ရေဆင်းစိုက်ပျိုးရေးတက္ကသိုလ်က သိုင်းပြောင်းပြန်သင်တန်း

(ရေဆင်းစိုက်ပျိုးရေးတက္ကသိုလ် နှစ်(၈၀)ပြည့် ပတ္တမြားရတုအထိမ်းအမှတ် ဒသမအကြိမ်မြောက် နှစ် လည်မဂ္ဂဇင်း ၂၀၀၄-၂၀၀၅ ခုနှစ်တွင် ဆရာကြီးဦးတင်မြင့်ရေးသားခဲ့သော သိုင်းပြောင်းပြန်နဲ့ ပတ်သက်တဲ့ ဆောင်းပါးလေးတစ်ပုဒ်ဖြစ်ပါတယ်။ ယခုဆောင်းပါးကို Thaing Byaung Byan FB Account မှ ကူးယူဖော်ပြတာဖြစ်ပါတယ်ခင်ဗျာ။)

Yae Sin University Thaing Byaung Byan

ရေဆင်းစိုက်ပျိုးရေးတက္ကသိုလ်က သိုင်းပြောင်းပြန် (ဦးတင်မြင့်)

Download (File Size – 218 KB)

ရေဆင်းစိုက်ပျိုးရေးတက္ကသိုလ်ကြီးဟာ ယခုဆိုလျှင် နှစ်ရှစ်ဆယ် ပြည့်သို့တိုင်ခဲ့ပါပြီ။ ကျူရှင်ယူစရာ မလိုတဲ့ တက္ကသိုလ်၊ ဆရာဆရာမများနဲ့ ကျောင်းသားကျောင်းသူများရဲ့ မိဘနဲ့ သားသမီးလို နွေးထွေးစွာ ဆက်ဆံမှု၊ ဆရာဆရာမများ၊ အရာထမ်း အမှုထမ်းဝန်ထမ်း အပေါင်းတို့ဟာလည်း စိုက်ပျိုးရေး၊ မွေးမြူရေး၊ အရောင်းအ၀ယ် စတာတွေနဲ့ အဂတိလိုက်စားမှု ကင်းရှင်းစွာ ရောင့်ရဲ တင်းတိမ်နေထိုင် ပျော်မွေ့နိုင်ကြပုံ၊ ပညာသင်ကြားမှုမှာလည်း မဟာသိပ္ပံဘွဲ့၊ ပါရဂူဘွဲ့တွေအထိ သင်ကြားပေးနေပုံ၊ ကျောင်းသားကျောင်းသူတွေအတွက် ကာယဥာဏ ဘက်စုံဖွံ့ဖြိုးတိုးတက်စေဖို့ အားကစားပြိုင်ပွဲတွေ၊ ယဉ်ကျေးမှုနဲ့ဆိုင်တဲ့ နံရံကပ်စာစောင်နဲ့ စာပေဟောပြောပွဲတွေ ပန်းချီသင်တန်းတွေစတဲ့ တက္ကသိုလ်ကြီးရဲ့ ဖွံ့ဖြိုးတိုးတက်မှုတွေဟာ ဂုဏ်ယူထိုက်စရာတွေ ပါပဲ။ ကျောင်းသားကျောင်းသူတွေ စာသင်ချိန်အပ ကျောင်းဆင်းချိန်မှာ ကိုယ်ဝါသနာပါရာ အားကစားတစ်ခုခုကို လေ့လာလိုက်စား လေ့ကျင့်သင်ယူလိုပါသလား။ အားလုံးဟာ အဆင်သင့်ပါပဲ။ အားကစားရုံထဲမှာ အလေးတွေမ၊ ခေတ်မီစက်တွေနဲ့ လေ့ကျင့်နေသူတွေ၊ ကြက်တောင်ရိုက်၊ စားပွဲတင်တင်းနစ်၊ ပင်ပေါင်ကစားသူတွေ၊ ပိုက်ကျော်ခြင်း၊ ဘော်လီဘောကစားသူတွေ၊ ဘတ်စကက်ဘော ကစားနေသူတွေ၊ ဘောလုံးလေ့ကျင့်ရေးကွင်းမှာ ဘောလုံးကစားနေသူတွေ၊ အားကစားကွင်းကြီးရဲ့ ပြေးလမ်းပေါ်မှာ အပြေးလေ့ကျင့်နေသူတွေ၊ အားပါးတရ ရှိလှပါတယ်။ အဲ…ဘောလုံးလေ့ကျင့်ရေးကွင်းရဲ့ အရှေ့ဘက်၊ ပြည်သူ့ဆေးရုံရဲ့ တောင်ဘက် စိုက်ပျိုးရေးတက္ကသိုလ် ရဲ့ ဥယျာဉ်ထဲမှာတော့ ၀ါသနာရှင်ကျောင်းသားတွေ ကျွန်တော့်ရဲ့ သိုင်းပြောင်းပြန်ပညာ ကို မြတ်မြတ်နိုးနိုးနဲ့ သင်ကြားလေ့ကျင့်နေတာကို တွေ့နိုင်ပါတယ်။ သိုင်းပြောင်းပြန်ပညာကို ၀ါသနာကြီးခဲ့တဲ့ ကျွန်တော်ဟာ ကျွန်တော်လို ၀ါသနာတူရာ ကျောင်းသား ကျောင်းသူတွေကို သင်ကြားပြသပေးရတော့ ပင်ပန်းမှုတွေကို ပျော်ရွှင်စွာနဲ့ ကျော်ဖြတ်လာခဲ့တာ (၂၁)နှစ် ကျော်လာခဲ့ပါပြီ။ ဒီသက်တမ်းအတွင်းမှာ အားကစားနှင့် ကာယပညာကော်မတီမှ ကြီးမှူးကျင်းပပေးခဲ့တဲ့ သိုင်းပြောင်းပြန် စွမ်းရည်ပြပွဲ သုံးကြိမ်ပြသခဲ့ဖူးပါတယ်။ သင်တန်းသားပေါင်းများစွာကိုလည်း သင်ကြားလေ့ကျင့်ပေးနိုင် ခဲ့ပါတယ်။ ဆရာဖြစ်အထိ သင်ကြားအောင်မြင်ခဲ့ကြတဲ့ သိုင်းပြောင်းပြန်သမား လေးယောက် ကတော့ ရေဆင်းစိုက်ပျိုးရေးတက္ကသိုလ် ကျောင်းသားများဖြစ်ခဲ့ကြတဲ့ ကိုကျော်ဆောင်း၊ ကိုဌေးရှိန်၊ ကိုစိုးမြင့်နဲ့ ကိုဟန်ဖြိုးအောင်တို့ ဖြစ်ပါတယ်။ သူတို့လို အလားအလာကောင်းတဲ့ သင်တန်းသားတွေလည်း အများအပြားရှိပါတယ်။ ဒီသင်တန်းမှာ စိုက်ပျိုးရေး တက္ကသိုလ်၊ မွေးမြူရေးဆိုင်ရာ ဆေးတက္ကသိုလ်၊ သစ်တောတက္ကသိုလ်အပြင် ဆရာဆရာမများ ၀န်ထမ်းမိသားစုများရဲ့ သားသမီးများ၊ ရေဆင်းအခြေခံအထက်တန်းကျောင်း မှ ကျောင်းသားငယ်များလည်း ပါဝင်ပါတယ်။

၁၉၈၃ ခုနှစ်ကစပြီး သင်တန်းဖွင့်ဖြစ်ခဲ့တဲ့အကြောင်းကတော့ ဒီလိုပါ။ ၁၉၈၂ ခုနှစ် နှစ်ကုန်ပိုင်းမှာ ကျွန်တော့်ဇနီး ဒေါ်သောင်းကြည်၊ ကထိက၊ စိုက်ပျိုးရေးရုက္ခဗေဒဌာနရှိရာ ရေဆင်းစိုက်ပျိုးရေး တက္ကသိုလ်သို့ မန္တလေးကနေ အပြီးတိုင် ပြောင်းရွှေ့လာခဲ့ပါတယ်။ ကျွန်တော့်ကို သိုင်းပြောင်းပြန်ဆရာမှန်းသိတဲ့ ပထမနှစ်ကျောင်းသား မောင်ကျော်ဆောင်းကို သိုင်းပြောင်းပြန်ပညာ စတင်သင်ကြားပေးပါတယ်။ တစ်ဦးတည်းသော သင်တန်းသား မောင်ကျော်ဆောင်းအား သင်ကြားပြသလေ့ကျင့်နေပုံတွေကို ကွယ်လွန်သွားရှာပြီးဖြစ်တဲ့ ဆရာဦးဘွန်ချိန်းက လာရောက်ကြည့်ရှုလေ့လာပါတယ်။ သူကိုယ်တိုင်သင်ကြားလိုပေမယ့် ကျန်းမာရေးအခြေအနေအရ သင်ကြားခွင့် မရခဲ့ရှာပါဘူး။ တနေ့မှာတော့ အဲဒီအချိန်က အားကစားနဲ့ ကာယပညာ ကော်မတီဥက္ကဌ ပါမောက္ခဆရာကြီးဒေါက်တာတိုးလှိုင်ကို ခေါ်လာပြီး ကျွန်တော်နဲ့ တွေ့ပေးပါတယ်။ ဆရာကြီးက စိတ်ပါဝင်စားတဲ့ကျောင်းသားကျောင်းသူတွေ သိုင်းပြောင်းပြန်ပညာကို လေ့လာသင်ယူဖို့ စာသင်ချိန်အပ ကျောင်းအားချိန်မှာ ကျောင်းသားကျောင်းသူများ စိတ်လေလွင့်မှုမရှိအောင် အကျင့်စာရိတ္တပျက်စီးစေမည့် အပြုအမှုမျိုးတွေ မပြုလုပ်မိစေရန်အတွက် တစ်ဖက်တစ်လမ်းက တားဆီးကာကွယ်တဲ့အနေနဲ့ သိုင်းသင်တန်းဖွင့်ပေးပါလို့ တောင်းဆိုပါတယ်။ ကျွန်တော် လည်း ခေတ်ပညာတတ် သိုင်းသမားကောင်းတွေ ပေါ်ထွန်းလာစေဖို့ မျှော်လင့်ချက်နဲ့ ဆရာကြီး ရဲ့တောင်းဆိုချက်ကို သဘောတူလက်ခံလိုက်ပါတယ်။ ၁၉၈၃-ခုနှစ် ဇန်န၀ါရီလထဲမှာပဲ သင်တန်းစဖွင့်ခဲ့တာ ယနေ့အချိန်ထိပါပဲ။

သိုင်းပြောင်းပြန်မှာ လက်သိုင်း၊ တုတ်သိုင်း၊ ဓားသိုင်း သုံးဘာသာရှိပါတယ်။ သုံးဘာသာစလုံးကို သင်ရိုးညွန်းတမ်းအတိုင်း သင်ရိုးသင်လက်နဲ့ နည်းစနစ်တကျ အခြေခံကစပြီး သင်ကြားပေးပါတယ်။ အခြေခံပိုင်နိုင်ပြီး တုတ်၊ ဓား လက်နက်တွေကို ကျွမ်းကျွမ်းကျင်ကျင် ကိုင်တွယ်အသုံးပြုလာနိုင်ပြီဆိုမှ ပညာအဆင့်ကို တဖြည်းဖြည်းမြှင့်ပေးတဲ့နည်းနဲ့ သင်ကြားပေးပါတယ်။ သင်တန်းကို ကလပ်ပုံစံနဲ့ အမြဲတမ်းဖွင့်လှစ်ထားတော့ သင်တန်းအချိန်အတွင်းမှာ သင်တန်းသား အသစ်အဟောင်းများ မပြတ်လေ့ကျင့်နေကြပါတယ်။ ကလပ်ပုံစံဖြစ်ပေမယ့် လစဉ်ကြေးတို့ ၀င်ကြေးတို့ ဆိုတာတွေ မရှိပါဘူး။ အဆင့်ကြေးဆိုတာပဲရှိပါတယ်။ အဆင့်တစ်ဆင့်ကို ငွေကျပ်နှစ်ထောင်ပဲ သတ်မှတ်ထားပါတယ်။ မပေးနိုင်လည်း နားလည်ပြီး သင်ပေးတာပါပဲ။ ငွေကြေးအရကတော့ ရှင်းပါတယ်။ ပညာကို လိုချင်စိတ်ရှိပြီး ကြိုးစားသူတွေဆိုရင် ကျွန်တော်ကိုက အခမဲ့အလကား သင်ပေးချင်နေတတ်တာပါ။ အဆင့် တစ်ဆင့်ကို နှစ်နှစ်သုံးနှစ် လေ့ကျင့်ကြသူတွေလည်း ရှိပါတယ်။ သိုင်းပြောင်းပြန်ရဲ့ နည်းစနစ်တွေ မူတွေ၊ ဟန်တွေ၊ မာန်တွေကို ပိုပြီး ကြေညက်တတ်ကျွမ်းတာပေါ့။

ဒီကနေ့ခေတ်မှာ တိုင်းတပါးက တိုက်ခိုက်မှု အတတ်ပညာတွေ ကြီးစိုးနေပါတယ်။ ကျွန်တော်တို့ မြန်မာလူငယ်တွေ တိုင်းတပါးကလာတဲ့ သိုင်းပညာတွေကို မထိတွေ့၊ မလေ့လာ၊ မသင်ကြားသင့်ဘူးလို့ ဆိုလိုတာ မဟုတ်ပါဘူး။ ထိတွေ့လေ့လာ သင်ယူခွင့်ရှိပါတယ်။ သူ့အားနည်းချက် ကိုယ့်အားနည်းချက်၊ သူ့အားသာချက်၊ ကိုယ့်အားသာချက်တွေကို သိရတာပေါ့။ အမြင်ကျယ်ကျယ်နဲ့ဖွင့်ပြီး လေ့လာဖို့ကောင်းပါတယ်။ ဒါပေမယ့် အသိတစ်ခု သတိတစ်ခုတော့ရှိဖို့ လိုအပ်ပါတယ်။ အဲဒါက လွန်ကဲစွာ အထင်မကြီးဖို့နဲ့ သတိရှိမှာက သူတို့နိုင်ငံတွေမှာမှ ဒီအတတ်ပညာတွေ ရှိတာမဟုတ်ပါဘူး။ ငါတို့နိုင်ငံမှာလည်း သိုင်းဆိုတဲ့ အတတ်ပညာရှိတယ်ဆိုတဲ့ သတိပါပဲ။

သိုင်းပညာဆိုတာ မြန်မာတစ်မျိုးသားလုံးပိုင်ဆိုင်တဲ့ မြန်မာ့ရိုးရာယဉ်ကျေးမှု အမွေအနှစ် ဖြစ်ပါတယ်။ ဂုဏ်သိက္ခာနဲ့ အစဉ်အလာကြီးမားပါတယ်။ မြန်မာ့သမိုင်းမှာ လက်စွမ်း၊ တုတ်စွမ်း၊ ဓားစွမ်း၊ လှံစွမ်း ပြခဲ့ကြတဲ့ သူရဲကောင်းတွေ အများကြီးရှိပါတယ်။ ဒီကနေ့ခေတ်မှာလည်း တစ်ကယ်လေ့ကျင့်ရင် တစ်ကယ်တတ် တစ်ကယ်စွမ်းပါတယ်။ အဲ-ခုနှစ်ရက် တစ်ဝိုင်းသိုင်းသင်ပြီး ကိုယ့်ကိုယ်ကို သိုင်းတတ်ပြီလို့ ထင်မှတ်နေရင်တော့ မိုက်မဲရာ ကျမှာပါပဲ။ တကယ် သိုင်းတတ်ချင်ရင် နှစ်နဲ့ချီပြီး အချိန်ပေးလေ့ကျင့်ရမှာပါ။ မတောက်တခေါက်သင်၊ မတောက်တခေါက်ကျင့်ရင်တော့ မတောက်တခေါက်သိုင်းသမားပဲ ဖြစ်မှာပါ။ အဲဒီရလဒ်က သိုင်းပညာအပေါ် အထင်သေးမှု ဖြစ်လာမှာ မလွဲပါဘူး။ ဒါကြောင့် သင်တန်းသားတွေကို မတောက်တခေါက်သိုင်းသမား မဖြစ်အောင်၊ စာရိတ္တမခိုင်မာတဲ့ လူရမ်းကားသိုင်းသမား မဖြစ်အောင် အမြဲသွန်သင်ဆုံးမပါတယ်။ အမြဲတမ်းလေ့ကျင့်နေနိုင်အောင်လည်း ကလပ်ပုံစံနဲ့ သင်တန်းကို အမြဲတမ်းဖွင့်လှစ်ထားပါတယ်။ ဒီနည်းဟာ တိုးတက်မှု အရှိဆုံးပါ။တကယ်တော် တကယ်တတ်တဲ့ သိုင်းသမားကောင်းတွေ အများကြီး မွေးထုတ်ပေးနိုင်ပါတယ်။ သိုင်းဆရာ တစ်ယောက်မှာ တာဝန်တွေအများကြီးရှိပါတယ်။ ငါဟာသိုင်းဆရာဆိုပြီး လှုပ်ရှားမှုမရှိဘဲ ထိုင်နေလို့ မရပါဘူး။ မြန်မာ့ရိုးရာ အမွေအနှစ်ဖြစ်တဲ့ သိုင်းပညာကိုဖြန့်ဖြူးသင်ကြားနေရပါမယ်။ ရှိပြီးသား ပညာတွေကို ကောင်းသ ထက်ကောင်းအောင် လေ့ကျင့်ပွားများနေရမယ်။ သိပ္ပံနည်းကျ ချဉ်းကပ်လေ့လာရမယ်။ အရာရာကို ခွဲခြမ်းစိတ်ဖြာတတ်ရမယ်။ ငွေကြေးနဲ့ပတ်သက်တဲ့ အောင်မြင်မှုကို ရှောင်ရမယ်။ သိက္ခာရှိရမယ်။ လူမှုရေးနဲ့ပတ်သက်တဲ့ မာန်မာန ကင်းရမယ်။ ပညာကို ခုတုံးလုပ်ပြီး နိုင်ထက်စီးနင်း လုပ်မှုမျိုး ကင်းရမယ် စတဲ့တာဝန်တွေ လိုက်နာစရာတွေ ကျင့်ကြံနေထိုင်စရာတွေ အများကြီးရှိပါတယ်။ ကျွန်တော်တို့ရဲ့ သိုင်းပညာဟာ ဂုဏ်သိက္ခာရှိစွာ တိုးတက်ပြန့်ပွားနေအောင် ကြိုးစားနေပါမှ အမျိုးသားရေး တာဝန်ကျေပွန်တဲ့ သိုင်းဆရာတစ်ယောက်ဖြစ်မှာပေါ့။

မြန်မာ့ယဉ်ကျေးမှု အမွေအနှစ်ဖြစ်တဲ့ သိုင်းပညာဟာ ထိန်းသိမ်းလေ့လာလိုက်စားမယ့်သူမရှိရင် တဖြည်းဖြည်း တိမ်မြုပ်ပျောက်ကွယ်သွားမယ်ဆိုရင် မြန်မာတမျိုးသားလုံးအတွက် အလွန်ကြီးမားတဲ့ ဆုံးရှုံးမှုကြီးအဖြစ် သတိပြုသင့်ပါတယ်။ အဲဒီလို မဖြစ်ရအောင် မြန်မာနိုင်ငံသိုင်းအဖွဲ့ချုပ်ကြီးနဲ့ သိုင်းဆရာတိုင်းမှာ တာဝန်ရှိပါတယ်။ ကျွန်တော်ကတော့ ကျွန်တော့်သက်တမ်းအတွင်းမှာ အရည်အချင်းရှိတဲ့ သိုင်းသမားတွေကို အဆက်မပြတ် မွေးထုတ်ပေးရင်း အမျိုးသားရေး တာဝန်ကို ကျေပွန်အောင် ထမ်းဆောင်သွားဖို့ ဆုံးဖြတ်ချက် ချပြီးသားပါ။ ရေဆင်းစိုက်ပျိုးရေး တက္ကသိုလ်မှာ သိုင်းပြောင်းပြန်သင်တန်းကို ဖွင့်လှစ်သင်ကြားပေးနေတာ အနှစ်နှစ်ဆယ်ကျော်ပါပြီ။ သင်တန်းသားအဟောင်းတွေကိုတော့ မမှတ်မိတော့တာ များပါတယ်။ တခါတလေ ပြန်လည်တွေ့ရတတ်ပါတယ်။ နှစ်တွေကြာညောင်းတော့ သူတို့ ရုပ်ရည်တွေဟာလည်း ရင့်ကျက်တည်ငြိမ်ပြီး ရာထူးအဆင့်အသီးသီးနဲ့ တိုင်းပြည်တာဝန် ထမ်းဆောင်နေကြတာကို ဂုဏ်ယူစရာတွေ့ရပါတယ်။ သူတို့ဟာ ကျောင်းသားလူငယ်ဘ၀က ကျွန်တော့်သင်တန်းမှာ တက်ရောက်သင်ကြား လေ့ကျင့်ခဲ့ကြတဲ့ သင်တန်းသားတွေဆိုပြီး ကြည်နူးဝမ်းသာရပါတယ်။ ဒီလိုပါပဲ သိုင်းပညာကို စိတ်ဝင်စားကြတယ်ဆိုရင် ကလေးငယ်လေးတွေကအစ စိတ်ရှည်ရှည်နဲ့ သင်ပေးပါတယ်။ ကျွန်တော့်မှာ ထူးချွန်ထက်မြက်တဲ့ သိုင်းသမားကောင်းလေးတွေ ပေါ်ထွန်းလာဖို့ ဆိုတဲ့ မျှော်လင့်ချက်တစ်ခုပဲ ရှိပါတယ်။

သင်တန်းသားနှစ်ဆယ်သုံးဆယ်ကို အပင်ပန်းခံသင်ပေးရပေမယ့် အဲဒီထဲကတစ်ယောက် သိုင်းပညာကို စွဲစွဲမြဲမြဲနဲ့ လေ့လာလိုက်စားလာပြီဆိုရင် ကျွန်တော့်အတွက် အမြတ်ပါ။ အပင်းပန်းခံရကျိုးနပ်တယ်လို့ တွက်ထားပါတယ်။ ရေဆင်းစိုက်ပျိုးရေးတက္ကသိုလ်က ဘွဲ့ရသွားပြီးဖြစ်တဲ့ မောင်ဟန်ဖြိုးအောင်ဟာ ကလေးဘ၀ကတည်းက ကျွန်တော်လေ့ကျင့် ပျိုးထောင်သင်ကြားပေးခဲ့တဲ့ ထူးချွန်ထက်မြက်တဲ့ သိုင်းသမားတစ်ယောက်ပါပဲ။ အခုဘွဲ့လည်း ရသွားပါပြီ။ သိုင်းဆရာအဖြစ်လည်း အောင်မြင်သွားပါပြီ။ စာပေသင်ကြားရတဲ့ ကျောင်းဆရာတွေ မှာ စေတနာ၊ ၀ါသနာ၊ အနစ်နာအပြင် အသားပါ အနာခံရပါတယ်။ ချုပ်ပုံချုပ်နည်း ချိုးပုံချိုးနည်းတွေကို သင်ရတဲ့အခါ ကျွန်တော်ကိုယ်တိုင် အချုပ်ခံအချိုးခံပြီး သင်ပေးရပါတယ်။ တချို့အတိုင်းအဆမသိ လုပ်လိုက်ရင် ကျွန်တော့်မှာ တစ်ပတ်လောက်အထိ နာတတ်ပါတယ်။ တကယ်နာလာမှ သူတို့ချိုးတဲ့ ချုပ်တဲ့နည်းစနစ် မှန်ပါတယ်။ မနာသေးရင် မမှန်သေးပါဘူး။

အခါအခွင့်သင့်လို့ ရှင်းပြရအုံးမယ်။ သိုင်းပြောင်းပြန်ဆိုတဲ့ အခေါ်အဝေါ်နဲ့ ပတ်သက်လို့ တချို့က ဘယ်လိုနားလည်ရမှန်းမသိ ဖြစ်နေပါတယ်။ တကယ်တော့ သိုင်းပြောင်းပြန်ဆိုတာ ရှမ်းသိုင်းပါ။ ရှမ်းဘာသာနဲ့ ခူးကာချန့် လို့ ခေါ်ပါတယ်။ ခူးကာ ဆိုတာ သိုင်း၊ ချန့် ဆိုတာ ပြောင်းပြန်၊ တိုက်ရိုက်ဘာသာပြန်လိုက်တော့ သိုင်းပြောင်းပြန်ပေါ့။ ရှမ်းပြည်နယ်မှာကို တတ်တဲ့သူ အလွန်ရှားပါတယ်။ တချိန်က စော်ဘွားကြီးများရဲ့ သက်တော်စောင့်တွေ လူယုံတော်တွေမှ တတ်ကြပါတယ်။ အင်္ဂလိပ်အစိုးရလက်ထက်မှာ စော်ဘွားကြီးတစ်ပါးရဲ့ သက်တော်စောင့် ဆရာချယ်ကြီးဟာ လုပ်ငန်းခွင်မှာ မပျော်ပိုက်တော့တာကြောင့် သူ့သခင်မသိအောင် တိတ်တဆိတ်ထွက်ခွာလာခဲ့ပြီး တွံတေးနယ် တောကြီးတန်းမှာရှိတဲ့ ဇောတိကုန်းရွာသားဖြစ်ကြတဲ့ ဦးဘိုးလုံ၊ ဦးသောမ၊ ဦးမောင်လေးတို့ သုံးဦးသားကို သိုင်းပြောင်းပြန်ပညာများ သင်ကြားပေးခဲ့ပါတယ်။  ဆရာကြီးဦးမောင်လေးကမှတစ်ဆင့် တပြည်လုံးကို သိုင်းပြောင်းပြန်ပညာများ ဖြန့်ဝေ သင်ကြားပေးမှုကြောင့် မြန်မာနိုင်ငံမှာ သိုင်းပြောင်းပြန်ပညာဟာ ဂုဏ်သိက္ခာရှိစွာ ထီးထီးမားမား ၀ံ့ဝံ့ထည်ထည် ရပ်တည်နိုင်ခဲ့ပါတယ်။ ဒါဟာ သိုင်းပြောင်းပြန်ရဲ့အကြောင်းအကြမ်းဖျင်း ပြောပြ တာပါ။ နောက်တော့မှ အသေးစိတ်ရေးပါဦးမယ်။

ရေဆင်းစိုက်ပျိုးရေးတက္ကသိုလ်မှာ သိုင်းပြောင်းပြန်သင်တန်း ဖွင့်လှစ်သင်ကြားနေတော့ စိုက်ပျိုးရေး တက္ကသိုလ်ကျောင်းသား၊ မွေးမြူရေးဆိုင်ရာဆေးတက္ကသိုလ်ကျောင်းသား၊ သစ်တော တက္ကသိုလ်ကျောင်းသားတွေ လာရောက်လေ့လာ သင်ကြားကြတော့ ကျွန်တော့်မှာ စိတ်အေးချမ်းသာနဲ့ ပညာကုန် မချွင်းမချန် သင်ကြားပြသပေးလို့ ရပါတယ်။ အကြောင်းကတော့ သူတို့ စာရိတ္တပိုင်းကို ကျွန်တော် ယုံကြည်တယ်။ တက္ကသိုလ်ကျောင်းသား ပညာတတ်လူငယ်တွေဖြစ်တဲ့ အတွက် အမှားအမှန်ကို ကောင်းကောင်းခွဲခြားနိုင်တဲ့ ဥာဏ်ရည်မြင့်သူတွေဖြစ်တယ်။ နောင် အနာဂါတ် မြန်မာနိုင်ငံရဲ့ အင်အားသစ်သားကောင်းရတနာ ပညာတတ်လူငယ်လေးတွေကို ကျွန်တော်တတ်ကျွမ်းတဲ့ သိုင်းပညာအမွေပေးရတဲ့အတွက် အလွန်ပဲ ကြည်နူးပီတိဖြစ်ရပါတယ်။ သူတို့တစ်တွေဟာ နောင်တချိန်မှာ မြန်မာပြည်အနှံ့ မြို့ပြကျေးလက်တောရွာနဲ့ တောကြိုအုံကြား မကျန် နိုင်ငံတော်က ပေးအပ်တဲ့ တာဝန်တွေကို ဖြန့်ကျက်သွားရောက် ထမ်းဆောင်ကြရမှာပါ။ အဲဒီလို တာဝန်ထမ်းဆောင်ရတဲ့အခါ လူဆိုးသူခိုး မသမာသူတွေနှောင့်ယှက်ဖျက်ဆီး အန္တရာယ်ပြု တိုက်ခိုက်လာခဲ့ရင် ရင်ဆိုင်နိုင်ဖို့အတွက် သိုင်းပြောင်းပြန်ဆိုတဲ့ အဖေါ်ကောင်းဟာ သူတို့နဲ့အတူ ရှိနေပါပြီ။ သိုင်းပြောင်းပြန်သင်တန်းဟာ နိုင်ငံ သားကောင်းရတနာတွေ ဆုံးရှုံးနစ်နာမှုမရှိအောင် တစ်ဖက်တစ်လမ်းက ကာကွယ်ပေးရာလည်း ရောက်ပါတယ်။ မြန်မာရိုးရာယဉ်ကျေးမှု အမွေအနှစ် သိုင်းပညာကို အမွေအဖြစ် ဖြန့်ဝေပေးရင်း အမျိုးသားရေးတာဝန်နဲ့ နိုင်ငံတာဝန်ကိုလည်း ထမ်းဆောင် ရာ ရောက်ပါတယ်။ လူငယ်မောင်မယ်များရဲ့ ကာယဗလ၊ ဥာဏဗလ၊ စာရိတ္တဗလ၊ မိတ္တဗလအင်အားများကို ဖြည့်ဆည်းပေးရာလည်း ရောက်ပါတယ်။ သိုင်းကစားခြင်းဖြင့် ဇာတိသွေး ဇာတိမာန်နဲ့ မျုိုးချစ်စိတ်ဓာတ်ရှင်သန်စေပြီး မြန်မာမှုကို မြတ်နိုးလာစေရန် လေ့ကျင့်ပျိုးထောင်ပေးရာ လည်း ရောက်ပါတယ်။

ဒီနေရာမှာ ကျွန်တော့်အပေါ် အမြင်မကြည်တာ တစ်ခုရှိနိုင်ပါတယ်။ ကျွန်တော်ဟာ သင်တန်းကြေးနဲ့ စီးပွားရေးလုပ်စားနေတယ်လို့ ထင်နိုင်ပါတယ်။ တကယ်တော့ ၁၉၈၃-ခုနှစ်က စဖွင့်ခဲ့တဲ့ သိုင်းပြောင်းပြန် သင်တန်းဟာ ၁၉၉၃ ခုနှစ်အထိ သင်တန်းကြေး လုံးဝ မပေးရပါဘူး။ အခမဲ့ သင်ကြားပေးတဲ့အပြင် သင်တန်းသုံး ကိရိယာတွေဖြစ်တဲ့ တုတ်တို့၊ ဓားတို့ကို ကျွန်တော်ကပဲ စိုက်ထုတ်ဝယ်ယူပေးခဲ့တာပါ။ ၁၉၉၃ ခုနှစ်နောက်ပိုင်းမှာ သင်တန်းသားတွေက သင်တန်းကြေး ၁၅၀ ကျပ် သတ်မှတ် အချင်းချင်းကောက်ခံ စုဆောင်းပြီး ကျွန်တော့်ကို လာရောက် ကန်တော့ကြပါတယ်။ ကျွန်တော်လည်း ခေတ်ကာလ အခြေအနေ စားဝတ်နေရေးအခြေအနေအရ လက်ခံလိုက်ပါတယ်။ အဲဒီလိုနဲ့ တရွေ့ရွေ့ပြောင်းလဲ သတ်မှတ်လာလိုက်ကြတာ ဒီကနေ့ သင်တန်းကြေးဟာ ပထမအဆင့် နှစ်ထောင်၊ ဒုတိယအဆင့် နှစ်ထောင်၊ တတိယအဆင့်နှစ်ထောင်ဆိုတာလည်း သင်တန်းသားတွေက သတ်မှတ်ပေးကြတာပါ။ ကျွန်တော့်ဘက်ကတော့ သင်တန်းကြေးပေးသည်ဖြစ်စေ မပေးသည်ဖြစ်စေ မခွဲခြားဘဲ သင်ပြပေးနေတာပါပဲ။ သင်တန်းကြေး မပေးနိုင်သူတွေလည်း ရှိကြတာပါပဲ။ ရှိလည်း မငြိုငြင်တဲ့အပြင် သူတို့ကို အားမငယ်စေဖို့တောင် အားပေးပါသေးတယ်။ တစ်ခု သတိရရမှာက မြန်မာနိုင်ငံမှာ သိုင်းပညာနဲ့ စီးပွားရှာလို့ မရပါဘူး။ စားဝတ်နေရေးနဲ့ ဘ၀ရပ်တည်မှုကိုတောင် အာမခံချက် မပေးနိုင်ပါဘူး။ အလွန်အင်မတန်နည်းပါးတဲ့ ငွေကြေးတစ်ချို့ကိုတော့ ရနိုင်ပါတယ်။ ကျွန်တော်နဲ့ အတူတူဆရာဖြစ်ရထားကြတဲ့ သိုင်းဆရာတွေ ဒီကနေ့ အဆင့်တစ်ဆင့်ကို ငွေ ၅၀၀၀ နဲ့ သင်ပေးနေကြပေမယ့် သူတို့ စီးပွားရေးဟာ တိုးတက်မလာပါဘူး။ အမြင်ရှင်းစေချင်တာက ကျွန်တော်ဟာ သိုင်းပြောင်းပြန်သင်တန်းနဲ့ ပတ်သက်ပြီး လူမှုရေးမျှော်လင့်ချက် လုံးဝမထားပါဘူး။ စီးပွားရေး မျှော်လင့်ချက် လုံးဝမထားပါဘူးဆိုတာပဲ။ ဒါ ကျွန်တော့် သဘောထားအမှန်ကို အရိုးသားဆုံး တင်ပြတာပါ။ သိုင်းသင်တန်းနဲ့ ပတ်သက်လို့ကတော့ ကိုယ့်တာဝန် ကိုယ်ထမ်းဆောင်နေတယ်လို့ပဲ ခံယူထားပါတယ်။ ရေဆင်းစိုက်ပျိုးရေးတက္ကသိုလ်မှာ ကျွန်တော်ဖွင့်လှစ်သင်ကြားပြသပေးနေတဲ့ သိုင်းပြောင်းပြန်သင်တန်းရဲ့ သက်တမ်းဟာ နှစ်ဆယ့်နှစ်နှစ်ထဲ ရောက်နေပါပြီ။ ဒီသက်တမ်းအတွင်း မှာ ငွေကြေးအရှုပ်အရှင်း၊ လူမှုရေး အရှုပ်အရှင်း ဘာတစ်ခုမှ မရှိခဲ့ပါဘူး။ သင်တန်းသားတွေ ဟာလည်း ပျော်ရွှင်စွာနဲ့ လေ့ကျင့်သင်ကြားနေကြတာပါပဲ။ ဒီအစဉ်အလာကောင်းတွေကို ဆက်လက် ထိန်းသိမ်းသွားရမှာ အမှန်ပါပဲ။

ရေဆင်းစိုက်ပျိုးရေးတက္ကသိုလ်ကြီးဟာ နှစ်(၈၀)ပြည့် ပတ္တမြားရတုသဘင်ကို ဆင်နွှဲခဲ့ပါပြီ။ သက်တမ်း ရင့်ကျက်လာတာနဲ့အမျှ တည်ငြိမ်တဲ့ ဂုဏ်သိက္ခာနဲ့ အမြဲနုပျို လန်းဆန်းတိုးတက်နေမယ့် တက္ကသိုလ်ကြီးပါ။ အလေ့အကျင့်ကောင်းတွေ အစဉ်အလာကောင်းတွေနဲ့ နိုင်ငံတော်အတွက် ခေတ်မီ တိုးတက်တဲ့ အရည်အချင်းပြည့် စိုက်ပျိုးရေးပညာရှင်ပေါင်းများစွာကို မွေးထုတ်ပေးနေတဲ့ တက္ကသိုလ်ကြီးပါ။ မြန်မာနိုင်ငံအတွက် မရှိမဖြစ် အလွန်လိုအပ်တဲ့ အားထားဂုဏ်ယူစရာ ဖြစ်တဲ့ တက္ကသိုလ်ကြီးပါ။ ဒီလို ဂုဏ်အင်္ဂါတွေနဲ့ ပြည့်စုံထုံမွှန်းနေတဲ့ ရေဆင်းစိုက်ပျိုးရေးတက္ကသိုလ်မှာ ကျွန်တော့်အနေဖြင့် ကျောင်းသားကျောင်းသူများရဲ့ ငြိမ်းချမ်းစွာ ပညာသင်ကြားရေးအတွက် တစ်စိတ်တစ်ပိုင်းက အထောက်အကူပြုနိုင်မယ့် သိုင်းပြောင်းပြန် သင်တန်းဖွင့်လှစ်ခွင့်ရတဲ့ အတွက်လည်း များစွာဂုဏ်ယူဝမ်းမြောက်မိပါကြောင်း ရေးသားတင်ပြအပ်ပါတယ်။

ဦးတင်မြင့် (သိုင်းပြောင်းပြန်)

ဆရာကြီးဦးတင်မြင့်နဲ့ ဆက်သွယ်ချင်တယ်ဆိုရင်တော့
လက်ရှိမှာ ဆရာကြီးဟာ နေပြည်တော် ဘူတာကြီးရှေ့နားမှာ နေပါတယ်။
ဦးတင်မြင့် + Dr. သောင်းကြည် (စိုက်ပျိုးတက္ကသိုလ်) လို့ မေးရင်ရပါတယ်။

ယခုဖော်ပြပါ ဆောင်းပါကို ebook အနေနဲ့ download ရယူချင်တယ်ဆိုရင်တော့ ဒီမှာယူပါ ခင်ဗျာ။

အားလုံးပဲ ရွှင်လန်းချမ်းမြေ့ကြပါစေခင်ဗျာ။

ဆရာကြီးဦးအောင်သိန်း ကိုယ်တွေ့ဗမာ့သိုင်းပညာများ စာအုပ်

ဒီကနေ့ တင်ပေးတဲ့ စာအုပ်ကတော့ မြန်မာနိုင်ငံသိုင်းအဖွဲ့ချုပ်ဝင် ဗမာ့သိုင်းလက်ရုံးရည် ပညာပြန့်ပွားရေးအဖွဲ၏ ဆရာကြီးဦးအောင်သိန်း ပြုစုရေးသားသော ကိုယ်တွေ့ဗမာ့သိုင်းပညာများ စာအုပ်ဖြစ်ပါတယ်။ ဒီစာအုပ်ကို scan ဖတ်ပြီးသားပုံတွေ ရထားတာတော့ ကြာပါပြီ။ ကိုလူငယ်ဆီကပါ။ ဒီနေရာမှာ ကိုလူငယ်ကို ကျေးဇူးတင်ကြောင်းလည်း  မှတ်တမ်းတင်ပါတယ်ခင်ဗျာ။

Myanmar Martial Arts By U Aung Thein

ကိုယ်တွေ့ဗမာ့သိုင်းပညာများ (ဦးအောင်သိန်း)

Download (10.1 MB)

File size ကတော့ 10.1 MB ပါ။ အပေါ်က link မှာ download ရယူနိုင်ပါပြီ။

အပတ်စဉ် သောကြာနေ့တိုင်း update လုပ်ပေးမှာ ဖြစ်ပါတယ်။ scan ဖတ်ပြီးသားတွေ ကျွန်တော့်ဆီကို ပို့ထားတာတွေရော၊ scan ထပ်ဖတ်ထားတာတွေရော ရှိပါတယ်။ အဲ့ဒါတွေလည်း ebook အနေနဲ့ ဆက်လက် ပြုလုပ်တင်ဆက်သွားမှာ ဖြစ်ပါတယ်။ စာအုပ်တွေ scan ဖတ်ပြီး ပုံတွေပေးပို့ချင်တယ်ဆိုရင်လည်း thaingwizard@gmail.com ကို email ပို့ထားနိုင်ပါတယ်။ File Size လည်း မကြီးစေဘဲ Quality ကောင်းအောင် ကြိုးစားပြီးလုပ်ပေးပါ့မယ်။ အားလုံးကို ကျေးဇူးပါ။

မောင်လေးဆိုတဲ့ ပြောင်းပြန်မုန်တိုင်း စာအုပ်

အခုဆိုရင် Thaing Wizard မှာ update မလုပ်ဖြစ်တာ ကိုးလလောက်ရှိပါပြီ။ ဒီကနေ့တော့ update လုပ်မှဖြစ်မယ်ဆိုတဲ့စိတ်နဲ့ အသစ်တွေ တင်ပေးလိုက်ပါတယ်။ အဓိကကတော့ ဆရာပွင့်လန်း(သတ္တုတွင်း)ရဲ့ “မောင်လေးဆိုတဲ့ ပြောင်းပြန်မုန်တိုင်း” စာအုပ်ပါ။ ယခုစာအုပ်ကို သိုင်းပြောင်းပြန်ဆရာ ကိုလူမင်း မှ ebook ပြုလုပ်ပေးထားတာ ဖြစ်ပါတယ်။

Byaung Byan Storm Named Maung Lay

မောင်လေးဆိုတဲ့ ပြောင်းပြန်မုန်တိုင်း (ပွင့်လန်း-သတ္တုတွင်း)

Download (File Size – 81.6 MB)

အရင်က တင်ထားဖူးတဲ့ သိုင်းပြောင်းပြန်စာအုပ်တွေကို download ရယူလိုတယ်ဆိုရင်တော့ ဒီနေရာမှာ ရယူနိုင်ပါတယ်။ တင်ခဲ့ဖူးသမျှ သိုင်းပညာရပ်ဆိုင်ရာ စာအုပ်များ၊ ဆောင်းပါးများကို download ရယူလိုတယ်ဆိုရင်တော့ ဒီနေရာမှာ ရယူနိုင်ပါတယ်။


သိုင်းပြောင်းပြန်ပညာရပ်ကို စိတ်ဝင်စားလို့ သင်ယူချင်တယ်ဆိုရင်တော့

၁။ Myanmar Thaing Byaung Byan Association – မြန်မာနိုင်ငံသိုင်းပြောင်းပြန်အဖွဲ့ချုပ်
Sayagyi U Aung Thein
အမှတ်(၁၂၈)၊ ကျိုက်ခေါက်ဘုရားလမ်း၊
သန်လျင်မြို့နယ်၊ ရန်ကုန်။
ဖုန်း – 09450030502
Website –  http://itbba.org/

၂။ မြန်မာနိုင်ငံသိုင်းအဖွဲ့ချုပ် ဆရာဦးစိုးဝင်း ဦးစီးသော
ကမ္ဘောဇနန်းတွင်းခူးကာချန့် သိုင်းပြောင်းပြန် (ပင်မ)
အမှတ် (၇၃၆) ရန်မြေ (၁) လမ်း၊ ၂-တောင်ရပ်ကွက်၊
သာကေတမြို့နယ်၊ ရန်ကုန်။

၃။ Thaing Byaung Byan (သိုင်းပြောင်းပြန်)
Sayagyi U Thein Aye
အမက-၂၅ ကျောင်းဝင်း၊ ဘုရင့်နောင်မီးသတ်ဘေးလမ်း၊ မရမ်းကုန်၊ ရန်ကုန်။
ဖုန်း – 0931289562
Facebook: www.facebook.com/khukhachant.martialart

၎။ Thaing Byaung Byan (သိုင်းပြောင်းပြန်)
Saya Byaung Byan Lu Min
အမှတ် (၁၆)ဦးစံဖေလမ်း၊ ဆားကန်ကျောင်းတိုက် အနီး၊
(ဘုရားလမ်းမှတ်တိုင်)၊ သင်္ဃန်းကျွန်းမြို့နယ်၊ ရန်ကုန်။
ဖုန်း – 09420067196
Facebook – www.facebook.com/lu.min.5688

၅။ Thaing Byaung Byan – သိုင်းပြောင်းပြန် (မန္တလေး)
Sayagyi U Maung Maung
၁၆-လမ်းနှင့် ၈၇လမ်းထောင့်၊ ပင်လယ်တိုက် ရွှေမန်းအုတ်ကျောင်း၊ မန္တလေး။
ဖုန်း – 09420779417, 0933033843
Website: http://thaingbyaungbyan.blogspot.com/
Facebook: www.facebook.com/thaingbyaung.byan

၆။ Thaing Byaung Byan – သိုင်းပြောင်းပြန် (ပုသိမ်)
Sayagyi U Hla Thein
ရာမညဈေးအနီး၊ ပုသိမ်မြို့။
ဖုန်း – 0931173901 (Ko Khin Maung Bo – Grandson of U Hla Thein)
Facebook: www.facebook.com/thaingbyaungbyanpathein.ayeyarwaddy

အခြားသိုင်းပြောင်းပြန် သင်တန်းခွဲများ (ရန်ကုန်)
1. အမှတ် (၄၇၀) မဟော်သဓာလမ်း ၁၆ ရပ်ကွက်၊ ရွှေပေါက္ကံ၊ (အင်္ဂါ၊ ဗုဒ္ဓဟူး နံနက် 8:30-10:00AM)
2. အမှတ် (၂၁၅) ဇီဝစိုးလမ်း ၁၄ ရပ်ကွက်၊ တောင်ဥက္ကလာ (စနေ၊ တနင်္ဂနွေ 8:30-10:00AM)
3. အမှတ် (၁၄၄) ၁၃လမ်း၊ ၁ရပ်ကွက်၊ မရမ်းကုန်း (စနေ၊ တနင်္ဂနွေ၊ 2:00-3:30PM/4:5:30)
4. အမှတ် (၁၆)ဦးစံဖေလမ်း၊ ဆားကန်ကျောင်းတိုက် အနီး၊ သင်္ဃန်းကျွန်းမြို့နယ်။
ဆက်သွယ်ရန်-ဆရာကြီးဦးသိန်းအေး
ဖုန်း – 0931289562

ကမ္ဘောဇ နန်းတွင်း ခူးခါချန့် သိုင်းပြောင်းပြန် အခြေခံ ကျင့်စဉ်များ

ကမ္ဘောဇ နန်းတွင်း ခူးခါချန့် သိုင်းပြောင်းပြန်၏ အခြေခံ ကျင့်စဉ်များ အကြောင်းဖြစ်ပါတယ်။ http://khukhachant.per.mm/ ကနေ ကူးယူထားတာပါ။ အဲ့ဒီ website လေးကတော့ အခု မရှိတော့ပါ။ ၀ါသနာရှင်များ ဖတ်ရှုနိုင်ရန် ebook ပြန်လည်ပြုလုပ်ခြင်းဖြစ်ပါတယ်။

How To Thaing Byaung Byan

ကမ္ဘောဇ နန်းတွင်း ခူးခါချန့် သိုင်းပြောင်းပြန်၏ အခြေခံ ကျင့်စဉ်များ

ဖော်ပြပါစာအုပ်မှာ ပါဝင်တဲ့ အခန်းများကတော့…
(၁) ကမ္ဘောဇ နန်းတွင်း ခူးခါချန့် သိုင်းပြောင်းပြန်၏ သမိုင်းစဉ်
(၂) သိုင်းပြောင်းပြန်နာယကဆရာကြီး ဦးမောင်လေး၏ ကိုယ်ရေးအကျဉ်းချုပ်နှင့်
(၃) ကမ္ဘောဇ နန်းတွင်း ခူးခါချန့် သိုင်းပြောင်းပြန်၏ အခြေခံ ကျင့်စဉ်များ
ဆိုပြီး ပါဝင်ပါတယ်။

သိုင်းပြောင်းပြန် အခြေခံကျင့်စဉ်များမှာ- အခုန်ကျင့်နည်းစနစ်၊ လက်နည်းစနစ်၊ တုတ်နည်းစနစ်၊ ဓားနည်းစနစ် စသည်ဖြင့် အတော်စုံစုံလင်လင်ပါပါတယ်။ အခြေခံကျင့်စဉ်ဟု ဆိုထားသော်လည်း အခြေခံတိုက်ခိုက်နည်းစနစ်များသာမက ကိုယ်ခန္ဓာကြံ့ခိုင်မှုအတွက် မဖြစ်မနေလေ့ကျင့် ရမည့် လေ့ကျင့်ခန်းများပါဝင်နေပါတယ်။

Download(File Size – 843 KB)

ဖော်ပြပါ စာအုပ်ကို download ရယူမယ်ဆိုရင်တော့ ဒီမှာ ပါဗျာ။ ယခုစာအုပ်အပြင် အခြားသော သိုင်းပြောင်းပြန်စာအုပ်များ၊ သိုင်းစာအုပ်များကို download ရယူမယ်ဆိုရင်တော့ ဒီမှာ သွားရောက် ကူးယူနိုင်ပါကြောင်း…


သိုင်းပြောင်းပြန် Website များ…

International Thaing Byan Association: http://itbba.org/
Thaing Byaung Byan (Mandalay): http://thaingbyaungbyan.blogspot.com/


သိုင်းပြောင်းပြန်နဲ့ ပတ်သတ်တဲ့ Facebook Account နဲ့ Fan Page များ…

Khukhachant Martial Art,
Thaingbyaung Byan,
ခူးကာချန့် – သိုင်းပြောင်းပြန်သင်တန်း TBB Ku Kar Chant,
သိုင်းပြောင်းပြန်ပုသိမ်. Thaing Byaung Byan Pathein,
ခူးခါချန့် သိုင်းပြောင်းပြန် – Thaing Byaung Pyan


သိုင်းပြောင်းပြန်နဲ့ အခြားသိုင်းစာအုပ်များ…

https://thaingwizard.wordpress.com/martial-arts-book-in-myanmar


သိုင်းပြောင်းပြန်နဲ့ အခြားသိုင်းသင်တန်းလိပ်စာများ…

https://thaingwizard.wordpress.com/martial-arts-institute

သိုင်းပြောင်းပြန် ပညာစဉ်၊ သမားစဉ် ဂါရဝပြု အခမ်းအနား

ကမ္ဘောဇနန်းတွင်း ခူးခါချန့် သိုင်းပြောင်းပြန် ပင်မနာယက ဆရာကြီး ဦးမောင်လေးနှင့် ဆရာကြီး ဦးအေးနိုင် (နန်းတော်ရှေ့) တို့အား ပညာစဉ်၊ သမားစဉ် ဂါရဝပြုခြင်း အခမ်းအနား

မန္တလေးတိုင်းဒေသကြီး အောင်မြေသာဇံမြို့နယ် (၁၉) လမ်း နန်းရှေ့မုန်တိုင် ဓမ္မာရုံ၌ မြန်မာ့ရိုးရာ သိုင်းပြောင်းပြန် ပညာစဉ် တိမ်ကောပပျောက်သွားခြင်း မရှိစေရန်၊ လက်ဆင့်ကမ်း ထိန်းသိမ်းသည့် ပညာရှင်များ ပေါ်ပေါက်လာစေရန်၊ ပညာညီအစ်ကို အချင်းချင်း စည်းလုံး ညီညွတ်စေပြီး မြန်မာ့ရိုးရာ သိုင်းပညာရပ်များ ပြန့်ပွားအောင် ဆောင်ရွက်နိုင်ရန် ရည်ရွယ်၍ ခူးခါချန့် ကမ္ဘောဇ နန်းတွင်းသိုင်းပြောင်းပြန် ပင်မနာယက ဆရာကြီး ဦးမောင်လေးနှင့် ဆရာကြီး ဦးအေးနိုင် (နန်းတော်ရှေ့) တို့အား ပညာစဉ်၊ သမားစဉ် ဂါရဝပြုခြင်း အခမ်းအနားကို ၁၃၇၅ တန်ဆောင်မုန်းလဆန်း ၁ ရက် (နိုဝင်ဘာလ-၃-ရက်၊ ၂၀၁၃) က ကျင်းပသည်။

Thaing Byaung Byan Show-Mandalay-3-Nov-2013

Thaing Byaung Byan Show-Mandalay-3-Nov-2013

မန္တလေးတိုင်း အတွင်းမှ သိုင်းပြောင်းပြန်ဆရာကြီးများနှင့် သိုင်းပြောင်းပြန်သမားများ သာမက ရန်ကုန်၊ မတ္တရာ၊ တံတားဦး၊ ပြင်ဦးလွင်နှင့် အနယ်နယ်အရပ်ရပ်မှ ဆရာကြီးများနှင့် သင်တန်းသားအဖွဲ့ဝင်များ အားလုံး တက်ရောက် ပူဇော်ခဲ့ကြပါသည်။

အခမ်းအနားတွင် သိုင်းပြောင်းပြန် ပညာစဉ် ပူဇော်ပွဲဖြစ်မြောက်ရေး နာယက ဦးသန်းမောင်က အဖွင့်အမှာစကား ပြောကြားပြီး ရန်ကုန်သိုင်းပြောင်းပြန် ပင်မဦးစီးမှ ဆရာဦးသိန်းအေးက ခူးခါချန့် ကမ္ဘောဇနန်းတွင်း သိုင်းပြောင်းပြန် နာယက ဆရာကြီးများ၏ ပညာစဉ်နှင့် ဆောင်ရွက်ချက်များကို ရှင်းလင်း ပြောကြားသည်။ ထို့နောက် ဆရာဦးကျော်ဆောင်းက မန္တလေးတိုင်း ဒေသကြီး ကိုယ်စားပြု သိုင်းပြောင်းပြန်အဖွဲ့၏ လှုပ်ရှား ဆောင်ရွက်မှုများကို ရှင်းလင်းတင်ပြသည်။

ဆက်လက်၍ သိုင်းပြောင်းပြန် ပညာစဉ်များကို သိုင်းပြောင်းပြန် အဖွဲ့အသီးသီး၏ ဆရာများနှင့် တပည့်များက တစ်ဦးချင်း၊ အဖွဲ့လိုက် သိုင်းစွမ်းရည်များ ပြသကာ သိုင်းပြောင်းပြန် ပညာစဉ်ပူဇော်ပွဲ ဖြစ်မြောက်ရေး အဖွဲ့ ဥက္ကဋ္ဌ ဆရာဦးဝင်းဌေးက ကျေးဇူးတင်စကား ပြောကြားသည်။ သိုင်းပြောင်းပြန် ပညာရပ်တွင် ဗန်တိုခေါ် လက်နက်မဲ့ တိုက်ခိုက်နည်းပညာ၊ ဗန်ရှည်ခေါ် လက်နက်ဖြင့် တိုက်ခိုက်နည်းပညာများ ပါဝင်သည်။ လက်နက်ဖြင့် တိုက်ခိုက်နည်းတွင် လက်နက် အတို၊ အရှည်နှစ်မျိုးစလုံးကို ကျွမ်းကျင်စွာ အသုံးချနိုင်ရန် သင်ကြားပေးသော ဘာသာရပ်ဖြစ်ကြောင်း သိရသည်။

အခမ်းအနားအပြီးတွင် ဧည့်သည်တော်များအား ဒံပေါက်ထမင်းနှင့် ကြက်သားဟင်းဖြင့် တည်ခင်းဧည့်ခံကာ အခမ်းအနားအား အောင်မြင်စွာပြီးမြောက်ခဲ့ပါသည်။

Continue reading

သေနတ်မှာမောင်းပြန်၊ သိုင်းမှာပြောင်းပြန်

သိုင်းပြောင်းပြန်ကို စိတ်ဝင်စားသူများအတွက် လာပါပြီ ဒီမှာ…

သိုင်းပညာမှာ အမျိုးအစား သုံးမျိုးခွဲလို့ရတယ်။ အကသိုင်း၊ အပြသိုင်းနဲ့ အချသိုင်း လို့ ဖြစ်တယ်။ ပြောင်းပြန်က အချသိုင်းဖြစ်တယ်။ ကြမ်းတယ်၊ ရမ်းတယ်၊ လုပ်ရင် အပြတ်လုပ်တယ်။ အဲ… ကြည့်လို့တော့ မလှဘူး။ အဲဒါပြောင်းပြန်ပဲ… သေနတ်မှာ မောင်းပြန်၊ သိုင်းမှာ ပြောင်းပြန်၊ ပြောင်းပြန်ကို တောင်းပန်ရင် တောင်းပန်၊ မတောင်းပန်ရင် နှာခေါင်းလန်မဟေ့… လို့ စာချိုးယူရတဲ့ ပညာရပ်ဖြစ်ပါတယ်။

ပြောင်းပြန်ပညာ၊ သို့မဟုတ်၊ သိုင်းပြောင်းပြန်ပညာကို မြန်မာပြည် (ပြည်မ) တွင် စတင်ပို့ချသွားသူမှာ ဆရာကြီး ဦးမောင်လေး၏ ဆရာ၊ ဆရာကြီး ဦးချယ်၊ သို့မဟုတ်၊ ရှမ်းအမျိုးသား သိုင်းဆရာကြီး ဆရာချယ် ဖြစ်ပါသည်။ ဆရာကြီး ဦးချယ်သည် ရှမ်းပြည်မှ ဆင်းလာသူ သိုင်းဆရာကြီး ဖြစ်သော်လည်း မည်သည့်မြို့ရွာတွင် နေထိုင်ခဲ့ကြောင်း၊ မည်သည့် စော်ဘွားထံတွင် အမှုထမ်းခဲ့ကြောင်းကား ဆရာကြီး ဦးမောင်လေး ကိုယ်တိုင်ပင် မသိခဲ့ရပေ။

ထို့ကြောင့် ဆရာကြီး ဦးချယ်တွင် သင်ဆရာရှိသည်၊ မရှိသည်ကိုလည်း မသိရ၊ ဆရာကြီး ဦးချယ်သည် ဤ သိုင်းပြောင်းပြန်ပညာကို တီထွင်ခဲ့သူလော၊ တီထွင်သော ဆရာ တစ်စုံတစ်ယောက်ထံမှ သင်ယူခဲ့ခြင်းလော ဆိုသည်ကို ယနေအထိ မသိရပါ။ ဆရာကြီး ဦးချယ်သည် (၁) ဆရာကြီး ဦးမောင်လေး၊ (၂) ဆရာကြီး ဦးလုံ (၃) ဆရာကြီး သောမ (ခေါ်) ဦးရွှေလှတို့ သုံးယောက်ကို ပညာသင်ပေးသွားခဲ့သည်။  ဆရာကြီး ဦးလုံနှင့်၊ ဦးသောမတို့သည် တပည့် မမွေးပါ။

ဆရာကြီး ဦးမောင်လေးသည် သိုင်းပြောင်းပြန်ပညာကို ၁၆ နှစ်သားတွင် စတင်သင်ယူခဲ့၍၊ ၁၉ နှစ်သားတွင် ဆရာဖြစ်ယူခဲ့ပါသည်။ ၁၂၈၀ ခုနှစ်မှစ၍ မြန်မာပြည်အနှံ့ သိုင်းပြောင်းပြန်ပညာကို ဖြန့်ဖြူးခဲ့ပါသည်။ တပ်မတော်သားများ၊ ရဲတပ်ဖွဲ့ဝင်များ၊ ရန်ကုန်ပင်မတက္ကသိုလ်၊ ရန်ကုန်တက္ကသိုလ် (ကြည်မြင်တိုင်နယ်မြေ)၊ ရန်ကုန်တက္ကသိုလ် (ဗိုလ်တထောင်နယ်မြေ)၊ ရန်ကုန်စီးပွားရေးတက္ကသိုလ်၊ စက်မှုတက္ကသိုလ်၊ ရေဆင်းစိုက်ပျိုးရေး တက္ကသိုလ်နှင့် ကျောင်းသားလူငယ်၊ အလုပ်သမားများစွာတို့ကို သင်ကြားပို့ချခဲ့ပါသည်။

လက်ရှိမှာတော့ ဆရာကြီး ဦးမောင်လေး မရှိတော့ပါ။ သို့သော်လည်း ဆရာကြီး ဦးအောင်သိန်း (သန်လျင်) မှ သိုင်းပြောင်းပြန် ပင်မဦးစီးဆရာကြီးအနေဖြင့် သိုင်းပြောင်းပြန်ပညာများ ဆက်လက်ပြန့်ပွားရေး အတွက် လုပ်ဆောင်နေပါတယ်။

ကဲ… သိုင်းပြောင်းပြန်ကို စိတ်ဝင်စားသွားကြပြီလား။ အဲ့ဒီအတွက်တော့ အောက်မှာ သိုင်းပြောင်းပြန်နဲ့ ပတ်သတ်တဲ့ စာအုပ်အချို့ကို တင်ပေးထားပါတယ်။ Download ရယူနိုင်ပါပြီဗျာ…


၁။ သိုင်းပြောင်းပြန် ပြောင်းပြန်မောင်လေး
By အမျိုးသားစာပေဆုရ စာရေးဆရာ ပွင့်လန်း (သတ္တုတွင်း)

Thaing Byaung Byan Byaung Byan Maung Lay

သိုင်းပြောင်းပြန် ပြောင်းပြန်မောင်လေး (ပွင့်လန်း – သတ္တုတွင်း)

Download(File Size – 13.2 MB)

သိုင်းပြောင်းပြန်ဆရာကြီး ဦးမောင်လေး၏ အတ္ထုပ္ပတ္တိစာအုပ်၊ အလွန်ကောင်းသော စာအုပ်ဖြစ်သည်။ အတ္ထုပ္ပတ္တိစာအုပ်ဖြစ်သော်လည်း ၀တ္တုအသွင်ဖြင့် ရေးသားထားသဖြင့် မပျင်းမရိ တစ်ထိုင်တည်းဖြင့် ဖတ်ချင်စဖွယ်ဖြစ်သည့် စာအုပ်ကောင်းတစ်အုပ်ဖြစ်သည်။

ဤစာအုပ်ကို khtnetpc.webs.com မှ ebook ပြုလုပ်ပေးခဲ့ခြင်းဖြစ်ပါသည်။


၂။ ကမ္ဗောဇနန်းတွင်းခူးခါချန့် သိုင်းပြောင်းပြန်လက်သိုင်း [ပထမတွဲ]
By ဆရာကြီး ဦးအောင်သိန်း (သန်လျင်)

Thaing Byaung Byan Volume 1

ကမ္ဗောဇနန်းတွင်းခူးခါချန့် သိုင်းပြောင်းပြန်လက်သိုင်း [ပထမတွဲ] (ဦးအောင်သိန်း – သန်လျင်)

Download(File Size – 132 MB)

သိုင်းပြောင်းပြန်ဆရာကြီး ဦးမောင်လေး၏ တပည့်ရင်း၊ လက်ရှိ မြန်မာနိုင်ငံတွင် သိုင်းပြောင်းပြန် ပင်မဦးစီးဆရာကြီးအဖြစ် ဆောင်ရွက်နေသူ ဆရာကြီး ဦးအောင်သိန်း (သန်လျင်) ကိုယ်တိုင် ဆရာကြီး ဦးမောင်လေး၏ ခွင့်ပြုချက်ဖြင့် ရေးသားခဲ့သော သိုင်းပြောင်းပြန်လက်သိုင်းကျင့်နည်း စာအုပ်ဖြစ်သည်။ သိုင်းပြောင်းပြန်ပညာကို ၀ါသနာပါသူတို့အတွက် မရှိမဖြစ်ဆောင်ထားသင့်သော စာအုပ်ကောင်းတစ်အုပ်ဖြစ်သည်။

ဤစာအုပ်သည် Thaing Wizard မှ ပြုလုပ်သော စာအုပ်မဟုတ်ပါ။ ၀ါသနာရှင်တစ်ယောက်မှ ပြုလုပ်ပေးခဲ့ခြင်းဖြစ်ပါသည်။ ပြုလုပ်သူမည်သူမှန်းကိုတော့ ကျွန်တော်ပင် သိခွင့်မရခဲ့ပါ။ ယမန်နေ့က Thaing Wizard ၏ email သို့ ဤစာအုပ်ကို ပေးပို့ပေးခဲ့ခြင်းဖြစ်ပါသည်။ ပေးပို့သူအမည်နှင့် အဘယ်ကြောင့်ပေးပို့ခဲ့သည်ကို ထည့်သွင်းမဖော်ပြခဲ့ပါ။ ထို့ကြောင့် အဆိုပါပေးပို့သော အမည်မသိပုဂ္ဂိုလ်အား လွန်စွာကျေးဇူးတင်ရှိပါကြောင်း ဒီနေရာကနေ ပြောပါရစေဗျာ။ နောက်လဲ အခုလိုပဲ ပေးပို့နိုင်ပါကြောင်း… နောင်အခါများတွင် ပေးပို့သူ၏ အမည်လောက်ကိုတော့ ထုတ်ဖော်အသိပေးစေလိုပါကြောင်း…


မကြာခင်မှာ သိုင်းပြောင်းပြန်နဲ့ ပတ်သတ်တာတွေ ထပ်တင်ပေးဖို့လည်း ရှိပါသေးကြောင်း၊ ဆက်လက်ပြီး စောင့်မျှော်အားပေးနေကြစေလို့ပါကြောင်းလည်း တစ်ခါတည်း အသိပေးလိုက်ပါရစေဗျာ…

ဂါမ၀ါသီပွဲကျောင်း လက်ဝှေ့၊ သိုင်းအတတ်ပညာ အကျဉ်း

By Ko Soe Gyi

ဂါမ၀ါသီပွဲကျောင်း လက်ဝှေ့၊ လက်ပမ်း သိုင်းအတတ်ပညာ အကျဉ်း

ရှေးမြန်မာတို့သည် ပွဲကျောင်းလက်ဝှေ့လက်ပန်းအတတ်ကို အောက်ပါကဗျာနှင့် မှတ်သားလွယ်အောင် ဖွဲ့ဆိုခဲ့ကြပါသည်။

မျောက်လေးကွက်ချိုး၊ ကျားကိုးကွက်သွား၊ နဂါးကြေးလှန်၊ ကုမ္ဘဏ်ပန်းခူး၊ ဘီလူးပန်းဆွဲ၊ ပုလဲတွဲသီ၊ နကျည်ပျားတုတ်၊ ကျားပုတ်လက်ကြမ်း၊ ၀က်ဝံ၀မ်းခွဲ၊ မျောက်လွှဲမြေလူး၊ ကျွဲဦးတိုက်ခွေ့၊ မောင်းလွှဲမွေ့သည်၊ လက်ဝှေ့လက်ပန်း၊ ဆယ့်နှစ်ခန်းတည်း။

– မျောက်လေးကွက် မှာ ခြေလေးကွက်ကို မျောက်၏ လျင်မြန်ခြင်းဖြင့် ခုန်၍ ရွှေ့ရ၏။

ကျားကိုးကွက်သွား ၌ မြေပြင်ပေါ်၌ မိန်းမထိုင် ထိုင်ချ၍ ကျားသတ္တ၀ါ၏ဟန်ဖြင့် တိုက်ခိုက်ရမည်။

ကျွဲဦးတိုက်ခွေ့ လေ့ကျင့်ခန်းမှာမူ အလွန်ပင်ပန်း၏။ ခိုင်ခံ့တောင့်တင်းသော တိုင်တစ်တိုင်၌ ကိုယ့်ရဲ့ဦးခေါင်းနှင့်တိုင်း၍ အုန်းဆံဖတ်များကို ချည်နှောင်၍ ခေါင်းဖြင့်ဆောင့်ပြီး လေ့ကျင့်ရ၏။ ကျွဲဦးတိုက်ခွေ့လေ့ကျင့်ခန်းကို လေ့ကျင့်အောင်မြင်သောအခါ ခေါင်းတိုက်ချက်သည် ရန်သူ၏ရင်ဝကို အမြှောက်ဆန်မှန်သလို ခံစားသွားရအောင် တိုက်ခိုက်နိုင်မည်။ ဤကျင့်စဉ် ပြီးဆုံးအောင်မြင်သောအခါ ရှေ့သို့၊ နောက်သို့၊ ဘယ်သို့၊ ညာသို့ ခေါင်းဆတ်ခြင်းလေးမျိုးကို လေ့ကျင့် ရပြန်၏။ ထိုခေါင်းဆတ်သောလေ့ကျင့်ခန်း၌ အိုးများကိုကြိုးဖြင့်ဆိုင်း၍ ခေါင်းဖြင့်ဆတ်ရ၏။ အိုးများကွဲအောင် လေ့ကျင့်ရမည်။ ထို့နောက် အုန်းသီးအခွံကျွတ်များကို ကွဲအောင်လေ့ကျင့်ရမည်။

ဤအဆင့်အောင်မြင်မှ သတ်ကိုးသတ်၊ မောင်းကိုးမောင်းကို လေ့ကျင့်ရသည်။ သတ်ကိုးသတ် ဆိုသည်မှာ လူ၏ခန္ဓာကိုယ်၌ တိုက်ခိုက်ရာတွင် အဓိကအားကိုး၍ အသုံးပြုရသော အမာပိုင်းကိုးနေရာဖြစ်၏။ မောင်းကိုးမောင်းဆိုသည်မှာ တိုက်ခိုက်ရာ၌ ရှောင်ခြင်း၊ တိမ်းခြင်း၊ ကွယ်ခြင်း၊ ကာခြင်း၊ ပယ်ခြင်း၊ ခုတ်ခြင်း၊ ညှပ်ခြင်း၊ ခံခြင်း၊ ညွှတ်ခြင်း၊ ယို့ခြင်း၊ ယိမ်းခြင်း၊ လိမ်ခြင်း၊ ခုန်ခြင်း၊ လွှဲခြင်းပြုလုပ်ရာ၌ အသုံးပြုသောအပိုင်းကို မောင်းဟုခေါ်သည်။

ထို့ကြောင့် သတ်ကိုးသတ်ဖြစ်သည့် ခေါင်း၊ ဘယ်လက်သီး၊ ညာလက်သီး၊ ဘယ်တံတောင်၊ ညာတံတောင်၊ ဘယ်ဒူး၊ ညာဒူး၊ ဘယ်ခြေ၊ ညာခြေတို့သည် သတ်ကိုးသတ် အမာပိုင်းကိုးခုဖြစ်ရာကား ထိုနေရာများမာကျောစေရန် လေ့ကျင့်ရ၏။ ထို့အတူ မောင်းကိုးမောင်းဟူသော ဘယ်လက်ဖျံ၊ ညာလက်ဖျံ၊ ဘယ်လက်မောင်း၊ ညာလက်မောင်း၊ ဘယ်ပေါင်၊ ညာပေါင်၊ ဘယ်ခြေသလုံး၊ ညာခြေသလုံးနှင့် ကျောကုန်းစသည့် မောင်းကိုးမောင်းကိုလည်း သွက်လက်လှုပ်ရှားနိုင်စေ ရန် လေ့ကျင့်ရပြန်သည်။

ရှေးမြန်တို့သည်ခြေကိုရွှေ့၍ သိုင်းကွက်နင်းရသော ခြေကွက်များကို မြန်မာ့စစ်တုရင်ပညာနှင့် သုံးပုံဖဲပညာတို့တွင် မြှပ်နှံထားခဲ့သည်။ ခြေကွက်များမှာ နယ်ကွက်၊ လေးကွက်ခေါ် စစ်ကဲကွက်၊ ငါးကွက်ခေါ် ဆင်ကွက်၊ ခုနှစ်ကွက်ခေါ် မြင်းကွက်၊ ရှစ်ကွက်ခေါ် ရထားကွက်၊ ဆယ့်နှစ်ကွက်ခေါ် မင်းကြီးကွက်တို့ ဖြစ်သည်။ ၎င်းအကွက်များကို စစ်တုရင်ပညာနှင့် သုံးပုံဖဲတို့တွင် လေ့လာနိုင်သည်။ (ဥပမာ-သုံးပုံဖဲရှိ ကုတင်၊ ဆင့်စာ၊ မဲအိုး၊ ဝေါ၊ ရင်း၊ ထင် အစရှိသည်တို့ဖြစ်သည်။ ပုံများကို အခက်အခဲကြောင့်မဖော်ပြနိုင်သည်ကို တောင်းပန်အပ်ပါသည်။)

စစ်တုရင်ကွက်၊ သုံးပုံဖဲကွက်များကို မြေပေါ်၌ ချဆွဲကာ သတ်မှတ်ထားသောနေရာများတွင် ခြေချ၍ အမှားအယွင်းမရှိပဲ မြန်ဆန်သွက်လက်စွာ ခြေရုပ်ခြေသိမ်းများစွာဖြင့် လှုပ်ရှားကစားနိုင်အောင် ကျင့်ရသည်။

ထို့ပြင်ပွဲကျောင်းလက်ဝှေ့ပညာနှင့် ဗန်တိုလက်သိုင်းပညာတို့တွင် အားဖြိုခြင်းကိုးမျိုး၊ အားလွှဲခြင်းသုံးမျိုး ဟူ၍ရှိသည်။ ရန်သူ၏ အရှိုက်နှင့်ချက်ကို ကန်ထိုး၍ အားဖြိုခြင်း၊ ကျောရိုး၊ ခါးဆစ်ကို ကန်ကျောက်၍ အားဖြိုခြင်း၊ လည်မျိုနှင့် ကပ်ပယ်အိတ်ကို တစ်ချိန်တည်း တိုက်ခိုက်၍ အားဖြိုခြင်း၊ နှစ်ဖက်သော ပေါင်တန်ကို ထိုးနှက်၍ အားဖြိုခြင်း၊ ချိုင်းကြားနှစ်ဖက်ကိုထိုး၍ အားဖြိုခြင်း၊ ဒူးဆစ်၊ တံတောင်ဆစ်ကို ထိုးရိုက်ကန်ကြောက်၍ အားဖြိုခြင်းတို့ဖြစ်သည်။ ထို့နောက် အတွင်းအပြင် ဝေ့၀ိုက်၍ ရန်သူ၏အားကိုလွှဲခြင်း၊ ပင့်ထုတ်ဖိပုတ်၍အားလွှဲခြင်း၊ တွန်းပုတ်၍ အတွင်းအပြင်ကို တိုက်ဖျက်၍ အားလွှဲခြင်းစသော အားလွှဲခြင်း သုံးမျိုးဖြစ်သည်။

ရှေးမြန်မာ့ပွဲကျောင်းသားများသည် စိတ်ဓါတ်တည်ငြိမ်၍ မိမိတို့၏သိုင်းပညာရပ်များ ထက်မြက်အောင် သမာဓိကျင့်စဉ်ကိုကျင့်ရသည်။

နဖူးအား”လ”အက္ခရာ၊ ညာပခုံး”ယ”၊ ဘယ်ပခုံး”၀”၊ ညာလက်”ဟ”၊ ဘယ်လက်”သ”၊ ညာဒူး”ည”၊ ဘယ်ဒူး”င”၊ ဘယ်ခြေဖျား”အ”၊ ညာခြေဖျား”င”၊ ရင်ဝအား”သုည(၀)”ဟုမှတ်ရ၏။

မိမိ၏စိတ်ကို သုညနေရာသို့ ပို့ထားပါ၊ ဘာကိုမှ အာရုံမပြုပါနှင့်။ သုညသက်သက်၊ ဗလာသက်သက်ထားပါ။ “လ”လို့အော်ရင် စိတ်ကို နဖူးကိုရွှေ့လိုက်ပါ။ “၀”လို့အော်ရင် စိတ်ကို ဘယ်ပခုံးကိုရွှေ့ပါ။ လူတစ်ယောက်ကိုရှေ့မှအော်ခိုင်းပြီး ကျင့်ပါ။ အော်သောသူက ဖြည်းဖြည်းအော်၍ အက္ခရာတစ်ခုနှင့်တစ်ခုကြား အချိန်ညီမျှအောင် ခေါ်ပေးရမည်။

ပွဲကျောင်းသားများသည် တိုက်ခိုက်ရာ၌ “စ”ဟူသော အက္ခရာကို အသံလုံပြီး အသံကို တိခနဲပြတ်ခနဲဖြစ်အောင် အော်ပြီးမှ တိုက်ခိုက်ကြသည်။ ရန်သူနှင့် ရင်တိုက်ခိုက်သည့်အခါ မိမိအသံသည် လက်နက်တစ်ခုကဲ့သို့ အားကိုးရသည်။ ” စ”ဟူသောအသံကို ရင်ခေါင်းမှအသံနှင့် လည်ဖျားမှအသံ ပေါင်း၍ထုတ်ရ၏။ ပြီးလျှင် လည်ကိုအစ်စေ၍ အသံကိုဖြတ်ပစ်ရ၏။ အသံကိုစာဖြင့် ရေးပြ၍ မဖြစ်နိုင်ပါ။ မည်မျှအင်အားရှိ၍ အစွမ်းထက်သောအသံဖြစ်ပေါ်လာမည်ကို ကိုယ်တိုင်လေ့ကျင့်ကြည့်ပါဟုသာ ပြောလိုပါသည်။ (စကားချပ် – တိုက်ခိုက်ရေးပညာလေ့ကျင့်သူများ သည် အဟန့်ကောင်းရန်လည်း လိုအပ်သည်။ မိမိ၏ မျက်လုံးအကြည့်၊ အသံ၊ ကိုယ်နေဟန်ထားနှင့် အေးဆေးတည်ငြိမ်မှုတို့သည် တစ်ဖက်ရန်သူအား ရှိန်သွား၊ တန့်သွားအောင် လေ့ကျင့်ထားရပေမည်။)

မြန်မာတို့၏ သိုင်းပညာရပ်များတွင် တိရစ္ဆာန်တို့၏ဟန်ဖြင့် တိုက်ခိုက်ရသောပညာများလည်းရှိသည်။ တချို့ကို မြန်မာ့အကပညာရပ်များတွင် မြှုပ်နှံထားသည်။

တစ်ဖက်ရန်သူ၏ ထိုးနှက်ချက်ကို လက်နှစ်ဖက်ဖြင့် ကာ၍ဖျက်ပစ်နိုင်သော လက်ဆစ်လှည့်အက၊ ကိန္နရာကျောက်ကြည့်ဟန်အက၊ လိမ်ထားသောလက်များကို အလိုက်သင့်ဖြေထုတ်နိုင်သော ဆီမီးခွက်အက၊ တစ်ဖက်ရန်သူအားခေါင်းတွင်စိုက်ထားသော ဆံထုံးဖြင့် လက်တစ်ဖက်ဖြင့် ပစ်ပေါက်ခြင်း၊ လက်နှစ်ဖက်ဖြင့် ပစ်ပေါက်ခြင်းဖြင့် တိုက်ခိုက်သော ပန်းစိုက်အကနှစ်မျိုး၊ တစ်ဖက်ရန်သူ၏ တိုက်ကွက်ကို ပုတ်နိုင်ပယ်နိုင်သော မှန်တော်ရှုအက၊ တစ်ဖက်ရန်သူ၏ လည်မျိုနှင့်မျက်လုံးကို ထိုးဖေါက်နိုင်သော ကျောက်ကောက်အက၊ တစ်ဖက်ရန်သူ၏ ခြေထောက်အား ကန်ချိုးသည့် တစ်ပင်တိုင်ကကွက်၊ တစ်ဖက်ရန်သူအားတိုက်ခိုက်ရင်း သွက်လက် စွာရှောင်တိမ်းနိုင်သည့် မင်းသားလက်အက၊ ရန်သူကိုကျောပေး၍ တံတောင်နှင့်တွက်သည့် အတောင်ပံခတ်၍ ကသောငှက်အက အစရှိသည်ဖြင့်ပါဝင်၏။

ဂဠုန်၊ ကြောင်၊ ဗျိုင်း၊ စွန်၊ မျောက်၊ မြွေစသော တိရစ္ဆာန်တို့၏ဟန်ဖြင့် တိုက်ခိုက်သောပညာများမှာလည်း တိုင်းတစ်ပါးပညာများမဟုတ် ရှေးမြန်မာ့ပညာစစ်များဖြစ်ကြသည်။ (မှတ်ချက်။    ။ယခုကျွန်တော်တင်ပြထားတဲ့ ပွဲကျောင်းပညာအကျဉ်းဟာ ဆရာမင်းသိင်္ခရေးသားခဲ့တဲ့ “ပြောထုံးဖြစ်အောင်ငနက်ခေါင်” စာအုပ်မှ ကောက်နုတ်ထားခြင်းပါ။ သုံးပုံဖဲ၊ စစ်တုရင်ကွက်၊ အကဟန်များအား ပုံနှင့်တကွ လေ့လာလိုသူများ “ပြောထုံးဖြစ်အောင်ငနက်ခေါင်” စာအုပ်ကိုသာ ရှာဖွေဖတ်ရကြပါလို့ တိုက်တွန်းလိုက်ပါတယ်ဗျာ။)

 ဗဟုသုတရစေရန်နှင့် လေ့ကျင့်လိုသူများ အဆင်ပြေစေရန်အတွက် မှတ်သားထားသည်များမှ ပွဲကျောင်းပညာအကျဉ်းကို ဖော်ပြပေးလိုက်ပါသည်။

ရွှင်လန်းချမ်းမြေ့ကြပါစေ။

ယခုဆောင်းပါးကို ebook အနေနဲ့ ရယူလိုပါက ဒီနေရာမှာ Download ရယူနိုင်ပါတယ်။

သမိုင်းထဲက အမေ့လျော့ခံ အားကစား (သို့မဟုတ်) ဗန်တို

“မြန်မာ့သိုင်းပညာ သင်တန်းကျောင်း” ဆိုတဲ့ ဆိုင်းဘုတ်က ယိုင်နဲ့နေသလို ကျောင်းဝင်းထဲ မှာလည်း မြက်တွေက ခြေသလုံးမြုပ်မတတ်ရှည်လို့တောင် နေပါပြီ။ ရေညှိတွေဖုံးနေလို့ သိုင်းကသလို ဟန်ချက်ထိန်းပြီး လျှောက်နေရတယ်။

အားကစားဝန်ကြီးဌာန လက်အောက်မှာ ရှိပေမယ့် ပုဂ္ဂလိကသူဌေးတဦး တည်ထောင်ထားတဲ့ ဒီကျောင်းရဲ့ ကျောင်းအုပ်က အသက် ၇၅ နှစ်အရွယ်  ဦးအောင်ဌေးပါ။

Myanmar Thaing Federation

Myanmar Thaing Federation

“ဖက်ဆစ်ကို တော်လှန်ခဲ့တာလည်း မြန်မာ့သိုင်းပဲ။ ဗြိတိသျှကို နှင်ထုတ်ခဲ့တာလည်း မြန်မာ့သိုင်းပဲ ဒါပေမယ့် ငါတို့လူမျိုးက ငါတို့သိုင်းကို မေ့ထားတယ်။ ဘာကြောင့်လဲ” လို့ ဆရာကြီးက ပြောရင်း သက်ပြင်းရှည်တချက် ချလိုက်ပါတယ်။

“မြန်မာတွေ အပြစ်တော့ မဟုတ်ဘူး။ မြန်မာ့သိုင်းက နယ်ချဲ့တွေကို အထိနာတဲ့အခါ ခြောက်လက်မ လက်နက်ကိုင်ရင် ပုဒ်မ ဘယ်လောက်၊ ဓါးတွေ၊ လှံတွေကို ပန်းပဲတွေကလုပ်ရင် ပုဒ်မဘယ်လောက်ဆိုပြီးတော့ ဒီပညာကို နှိပ်ကွပ်ပစ်ကြတယ်။ အဲဒီတော့ ငါတို့အဖိုးတွေ၊ အဖွားတွေက ဘာဖြစ်လာလဲ။ သိုင်းပညာသင်ရင် လူဆိုးဖြစ်လိမ့်မယ် မသင်နဲ့။ အဲလိုတွေ ဖြစ်လာကြတယ်။ အဲဒီ ကိုလိုနီအမွေဟာ အခုထိပါလာတုန်းပဲ။ သိုင်းပညာဆိုတာ ဘာသာနဲ့ ယဉ်ကျေးမှုနဲ့ အတူယှဉ်တွဲပြီး ပေါ်ပေါက်လာတဲ့ အမျိုးသားရေးပညာကွ” လို့ ဆက်ပြောပါတယ်။

ဒဂုံမြို့သစ်မြောက်ပိုင်း ၁ဝ ရပ်ကွက် ကန်သာယာလမ်းမှာရှိတဲ့ သိုင်းသင်တန်းကျောင်းမှာ ပုံမှန်သင်ချိန်နဲ့ သင်တန်းသားရယ်လို့မရှိဘဲ တက္ကသိုလ်တွေ၊ ကျောင်းတွေကနေ တခါတရံလာတတ်သူတွေကို သင်ပေးရတာပါ။ ကျောင်းက အဓိက သင်ပေးတာက စွမ်းရည်မြှင့်တင်ပေးတာဖြစ်ပါတယ်။ ကျောင်းအတွက် ငွေထောက်ပံ့တာ ကတော့ ရွှေတောင်ကုမ္ပဏီပိုင်ရှင် ဦးအောင်ဇော်နိုင် ဖြစ်ပါတယ်။

မြန်မာ့မြေပေါ်မှာ ဆယ်စုနှစ်လေးခုအကျော်မှာ တကျော့ပြန် ပြန်မြင်ရမယ့် နိုင်ငံတကာပြိုင်ပွဲကြီးဖြစ်တဲ့ ၂ဝ၁၃ ခုနှစ် အာဆီယံဆီးဂိမ်းပြိုင်ပွဲမှာ ဗန်တိုနဲ့ အချက်အလက်ချင်း အတော်လေး ဆင်တူတဲ့ ဗီယက်နမ် ဗီုဗီနမ်ကို လက်ခံထည့်သွင်းထားတာ တွေ့ရပါတယ်။

မြန်မာ့သိုင်းပညာ အခြေခံခြောက်မျိုးဖြစ်တဲ့ ဗန်တို၊ ဗန်ရှည်၊ လက်ဝှေ့၊ လက်ပွေ့၊ လက်ပမ်း၊ နပမ်းဆိုပြီး ရှိပါတယ်။

ဗန်တိုဆိုတာကတော့ လက်နက်မဲ့ တိုက်ခိုက်နည်း။ ဗန်ရှည်ဆိုတာကတော့ လက်နက်နဲ့ တိုက်ခိုက်နည်း။ လက်ဝှေ့ ဆိုတာကတော့ အမာခံတိုက်တဲ့စနစ်။ နပမ်းဆိုတာက အားချင်းပြိုင်တဲ့ပွဲ။ လက်ပွေ့ဆိုတာကတော့ ချုပ်ကိုင်မှုကို အသားပေးတဲ့ ပွဲတွေပါ။ လက်ပမ်းဆိုတာကတော့ အားချင်းပြိုင်ပြီးလုံးချိန်မှာ ဖြည်ရတဲ့နည်းလို့ ဆိုပါတယ်။ လက်ဝှေ့ကတော့ လူသိအများဆုံးပါ။ ဒါပေမယ့် ရုပ်ရှင်မင်းသား ညွန့်ဝင်းတို့ ခေတ်ကတည်းက “ဗန်တိုလူလေး” ဆိုတဲ့ဇာတ်ကားဟာ အောင်မြင်လူကြိုက်များ ခဲ့တဲ့ ရုပ်ရှင်ကားတကားဖြစ်ပါတယ်။

ဒါတောင်မှ ကျယ်ကျယ်ပြန့်ပြန့် ဖြစ်မလာခဲ့တာ။ ရိုးရာအားကစားတစ်ခုအနေနဲ့ မအောင်မမြင် ဖြစ်ခဲ့တာ ဘာကြောင့်လဲ။

ဗန်တိုသိုင်းပညာဆိုတာနဲ့ ပါတ်သက်ပြီး အသက် ၂၀ ကျော်အရွယ် လူငယ် ခုနှစ်ဦးကို မဇ္ဈိမက မေးမြန်းကြည့်တဲ့နေရာမှာ အားလုံးက တစ်ညီတစ်ညွတ်တည်း ဖြေကြပါတယ်။ “ကြားတော့ ကြားဖူးတယ်၊ တစ်ခါမှ မမြင်ဖူးဘူး” တဲ့။

“ကျွန်တော်တို့ ငယ်ငယ်တုန်းကတော့ ဗန်တိုလူလေးနှင့် သူဇာ ဆိုတဲ့ဇာတ်ကား ကြည့်ဖူးတယ်။ အဲဒီအထဲက ညွန့်ဝင်း သိုင်းချတာတွေ့တော့ အော် ဗန်တိုဆိုတာ ဒီလိုပါလားလို့ သိတယ်။ အဲဒီနောက် ဗန်တိုဆိုတာနဲ့ ပါတ်သက်ပြီး ဘာဆို ဘာမှ မသိရတော့ဘူး” လို့ အသက် ၂၈ နှစ်အရွယ် ကိုထွန်းနိုင်က ပြောပါတယ်။

အမေရိကန်၊ ပြင်သစ်၊ ဆွစ်ဇာလန်နဲ့ အင်္ဂလန်လို နိုင်ငံမျိုးတွေမှာတော့ ဗန်တို (Bando) ကစားနည်းကို လေ့လာသူများ ရှိသလို နိုင်ငံတကာ ဗန်တိုသိုင်းအဖွဲ့ချုပ်ဆိုပြီး ဆွစ်ဇာလန်နိုင်ငံမှာတောင် ရှိတယ်လို့ ဦးအောင်ဌေးက ပြောပါတယ်။

“ဗန်တိုကို အပျော့နဲ့ အမာဆိုပြီး နှစ်မျိုးခွဲထားတာတော့ ကြားဖူးတယ်။ အပျော့ဗန်တိုဆိုတာ ကိုယ့်ကိုကိုယ် အထိမခံပဲ ရှောင်တိမ်းပြီး တုန့်ပြန်တဲ့နည်း။ အမာဗန်တိုကိုတော့ အခုခေတ်မှာလက်ဝှေ့ လို့ခေါ်တယ်ဆိုတာ။ အဲဒါကတော့ အကွဲအပြဲ မတွန့်မဆုတ်ပဲ ရင်ဆိုင်ပြီး ခံနိုင်ရည်ရှိတဲ့သူက နိုင်တာပဲ။” လို့ အသက် ၂၉  နှစ်အရွယ် ကိုကျော်မျိုးက ပြောရင်း သူကိုယ်တိုင် ဗန်တိုသိုင်းကို တတ်ကျွမ်းလို့မဟုတ်ဘဲ သူ့အဘိုးပြောခဲ့ဖူးတာကို ပြန်လည်ဖောက်သည်ချတာ လို့ ဆိုပါတယ်။

ဦးအောင်ဌေးက ဗန်တိုရဲ့ မူလအဓိပ္ပာယ်ဟာ “မိမိကိုယ်ကို ကျင့်ကြံအားထုတ်ခြင်း” လို့ ဆိုပါတယ်။

“ခုခေတ်လူငယ်တွေက ကျန်ကျောင်း (တရုတ်သိုင်းကားထဲမှ မင်းသားအမည်) ဆိုရင်သာ သိကြတယ်။ မြန်မာ့သိုင်း ဆိုရင်တော့ မသိကြတော့ဘူးကွ။ ခေတ်ရဲ့ရေစီးကြောင်း၊ ရုပ်သံမီဒီယာတွေရဲ့ ရေစီးကြောင်းတွေကြားမှာ မြန်မာ့သိုင်းက ညှပ်ပြီးကျန်ခဲ့တာပဲ။ မြန်မာတွေ တရုတ်ကား၊ ကိုရီးယားကားတွေ ကြည့်တယ်။ အဲဒီအထဲက ရှောင်လင်တွေ ကွန်ဖူးတွေသိတယ်။ ဒါပေမယ့် မြန်မာကားကြည့်ရင် မြန်မာတွေ ဘာသိုင်းနဲ့ ချနေလဲဆိုတာ မသိဘူး။ တရုတ်မှာဆိုရင် ရုပ်ရှင်လောကထဲကိုဝင်ဖို့ ကွန်ဖူးနဲ့ ပတ်သက်တဲ့ ကျွမ်းကျင်လက်မှတ်တစ်စောင်တော့ လိုတယ်လို့ ကြားဖူးတယ်။ ဒီလိုပဲ သူ့လူမျိုးအလိုက် သူတို့ရဲ့ ရိုးရာဓလေ့တွေကို ထိန်းသိမ်းကြရတာပဲ။ ငါတို့မြန်မာပြည်မှာတော့ အဲဒါအားနည်းနေတယ်” လို့ ဦးအောင်ဌေး က ပြောပါတယ်။

ဗီယက်နမ်စစ်ပွဲဖြစ်နေခိုက် ရန်ကုန်မြို့မှာ အရှေ့တောင်အာရှ ကျွန်းဆွယ်ပွဲကို ၁၉၆၉  ခုနှစ် ဒီဇင်ဘာလအတွင်းမှာ ကျင်းပခဲ့ဖူးပါတယ်။ ရန်ကုန်တက္ကသိုလ် (လှိုင်) ဝင်းထဲက အဆောက်အဦ အဲဒီနောက်ပိုင်းတော့ ငွေကြေးအကုန်အကျ မတတ်နိုင်လို့ အိမ်ရှင်နိုင်ငံအဖြစ် လက်ခံကျင်းပဖို့ ငြင်းနေခဲ့ရတာ ဖြစ်ပါတယ်။

နောက်ပိုင်းမှာ အရှေ့တောင်အာရှပြိုင်ပွဲများ သို့မဟုတ် ဆီးဂိမ်းလို့ လူသိများတဲ့ SEA Games အဖြစ် ပြောင်းလဲခဲ့ပါတယ်။ အထီးကျန်ဆန်နေခဲ့တဲ့ မူဝါဒကို စွန့်လွှတ်ကြောင်း ပြသတဲ့အနေနဲ့  အစိုးရဟာ ဘတ်ဂျတ် အခက်ခဲရှိနေတဲ့ ကြားက ၂၀၁၃ ခုနှစ်မှာတော့ ဆီးဂိမ်းကို လက်ခံကျင်းပဖို့ ဆုံးဖြတ်ထားပြီး နေပြည်တော်၊ ရန်ကုန်၊ မန္တလေး၊ ငွေဆောင်တို့မှာ ပြိုင်ပွဲများ လုပ်သွားဖို့ ပြင်ထားပါတယ်။

လက်တွေ့မှာတော့ ဗန်တိုဆိုတာ နောက်ကျကျန်ခဲ့ပါပြီ။ ၂၇ ကြိမ်မြောက်ဆီးဂိမ်းမှာ ယှဉ်ပြိုင်ချင်ရင် ၂၆ ကြိမ်မြောက် ဆီးဂိမ်းမှာ တင်ပြရမှာ ဖြစ်ပါတယ်။ ၂၆ ကြိမ်မြောက်ဆီးဂိမ်းမှာ မတင်ပြခဲ့တဲ့အတွက် လာမယ့် ဆီးဂိမ်းပြိုင်ပွဲမှာ ဒီကစားနည်းကို ချန်ခဲ့ရတော့မှာ ဖြစ်ပါတယ်။

အမေ့ခံ ဗန်တိုသိုင်းပြိုင်ပွဲကို ဆီးဂိမ်းပြိုင်ပွဲတခုခုမှာ ပါလာနိုင်အောင် ကြိုဆိုနေတယ်လို့ ဦးဌေးအောင်က ပြောပါတယ်။ သူမှန်းတာကတော့ ၂၀၁၅ ခုနှစ်မှာလုပ်မယ့် ပြိုင်ပွဲပေါ့။


သိုင်းသင်တန်းနှင့် ပတ်သက်သော သတင်းများ အသေးစိတ် သိရှိလိုပါက
မြန်မာနိုင်ငံသိုင်းအဖွဲ့ချုပ်၊ (၁၀) ရပ်ကွက်၊ မောင်းမကန်ကန်သာယာလမ်း၊
ဒဂုံမြို့သစ် (မြောက်ပိုင်း) ရန်ကုန်။
ဖုန်း- ၀၁-၅၈၀၇၁၂၊ ၀၁-၅၈၄၃၅၃
Email: mtfthaing66@gmail.com သို့ဆက်သွယ်စုံစမ်းနိုင်ပါသည်။


အထက်ဖော်ပြပါ ဆောင်းပါးကို  မဇ္ဈိမ မှ ကူးယူဖော်ပြခြင်း ဖြစ်ပါကြောင်း…

ဆောင်းပါးကို ebook အနေနဲ့ ယူချင်တယ်ဆိုရင် ဒီနေရာမှာ download ယူနိုင်ပါတယ်တင်ဗျာ။

Myanmar Thaing Ancient Martial Arts Video

ဒါလေးကတော့ သိုင်းအဖွဲ့ချုပ်က ဆရာဦးဇော်မင်းထွန်းရဲ့ သိုင်းကစားဟန်တွေ ဖြစ်ပါတယ်။ ရိုက်ထားတာတော့ တော်တော်ကြာပြီဗျ။ မူရင်း link ကတော့ ဒီမှာ ပါ။ Youtube မှာ တင်ပြီးသား အဆင်သင့် ရှိနေတာမို့ channal တစ်ခုဖွင်ပြီး ပြန်တင်မနေတော့ဘဲ တစ်ခါတည်းပဲ အဲ့ဒီ link ကိုပဲ လှမ်းချိတ်ထား လိုက်တယ်ဗျာ။










ဆရာဦးဇော်မင်းထွန်း ဆီမှာ သိုင်းပညာသင်ယူချင်တယ်ဆိုရင်တော့ ဟော့ဒီမှာလိပ်စာပါဗျာ…

ဆရာ ဦးဇော်မင်းထွန်း
မြန်မာ့ဇာတိသွေးသိုင်းပင်မ
(H-12/2)၊ ဦးလွန်းမောင်လမ်း၊ (၇) မိုင်၊ မရမ်းကုန်းမြို့နယ်၊ ရန်ကုန်။
ဖုန်း – 09 425018822
Website: www.facebook.com/zawmin.tun.98871
Email: myanmarzartithway@gmail.com