဖိုး – ၁၀၀၀ ကျပ်

ရန်ကုန်မှ ဝယ်ယူလိုသူများ၊ နယ်မှ ဝယ်ယူလိုသူများ http://www.myanmaronlinesales.com/MyanmarBooks/BookDetails/6384/ တွင် မှာပါ။ နိုင်ငံရပ်ခြားရောက်နေသူများ www.myanmarbookshop.com/ တွင်မှာပါ။

အဆိုပါ ဂျီကွန်ဒို ebook ကို download ယူမယ်ဆိုရင် https://thaingwizard.com/2013/02/28/jeet-kune-do-book/ ဒီမှာပါဗျာ…

အမေရိကန် ချက်ကောင်း တိုက်ကွက်များ (ကွန်ဖူးစိုးမြင့်)

ဆရာကြီး ကွန်ဖူးစိုးမြင့် ဘာသာပြန်သော အမေရိကန် ချက်ကောင်း တိုက်ကွက်များ စာအုပ်ဖြစ်သည်။

Best American Fighting Techniques

အမေရိကန် ချက်ကောင်း တိုက်ကွက်များ (ကွန်ဖူးစိုးမြင့်)

ဤစာအုပ်တွင် ဖော်ပြထားသော နည်းစနစ်များသည် ဂျူဒို၊ ဂျူဂျစ်ဆု၊ နပမ်း၊ ဆာမားတေး စသည့် ကမ္ဘာ့အထက်မြက်ဆုံး ကိုယ်ခံပညာများမှ ကောင်းနိုးရာရာ နည်းစနစ်များကို ထုတ်နုတ်ဖော်ပြထားခြင်းဖြစ်သည်။ ထို့ကြောင့်လည်း အကျဉ်းအကျပ်ထဲ ကျရောက်နေသော အခြေအနေများတွင် အမှန်ပင် အသုံးဝင်သည်ကို တွေ့ရမည်ဖြစ်သည်။

အမေရိကန် ချက်ကောင်း တိုက်ကွက်များ စာအုပ်တွင် အောက်ပါအတိုင်း အခန်း(၆)ခန်း ပါဝင်သည်။
(၁) လေ့လာသူအားအကြံပေးခြင်း
(၂) အမေရိကန် ချက်ကောင်း တိုက်ကွက်များ
(၃) အပိုင်ဖမ်းချုပ်နည်းများ
(၄) တိုက်ခိုက်ရုန်းထွက်နည်းများ
(၅) ဖမ်းချုပ်ကိုင်ပေါက်နည်းများ
(၆) ရဲအရာရှိများအတွက် တရားခံဖမ်းနည်းများ စသည်ဖြင့် ဖြစ်သည်။

Downloadအသုံးတည့်မယ်ဆိုရင် ဒီနေရာ မှာ Download ဆွဲယူ ရရှိနိုင်ပါပြီ…

ဂျီကွန်ဒို (ကွန်ဖူးစိုးမြင့်)

ဆရာကြီးကွန်ဖူးစိုးမြင့် ဘာသာပြန်တဲ့ ဂျီကွန်ဒို စာအုပ် ဖြစ်ပါတယ်။

ဂ်ီကြန္ဒို (ကြန္ဖူးစိုးျမင့္)

ဂျီကွန်ဒို (ကွန်ဖူးစိုးမြင့်)

Jeet Kune Do (ဂျီကွန်ဒို) ပညာရပ်ကို ကွန်ဖူးဘုရင် Bruce Lee (ဘရုစ်လီ) တီထွင်ခဲ့ခြင်း ဖြစ်ပါတယ်။ Jeet Kune Do ကို တီထွင်နိုင်ခဲ့ခြင်းက Bruce Lee ကို ထိပ်တန်းတိုက်ခိုက်ရေးသမား ဖြစ်စေခဲ့တာပါ။ ဝမ်းနည်းစရာကောင်တာကတော့ Bruce Lee ဟာ နာမည်ကြီးရုပ်ရှင် သရုပ်ဆောင်အဖြစ်၊ တိုက်ခိုက်ရေးသမားကောင်းအဖြစ် ရောက်ရှိခဲ့ပြီးမှ အသက် (၃၂) နှစ် အရွယ်မှာ ကွယ်လွန်ခဲ့တာ ပဲ ဖြစ်ပါတယ်။

အမှန်တစ်ကယ်ဆိုလျှင် Jeet Kune Do ပညာရပ်သည် အလွယ်တကူ ဖြစ်ပေါ်လာခြင်း မဟုတ်ခဲ့။ ဟောင်ကောင်တွင် ဆရာကြီး Yip Man (ရစ်မင်း) ထံမှ Wing Chun Kung Fu (ဝင်ချွန်းကွန်ဖူး) သင်ယူခဲ့သော Bruce Lee သည် လေ့ကျင့်မှု ကျွမ်းကျင်လာသည်နှင့်အမျှ ပညာအဆင့် မြင့်မားလာပြီး နည်းစနစ်များ ပြုပြင်ခြင်း၊ ဖန်တီးတီထွင်ခြင်းတို့ကို ပြုလုပ်နိုင်ခဲ့ သည်။ နောက်ပိုင်းတွင် အမေရိကန်နိုင်ငံ၊ ဆီးတဲလ်မြို့၊ ဝါရှင်တန်ကောလိပ်တွင် ပညာသင်ကြားခဲ့ပြီး တိုက်ခိုက်ရေးနှင့် ပတ်သတ်သော စာအုပ်ပေါင်း ၂၀၀၀ ကျော်ကို ဖတ်ရှုလေ့လာ၍ သဘောတရားများ ကို လက်တွေ့နှင့် ပေါင်းစပ်ကာ အဆင့်မြင့်တိုက်ခိုက်ရေးပညာရှင်ဘဝသို့ ရောက်ရှိလာပြီး “ကြားဖြတ်လက်သီး” ဟု ခေါ်သော Jeet Kune Do ပညာကို တီထွင်ခဲ့ခြင်းဖြစ်သည်။

ဤစာအုပ်တွင် တိုက်ခိုက်ရေးသမားတစ်ဦးအတွက် အခြေခံလေ့ကျင့်ခန်းများ၊ ပျော့ပျောင်းမှုလေ့ကျင့် ခန်းများနှင့်တကွ Jeet Kune Do ပညာရပ်၏ နည်းပရိယာယ် များ လေ့ကျင့်နည်းစနစ်များကို အားရဖွယ် ဖတ်ရှုရမည်ဖြစ်သည်။

Download

ဒီနေရာ မှာ ကူးယူရရှိနိုင်ပါတယ်။

လူတိုင်းအတွက် လျှပ်တစ်ပြက် ကိုယ်ခံပညာ (ကွန်ဖူးစိုးမြင့်)

ဆရာကြီး ကွန်ဖူးစိုးမြင့် ဘာသာပြန်သော လူတိုင်းအတွက် လျှပ်တစ်ပြက် ကိုယ်ခံပညာ စာအုပ် ဖြစ်သည်။

လူတိုင္းအတြက္ လွ်ပ္တစ္ျပက္ ကိုယ္ခံပညာ (ကြန္ဖူးစိုးျမင့္)

လူတိုင်းအတွက် လျှပ်တစ်ပြက် ကိုယ်ခံပညာ (ကွန်ဖူးစိုးမြင့်)

အပြစ်ကင်းအောင် နေထိုင်ခြင်းနှင့် ဘေးဥပဒ် အန္တရယ် ကျရောက်ခြင်း သည် တစ်ခြားစီ ဖြစ်၏။ ထို့ကြောင့် လူတိုင်း အရေးကြုံလျှင် သက်လုံကောင်းစေရန် ဤစာအုပ်ကို ဆောင်ထား သင့်သည်။ (ဆရာကြီး ဦးပြည်သိမ်း)

မူရင်းစာအုပ် “Self Defense In Every Emergency” ကို တစ်ခါမှ မရှုံးခဲ့ဖူးသော ချန်ပီယံ အနေဖြင့် နပန်းလောကမှ အနားယူခဲ့သူ “Leong Fu” (လျောင်ဖူ) မှ ရေးသားခဲ့ခြင်း ဖြစ်သည်။ ရည်ရွယ်ချက်မှာ သေးငယ်သော ယောက်ျား (သို့မဟုတ်) မိန်းမက ရန်လိုသော လူမိုက်များကို အနိုင်ရအောင် ခုခံနိုင်ရန်ဖြစ်သည်။

ဤစာအုပ်တွင် ဂျူဒိုပညာကဲ့သို့ ကိုင်ပေါက်နည်းများ၊ ကရာတေးပညာကဲ့သို့ တစ်ချက်လွတ် ထိုးခုတ် ကန်ကျောက်နည်းများ၊ အာကီဒိုပညာကဲ့သို့ လိမ်ချိုး ဖမ်းချုပ်နည်းများ၊ ကွန်ဖူးပညာ ကဲ့သို့ ခြေလက်ပူးတွဲ၍ လျှပ်တစ်ပြက် တိုက်ခိုက်နည်းများ ပါဝင်သည်။ ကမ္ဘာပေါ်ရှိ  ကျော်ကြားသော ကိုယ်ခံပညာများထဲမှ အကောင်းဆုံးနှင့် အထိရောက်ဆုံး နည်းများကို ကောက်နုတ်ထည့်သွင်း ထားသဖြင့် နည်းတိုင်း ထိရောက်မှုရှိသည်။

“နည်းမှန်လျှင် ကံမရွေး” ဟူသော ဆိုရိုးစကားအတိုင်း မိမိ၏ နည်းခွင်ထဲ ဝင်လာလျှင် မည်သည့် ရန်သူကိုမဆို အကျိုး၊ အပဲ့၊ အသေ၊ အနာ တိုက်ခိုက်ပစ်နိုင်သော ပညာများ ဖြစ်သဖြင့် လေ့ကျင့်ဖော်နှင့် တွဲဖက်လေ့ကျင့်လျှင် သတိထား၍ ထိန်းထိန်းသိမ်းသိမ်း လေ့ကျင့်သင့်သည်။ မညှာမတာ ပြုမိပါက တစ်ဖတ်သား၏ အရိုးကျိုး သွားနိုင်၏။ အကြောအမျှင်များ ပြတ်တောက် သွားနိုင်၏။ ထို့ကြောင့် မိမိ၌ တစ်ကယ့်ဘေးနှင့် ရင်မဆိုင်ရဘဲနှင့် ၎င်းတို့ကို အသုံးမပြုသင့်။ အပျော်လုံးထွေး သတ်ပုတ်ရာ၌ အသုံးမပြုသင့်။ ၎င်းတို့ကို တစ်ကယ့်ရန်ပွဲများ၌သာ အသုံးပြုသင့်သည်။

ဤစာအုပ်ထဲမှ မိမိစိတ်ကြိုက် အကောင်းဆုံးနည်းများကို ရွေးချယ်၍ တစ်နေ့ (၁၅) မိနစ် မှန်မှန် လေ့ကျင့်ပါ။ အချိန်တိုအတွင်း ကိုယ့်ကိုကိုယ် ယုံကြည်မှု အပြည့်အ၀ ရရှိလာပါလိမ့်မည်။

Downloadအားလုံးပဲ ဒီမှာ Download ဆွဲလို့ ရပါပြီနော်…

ထိုင်းလက်ဝှေ့ (ကွန်ဖူးစိုးမြင့်)

ဆရာကြီးကွန်ဖူးစိုးမြင့် ဘာသာပြန်တဲ့ ထိုင်းလက်ဝှေ့ စာအုပ် ဖြစ်ပါတယ်။

ထိုင္း လက္ေ၀ွ႔ (ကြန္ဖူးစိုးျမင့္)

ထိုင်းလက်ဝှေ့

ထိုင်းလူမျိုးတို့ရဲ့ ကိုယ်ခံပညာ Muay Thai “မွေထိုင်း” အကြောင်း စာအုပ် ဖြစ်ပါတယ်။ ဒီစာအုပ်ထဲမှာ ထိုင်းလက်ဝှေ့ရဲ့ ခြေရွှေ့နည်း၊ လက်သီးထိုးနည်း၊ တံတောင်တိုက်နည်း၊ ခြေကန်နည်း၊ ဒူးတိုက်နည်း စသည်ဖြင့် စုံစုံလင်လင်ပါဝင်ပါတယ်။ လက်ဝှေ့ပညာကို စိတ်ဝင်စားသူတွေ အတွက်တော့ ရတနာသိုက်တစ်ခုဖြစ်ပါတယ်။ လေ့လာကြည့်ကြပါ။

ဒီနေရာDownload

မှာ Download ရယူနိုင်ပါတယ်။